സംസ്ഥാനത്ത് ഒക്ടോബര് നാലിന് കോളേജുകള് തുറക്കും; അവസാന വർഷ ബിരുദ,ബിരുദാനന്തര ക്ലാസുകൾ നടത്താം
തിരുവനന്തപുരം; സംസ്ഥാനത്തെ പ്രൊഫഷണൽ കോളേജുകൾ ഉൾപ്പെടെയുള്ള എല്ലാ ഉന്നത വിദ്യാഭ്യാസ സ്ഥാപനങ്ങളും ഒക്ടോബർ 4 മുതൽ തുറന്ന് പ്രവർത്തിക്കാൻ തിരുമാനം. ഇത് സംബന്ധിച്ച് സർക്കാർ ഉത്തരവിറക്കി. അവസാന വര്ഷ ബിരുദ ക്ലാസുകള് ബിരുദ ബിരുദാനന്തര വിദ്യാർത്ഥികൾക്കാണ് ഓഫ് ലൈൻ ക്ലാസുകൾ ആരംഭിക്കുന്നത്.
ബിരുദ ബിരുദാന്തര ക്ലാസുകൾ മുഴുവൻ വിദ്യാർത്ഥികളേയും ഉൾക്കൊള്ളിച്ച് നടത്താം.ബിരുദ ക്ലാസുകൾ ആവശ്യമെങ്കിൽ 50 ശതമാനം വിദ്യാര്ത്ഥികളെന്ന ബാച്ചായി പരിഗണിച്ച് ഒന്നിടവിട്ട ദിവസങ്ങളിലോ, സ്ഥലസൗകര്യമനുസരിച്ച് പ്രത്യേക ബാച്ചുകളായോ ക്ലാസുകള് നടത്താമെന്നും ഉത്തരവിൽ പറയുന്നു.സയൻസ് വിഷയങ്ങളിൽ പ്രാക്ടിക്കൽ ക്ലാസുകൾക്കാണ് പ്രാധാന്യം നൽകേണ്ടത്.
ഉന്നത വിദ്യാഭ്യാസ സ്ഥാപനങ്ങള് തുറന്നു പ്രവര്ത്തിക്കുന്നതിന്റെ ഭാഗമായി ക്ലാസ് റൂമുകളും ലൈബ്രറി, ലബോറട്ടറി തുടങ്ങിയവയും സമ്പൂര്ണമായി അണുവിമുക്തമാക്കുന്നതിന് തദ്ദേശസ്വയംഭരണ സ്ഥാപനങ്ങളുടെയും ആരോഗ്യ പ്രവര്ത്തകരുടെയും സന്നദ്ധ സംഘടനകളുടെയും സഹായം തേടേണ്ടതാണെന്നും ഉത്തരവ് പറയുന്നു.
വിദ്യാര്ഥികള് ക്യാമ്പസ്സിനുള്ളില് കോവിഡ് പ്രോട്ടോകോള് പാലിക്കുന്നു എന്ന് സ്ഥാപനമേധാവികള് ഉറപ്പാക്കണം. മാത്രമല്ല ഹാന്ഡ് വാഷ്, സാനിറ്റൈസര്, മുഖാവരണങ്ങള്, തെര്മല് സ്കാനര് തുടങ്ങിയവയും വിദ്യാർത്ഥികൾ സാമൂഹിക അകലം പാലിക്കുന്നുണ്ടെന്നും ഉറപ്പാക്കേണ്ടതുണ്ട്.
വിദ്യാര്ഥികള്ക്കും ജീവനക്കാര്ക്കും സൗജന്യ വാക്സിന് സ്ഥാപന തലത്തില് നല്കുന്നതിന് സ്പെഷല് ഡ്രൈവ് നടത്തി പ്രത്യേക ക്യാമ്പുകള് സജ്ജീകരിക്കുന്നതിന് ആരോഗ്യ വിഭാഗവുമായി ബന്ധപ്പെടണം. ക്ലാസ്സുകള് ഒറ്റ സെഷനില് 8.30 മുതല് 1.30 വരെ നടത്തുന്നതാണ് നല്ലത്. അല്ലെങ്കില് 9 മുതല് 3 വരെ, 9.30 മുതല് 3.30 വരെ, 10 മുതല് 4 വരെ എന്നീ സമയക്രമങ്ങളില് ഒന്ന് സാകര്യപൂര്വം തിരഞ്ഞെടുക്കാന് കോളേജ് കാണ്സിലുകള്ക്ക് തീരുമാനിക്കാം.ആഴ്ചയില് 25 മണിക്കൂര് ക്ലാസ് വരത്തക്ക രീതിയില് ഓഫ്ലൈന് ഓണ്ലൈന് ക്ലാസ്സുകള് സമ്മിശ്രരീതിയില് കൈകാര്യം ചെയ്യാവുന്നതും ആ രീതിയില് ടൈംടേബിള് തയ്യാറാക്കാവുന്നതുമാണെന്നും ഉത്തരവിൽ പറയുന്നു.
അതേസമയം മറ്റു സെമസ്റ്ററുകളുടെ ക്ലാസ്സുകള് ഓണ്ലൈനില് തന്നെ തുടരണം. ഇതിന് സഹായകരമായ രീതിയില് ടൈംടേബിള് രൂപീകരിക്കുന്നതിന് സ്ഥാപന മേധാവികള് കോളേജ് കൗണ്സിലിന്റെ സഹായത്തോടെ നടപടികള് സ്വീകരിക്കണം.
മഞ്ഞും മലയും താണ്ടി പ്രണവിനൊപ്പം യാത്ര; ചിത്രങ്ങള് പങ്കുവച്ച് വിസ്മയ മോഹന്ലാല്
Recommended Video
എന്ജിനീയറിങ് കോളേജുകളില് നിലവിലുള്ള രീതിയില് ആറ് മണിക്കൂര് ദിവസേന ക്ലാസ് നടത്തുന്നതിനുള്ള സംവിധാനം സ്വീകരിക്കാവുന്നതാണെന്നാണ് ഉത്തരവിലെ മറ്റൊരു നിർദ്ദേശം.അധ്യാപക-അനധ്യാപക ജീവനക്കാര് കോളേജുകളില് ഹാജരാകണം. എന്നാല് ഓണ്ലൈന് ക്ലാസുകള് എടുക്കുന്നതിന് തടസ്സം ഉണ്ടാകാതെ ഇരിക്കുന്നതിന് ഓഫ്ലൈന് ക്ലാസുകള് എടുക്കുന്നതിനുള്ള അധ്യാപകരുടെ എണ്ണം ഉറപ്പാക്കിക്കൊണ്ട് വര്ക്ക് ഫ്രം ഹോം വ്യവസ്ഥയില് ഒരു നിശ്ചിത എണ്ണം അധ്യാപകരെ റൊട്ടേഷന് വ്യവസ്ഥയില് നിലനിര്ത്തുന്നതിന് കോളേജ് കാണ്സിലുകള്ക്ക് തീരുമാനിക്കണം.
ഒരു വയസ്സില് താഴെ പ്രായമുള്ള കുട്ടികളുള്ള അമ്മമാര്, ഗര്ഭിണികള്, അപകടകരമായ രോഗങ്ങള് ബാധിച്ചവര് എന്നീ വിഭാഗങ്ങളില്പെട്ട അധ്യാപക അനധ്യാപക ജീവനക്കാരെ വര്ക്ക് ഫ്രം ഹോം വ്യവസ്ഥയില് തുടരാന് അനുവദിക്കാമെന്നും ഉത്തരവിൽ പറയുന്നു. ഈ വിഭാഗങ്ങളില്പ്പെട്ട വിദ്യാര്ഥികള്ക്ക് അറ്റന്ഡന്സ് നിര്ബന്ധമാക്കാന് പാടില്ല.വിദ്യാര്ത്ഥികളുടെ ഹോസ്റ്റലുകള് തുറന്നുപ്രവര്ത്തിക്കേണ്ടതാണെന്നും സർക്കാർ വ്യക്തമാക്കി.
സാമൂഹിക അകലം പാലിക്കുന്നു എന്നും കോവിഡ് പ്രോട്ടോകോള് പ്രകാരമുള്ള നിബന്ധനകള് പൂര്ണമായി പാലിക്കുന്നു എന്നും സ്ഥാപന മേധാവികള് ഉറപ്പാക്കണം.ക്ലാസ്സുകളുടെ സുരക്ഷിതമായ നടത്തിപ്പിന് സ്ഥാപനതല ജാഗ്രതാ സമിതികള് രൂപീകരിക്കണം. ഇവയില് അധ്യാപകര്, അനധ്യാപകര്, വിദ്യാര്ഥികള്, രക്ഷാകര്ത്താക്കള്, തദ്ദേശ സ്വയംഭരണ സ്ഥാപനങ്ങളിലെ പ്രതിനിധികള്, ആരോഗ്യവകുപ്പ് പ്രതിനിധികള്, അഗ്നിശമന സേന, പോലീസ് പ്രതിനിധികള് എന്നിവരെ ഉള്പ്പെടുത്തണമെന്നും ഉത്തരവിൽ വ്യക്തമാക്കുന്നുണ്ട്.
Click it and Unblock the Notifications
Sign in with Google