Click it and Unblock the Notifications
Just In
Don't Miss
-
ആ പ്രണയം തകർന്നത് നന്നായി, പ്രസന്നയെ പോലൊരു ഭർത്താവിനെ കിട്ടി; ആ വർഷം കഠിനമായിരുന്നെന്നും സ്നേഹ -
IPL 2024: 36 ബോളില് വേണ്ടത് 96! നാലു വിക്കറ്റ് മാത്രം, 'തോറ്റ' കളി റോയല്സ് ജയിച്ചതെങ്ങനെ? നോക്കാം -
മൂകാംബികയിൽ തൊഴുത് തടാക ക്ഷേത്രവുംപറശ്ശിനിക്കടവും കണ്ടുവരാം.. തീർത്ഥാടന പാക്കേജ് -
രാജ്യത്തെ വാഹന കയറ്റുമതിയിൽ ഇടിവ്, കണക്കുകൾ പുറത്ത് വിട്ട് സിയാം -
ഓവര്തിങ്കിംഗ് ഉണ്ടോ? ദാമ്പത്യം തകരാന് അതുമാത്രം മതി -
ആദ്യ ഐഫോൺ സ്വന്തമാക്കാൻ ഇതാണ് സമയം! ഫ്ലിപ്പ്കാർട്ടിലും ആമസോണിലും കിട്ടുന്ന ഡിസ്കൗണ്ടുകൾ ഇതാ -
ഓഹരി വില പറന്നത് 10ൽ നിന്നും 430 രൂപയിലേക്ക്, മൂന്ന് വർഷത്തെ വളർച്ച 3800%, കൂടെക്കൂട്ടുന്നോ...?
മുല്ലപ്പെരിയാര്‍ പ്രതിഷേധം: ഹര്‍ത്താല്‍ തുടങ്ങി
ഇടുക്കി: മുല്ലപ്പെരിയാല്‍ വിഷയത്തില്‍ സുപ്രീം കോടതി വിധിയില്‍ പ്രതിഷേധിച്ച് മുല്ലപ്പെരിയാര്‍ സമരസമിതി ആഹ്വാനം ചെയ്ത ഹര്‍ത്താല്‍ ആരംഭിച്ചു. രാവിലെ ആറ് മുതല്‍ വൈകിട്ട് ആറ വരെയാണ് ഹര്‍ത്താല്‍. ഇടുക്കി ജില്ലയില്‍ യു ഡി എഫും ഹര്‍ത്താലിന് ആഹ്വാനം ചെയ്തിട്ടുണ്ട്.
സംസ്ഥാനത്തെ എല്ലാ കച്ചവട സ്ഥാപനങ്ങളും തുറന്നു പ്രവര്‍ത്തിയ്ക്കുമെന്ന് വ്യാപാരി വ്യവസായ ഏകോപന സമിതി അറിയിച്ചു. ഇടുക്കി ജില്ലയിലൊഴികെ മറ്റെല്ലായിടത്തും സര്‍വീസ് നടത്തുമെന്ന് സ്വകാര്യ ബസ് സംഘടനാ നേതാക്കളും അറിയിച്ചു.
ഹര്‍ത്താലിന്റെ പശ്ചാത്തലത്തില്‍ എം ജി സര്‍വകലാശാല ഇന്ന് (08-05-2014, വ്യാഴം) നടത്താനിരുന്ന എല്ലാ പരീക്ഷകളും മാറ്റിവച്ചു. ഓഫ് ക്യാമ്പസ് പരീക്ഷകള്‍ 12-ലേക്കും മറ്റ് മരീക്ഷകള്‍ 17-ലേക്കുമാണ് മാറ്റിയിരിക്കുന്നത്. കാലിക്കറ്റ് സര്‍വകലാശാലയിലെയും കൊച്ചി ശാസ്ത്ര സാങ്കേതിക സര്‍വകലാശാലയിലെയും പരീക്ഷ മാറ്റിവച്ചിട്ടുണ്ട്.
കാലടി സര്‍വ്വകലാ ശാലയില്‍ വ്യാഴാഴ്ച നടത്താനിരുന്ന പരീക്ഷകള്‍ ചൊവ്വാഴ്ചത്തേയ്ക്ക് മാറ്റിവച്ചു. സമയക്രമത്തിലൊന്നും മാറ്റമില്ല. അധ്യാപക പരീശീലന ക്ലാസുകളും മാറ്റിവച്ചതായി ഡി പി ഐ അറിയിച്ചു.
മുല്ലപ്പെരിയാര്‍ അണക്കെട്ടിലെ ജലനിരപ്പ് 136 അടിയാക്കി നിജപ്പെടുത്തി കേരള നിയമസഭ 2006-ല്‍ പാസാക്കിയ നിമസഭാ ഭേദഗതി ഭരണഘടനാ വിരുദ്ധമാണെന്ന് സുപ്രീം കോടതി വിധിച്ച പശ്ചാത്തലത്തിലാണ് ഹര്‍ത്താല്‍ നടത്തുന്നത്. അണക്കെട്ട് സുരക്ഷിതമല്ലെന്ന കേരളത്തിന്റെ ആശങ്ക അടിസ്ഥാനമില്ലാത്തതാണെന്നു പറഞ്ഞ കോടതി പുതിയ അണക്കെട്ട് നിര്‍മിക്കാനുള്ള കേരളത്തിന്റെ ആവശ്യം തള്ളി.
