വില കുറച്ചപ്പോള് ഗുണമേന്മയുള്ള മാസ്കുകള് കിട്ടാതായി, പരിശോധിക്കുമെന്ന് മുഖ്യമന്ത്രി
തിരുവനന്തപുരം: മാസ്ക് അടക്കമുള്ള ആരോഗ്യ സംബന്ധിയായ വസ്തുക്കളുടെ വില കാര്യത്തില് ചില പ്രശ്നങ്ങളുണ്ടെന്ന് മുഖ്യമന്ത്രി പിണറായി വിജയൻ. വില കുറച്ചപ്പോള് ഗുണമേന്മയുള്ള മാസ്കുകള് കിട്ടാതായി എന്നാണ് ഒരു പരാതി. അത് കൃത്യമായി റിവ്യു ചെയ്ത് വേണ്ട തീരുമാനം എടുക്കാൻ നിര്ദേശം നല്കിയെന്ന് മുഖ്യമന്ത്രി അറിയിച്ചു. മത്സ്യത്തൊഴിലാളികള് കുറെയായി കടലില് പോകുനില്ല. സ്വാഭാവികമായും അവര് പ്രയാസത്തിലേക്കും പട്ടിണിയിലേക്കും നീങ്ങും. അതിനാല് ഈ ഘട്ടത്തില് അവര്ക്ക് ഭക്ഷ്യ കിറ്റ് നല്കും.
517 ഗൃഹവാസ പരിചരണ കേന്ദ്രങ്ങളാണ് സംസ്ഥാനത്തുള്ളത്. 22,750 കിടക്കകളാണ് ലഭ്യമായിട്ടുള്ളത്. അതില് ഏകദേശം 30 ശതമാനം കിടക്കകളില് രോഗികളെ പ്രവേശിപ്പിച്ചിരിക്കുന്നു. നിലവില് കാരുണ്യ ആരോഗ്യ സുരക്ഷാ പദ്ധതിയുടെ ഭാഗമായിട്ടുള്ളത് 232 സ്വകാര്യ ആശുപത്രികളാണ്. അത്രയും ആശുപത്രികളിലായി 18,540 കിടക്കകള്, 1804 ഐസിയു കിടക്കകള്, 954 വെന്റിലേറ്ററുകള്, 5075 ഓക്സിജന് കിടക്കകള് എന്നിവ കോവിഡ് ചികിത്സയ്ക്കായി മാറ്റിവെച്ചിരിക്കുകയാണ്.
പൈനാപ്പിള് ശേഖരിക്കുന്നത് മിക്കവാറും അതിഥി തൊഴിലാളികളാണ്. നിര്മാണ തൊഴിലാളികളെ പോലെ അവര്ക്ക് പൈനാപ്പാള് തോട്ടത്തില് പോകാന് നിയന്ത്രണങ്ങളോടെ ജില്ലാ ഭരണ സംവിധാനങ്ങള്ക്ക് അനുമതി നല്കാം.
Recommended Video
പാൽ വിതരണത്തിൽ സംസ്ഥാനത്ത് വലിയ പ്രശ്നങ്ങൾ വന്നിട്ടുണ്ട്. മില്മ പാല് ഉച്ചക്കുശേഷം എടുക്കുന്നില്ല എന്ന പ്രശ്നമുണ്ട്. പാല് നശിക്കുകയാണ്. ക്ഷീരകര്ഷകര് വലിയ പ്രയാസം നേരിടുന്നു. വിതരണം ചെയ്യാന് കഴിയാത്ത പാല് സിഎഫ്എല്ടിസികള്, സിഎല്ടിസികള്, അങ്കണവാടികള്, വൃദ്ധസദനങ്ങള്, ദുരിതാശ്വാസ ക്യാമ്പുകള്, കടലില് പോകാന് കഴിയാത്ത മത്സ്യത്തൊഴിലാളികള്, അതിഥിത്തൊഴിലാളി ക്യാമ്പുകള് എന്നിവിടങ്ങളില് കൂടി വിതരണം ചെയ്യാന് നിര്ദേശം നല്കിയിട്ടുണ്ടെന്നും മുഖ്യമന്ത്രി വ്യക്തമാക്കി.
Click it and Unblock the Notifications
Sign in with Google