സലീംരാജിന്റെ ക്വാര്ട്ടേഴ്സില് സിബിഐ റെയ്ഡ്
തിരുവനന്തപുരം: വിവാദമായ കടംപള്ളി , കളമശ്ശേരി ഭൂമിയിടപാടുകള് സംബന്ധിച്ച് സംസ്ഥാനവ്യാപകമായി റെയഡ്. സിബിഐ ആണ് സംസ്ഥാന വ്യാപകമായി റെയ്ഡ് നടത്തുന്നത്. മുഖ്യമന്ത്രി ഉമ്മന്ചാണ്ടിയുടെ മുന് ഗണ്മാന് സലീം രാജിന്റെ ക്വാര്ട്ടേഴ്സിലും ബന്ധുവീടുകളിലും ഉള്പ്പടെ 25 ഇടങ്ങളിലാണ് റെയ്ഡ് നടക്കുന്നത്. തിരുവനന്തപുരത്തും കൊച്ചിയിലുമാണ് പ്രധാനമായും റെയ്ഡ്. തിരുവനന്തപുരത്തെ സിബിഐ പ്രത്യേക യൂണിറ്റാണ് റെയ്ഡ് നടത്തുന്നത്.
രാവിലെ ആറ് മണിമുതലാണ് റെയ്ഡ് ആരംഭിച്ചത്. ഒട്ടേറെ രേഖകള് പിടിച്ചെടുത്തതായാണ് റിപ്പോര്ട്ട്. കളമശ്ശേരി ഇടപാടുമായി ബന്ധപ്പെട്ട് പതിനഞ്ച് ഇടങ്ങളിലും കടകംപള്ളി ഇടപാടുമായി ബന്ധപ്പെട്ട പത്തിടങ്ങളിലുമായാണ് റെയ്ഡ് നടക്കുന്നത്.
സലീം രാജിനെക്കൂടാതെ ഭൂമി ഇടപാടിന് ഒത്താശ ചെയ്തു കൊടുത്ത ഉദ്യോഗസ്ഥരുടെ വീടുകളിലും റെയ്ഡ് നടക്കുന്നുണ്ട്. തിരുവനന്തപുരത്തെ സലീംരാജിന്റെ പൊലീസ് ക്വാര്ട്ടേഴ്സില് റെയ്ഡ് നടക്കുന്നുണ്ട്. കടകംപള്ളി ഭൂമി ഇടപാടില് 21മത്തെ പ്രതിയാണ് സലീം രാജ്. സലീരാജിന്റെ ഭാര്യ കേസില് 22ാംപ്രതിയാണ്.