വിമാനത്താവളത്തില് നിന്ന് വെള്ളമൊഴുക്കിവിടാന് തോടുകളുടെ നിര്മാണം സമയബന്ധിതമായി പൂര്ത്തിയാക്കും
കണ്ണൂര്: കണ്ണൂര് വിമാനത്താവളത്തിനടുത്ത പ്രദേശങ്ങളില് നിന്നുള്ള വെള്ളം ഒഴുകിപ്പോവുന്നതിനായി നിര്മിക്കുന്ന തോടുകളുടെ പ്രവൃത്തികള് സമയബന്ധിതമായി പൂര്ത്തിയാക്കാന് യോഗത്തില് തീരുമാനമായി. ഇതുമായി ബന്ധപ്പെട്ട് മന്ത്രി ഇപി ജയരാജന്റെ നേതൃത്വത്തില് വിമാനത്താവളത്തില് ചേര്ന്ന യോഗത്തിലാണ് ധാരണയായത്. നേരത്തേ രണ്ട് വലിയ തോടുകളും 16 ചെറിയ തോടുകളുമാണ് നിര്മിക്കാന് പദ്ധതിയിട്ടിരുന്നത്. ഇതില് 15ചെറു തോടുകളുടെ നിര്മാണം പൂര്ത്തിയായി. ബാക്കിയുള്ള തോടുകളുടെ നിര്മാണത്തിനുള്ള തടസങ്ങള് ഉടന് നീക്കണമെന്ന് മന്ത്രി നിര്ദേശിച്ചു.
ഇതിനു പുറമെ അധികമായി നിര്ദേശിക്കപ്പെട്ട നാല് ചെറിയ തോടുകളില് രïെണ്ണത്തിനുള്ള ഭരണാനുമതി സര്ക്കാരില് നിന്ന് ലഭിച്ചുകഴിഞ്ഞു. നിലവില് തോടുകള്ക്ക് സ്ലാബ് ആവശ്യമായ സ്ഥലങ്ങളില് അവ സ്ഥാപിക്കുന്നതിനുള്പ്പെടെ അധികമായി വരുന്ന പ്രവൃത്തികള്ക്കുള്ള എസ്റ്റിമേറ്റ് ഒരാഴ്ചയ്ക്കകം തയാറാക്കി സമര്പ്പിക്കാന് ഇറിഗേഷന് വകുപ്പിന് മന്ത്രി നിര്ദ്ദേശം നല്കി. തോട് നിര്മാണ വേളയില് എടുത്ത മണ്ണ് കൃഷി ഭൂമിയില് നിന്ന് മാറ്റുന്നതിനുള്ള നടപടികള് കൈക്കൊള്ളണം.
ചെറിയ തോടുകളില് നിന്നുള്ള വെള്ളം പുഴയിലേക്ക് ഒഴുകിപ്പോവേണ്ട രണ്ട് വലിയ തോടുകളുടെ നിര്മാണം നടക്കാത്തത് പരിസരങ്ങളിലെ വീടുകളിലും കൃഷി ഭൂമിയിലും വെള്ളം കയറാന് കാരണമാകുന്നതായി മട്ടന്നൂര് നഗരസഭാ ചെയര്പേഴ്സണ് അനിത വേണു, കീഴല്ലൂര് പഞ്ചായത്ത് പ്രസിഡന്റ് കെ. രാജന് എന്നിവര് ചൂണ്ടിക്കാട്ടി. ഇതുമായി ബന്ധപ്പെട്ട് നിലനില്ക്കുന്ന തടസങ്ങള് ഉടന് നീക്കി കരാറുകാരായ ഊരാളുങ്കല് സൊസൈറ്റിക്ക് പ്രവൃത്തി പുനരാരംഭിക്കുന്നതിനുള്ള വഴിയൊരുക്കാനും ബന്ധപ്പെട്ടവര്ക്ക് മന്ത്രി നിര്ദ്ദേശം നല്കി.
മുഖ്യമന്ത്രിയുടെ അധ്യക്ഷതയില് നേരത്തേ ചേര്ന്ന തീരുമാനത്തിന്റെ അടിസ്ഥാനത്തില് തോടുകളുടെ നിര്മാണത്തിനാവശ്യമായ 49 കോടി രൂപ കണ്ണൂര് അന്താരാഷ്ട്ര വിമാനത്താവളം നേരത്തേ തന്നെ കൈമാറിയതാണെന്ന് കിയാല് എംഡി വി തുളസീദാസ് പറഞ്ഞു. അധികമായി വന്ന പ്രവൃത്തികള് പൂര്ത്തീകരിക്കുന്നതിന് 4.5 കോടി രൂപ കൂടി ആവശ്യമായി വരുമെന്ന് ഇറിഗേഷന് വകുപ്പ് ചീഫ് എന്ജിനീയര് അറിയിച്ചു. വിമാനത്താവള റണ്വേ വികസനത്തിനാവശ്യമായ അധിക ഭൂമി ഏറ്റെടുക്കുന്നതിനുള്ള നടപടികള് വേഗത്തിലാക്കാനും മന്ത്രി നിര്ദ്ദേശം നല്കി.
മന്ത്രി കടന്നപ്പള്ളി രാമചന്ദ്രന്, ജില്ലാകലക്ടര് ടി.വി സുഭാഷ്, ഇറിഗേഷന് വകുപ്പ് ചീഫ് എന്ജിനീയര് കെ.എച്ച് ശംസുദ്ദീന്, കിയാല് എക്സിക്യൂട്ടീവ് ഡയരക്ടര് കെ.പി ജോസ്, ഡെപ്യൂട്ടി കലക്ടര് (എല്.എ) അനില്കുമാര്, കിയാല് മാനേജര് ടി. അജയകുമാര്, ഇറിഗേഷന് വകുപ്പ് അസിസ്റ്റന്റ് എക്സിക്യൂട്ടീവ് എന്ജിനീയര് പി. സുരേഷ് ബാബു, അസിസ്റ്റന്റ് കലക്ടര് ഡോ. ഹാരിസ് റഷീദ് പങ്കെടുത്തു.
-
ആലിയ ഭട്ടിന്റെ ഗ്ലാമർ രഹസ്യം ഇതാണ്! ആ 8 കാര്യങ്ങളിലൂടെ നിങ്ങളുടെ ചർമ്മവും തിളങ്ങും -
മമ്മൂട്ടിക്ക് ഇപ്പോൾ വീണ്ടും മറ്റേ അസുഖം തുടങ്ങി, ഇനിയെങ്കിലും മനുഷ്യരുടെ പ്രാക്ക് വാങ്ങി കൂട്ടരുത്';ശാന്തിവിള -
സ്വർണ വില പവന് 70,000 രൂപയിലേക്ക്, അതുകഴിഞ്ഞ് കാത്തിരിക്കുന്നത് വൻ കുതിപ്പ്..1.65 ലക്ഷമാകുമെന്ന് -
'മഞ്ജു വാര്യർ കോടിക്കണക്കിന് രൂപയാണ് ഇങ്ങനെ സമ്പാദിക്കുന്നത്,ഏതൊക്കെ കോലത്തിലാണ് വരുന്നത്';ശാന്തിവിള ദിനേശ് -
ഒരു ആപ്പിൾ ഐഫോൺ വാങ്ങാൻ ആഗ്രഹിക്കാത്തവർ ആരുണ്ട്? എങ്കിൽ ഐഫോൺ 15 തന്നെയാവാം, വില? -
മോഹൻലാലിൻ്റെ ആഡംബര വസതികൾ കണ്ണുതള്ളിക്കും; ദുബായിൽ 25 കോടിയുടെ ഫ്ലാറ്റ്, ഊട്ടിയിൽ ആഡംബര വില്ല,കൊച്ചിയിലും -
തമിഴ്നാട്ടിൽ ബിജെപി-ടിവികെ സഖ്യമോ? ചുക്കാൻ പിടിക്കുന്നത് പവൻ കല്യാൺ? ഒടുവിൽ ആ തീരുമാനം അറിയിച്ചു -
കേരളം കിട്ടിയില്ലെങ്കിൽ എന്താ, തമിഴ്നാട് ബിജെപിയുടെ കൈകളിലേക്ക്?.ഡിഎംകെയ വീഴ്ത്തുമെന്ന് സർവ്വെ -
എൽഡിഎഫും യുഡിഎഫും ഒപ്പത്തിനൊപ്പമെത്തും, കിംഗ് മേക്കറാകുമോ ബിജെപി? മാട്രിസ്-ഐഎഎന്സ് സർവ്വേ ഫലം -
നടന് വിജയിയെ വിടാതെ ബിജെപി; കുടുങ്ങിയത് എഐഎഡിഎംകെ, സെങ്കോട്ടയ്യന് ഡിഎംകെ പിടിക്കുമോ -
'12ാം വയസില് കുഞ്ഞാലിക്കുട്ടിയെ കാണാന് തുടങ്ങിയതാ'; സബാഹ് രണ്ടുംകല്പ്പിച്ച്, കണക്കുകള് അനുകൂലം -
കൊയിലാണ്ടി, ബാലുശ്ശേരി നിലനിർത്തുക സിപിഎമ്മിന് വെല്ലുവിളി; തിരുവമ്പാടിയിലും കനത്ത പോരാട്ടം ഉറപ്പ്
Click it and Unblock the Notifications
Sign in with Google