പിവി അൻവറിന് കുരുക്ക് മുറുക്കാൻ ഇഡി, എംഎൽഎയെ ഇഡി രണ്ടാം ദിവസവും ചോദ്യം ചെയ്യുന്നു
കൊച്ചി: നിലമ്പൂര് എംഎല്എ പിവി അന്വറിനെ എന്ഫോഴ്സ്മെന്റ് ഡയറക്ടറേറ്റ് തുടര്ച്ചയായ രണ്ടാം ദിവസവും ചോദ്യം ചെയ്യുന്നു. ക്വാറി ബിസ്സിനസ്സുമായി ബന്ധപ്പെട്ട സാമ്പത്തിക ഇടപാടിലാണ് ഇഡി പിവി അന്വറിനെ ചോദ്യം ചെയ്യുന്നത്. ഇഡിയുടെ കൊച്ചി ഓഫീസില് വെച്ചാണ് ചോദ്യം ചെയ്യല്. ഇന്നലെയും എംഎല്എയെ ഇഡി ചോദ്യം ചെയ്യുകയുണ്ടായി.
മംഗലാപുരം ബെല്ത്തങ്ങാടിയിലെ ക്വാറിയില് ഓഹരി പങ്കാളിത്തം വാഗ്ദാനം ചെയ്ത് പണം തട്ടി എന്നതാണ് കേസ്. പിവി അന്വര് 50 ലക്ഷം രൂപ തന്നില് നിന്നും തട്ടിയെടുത്തു എന്ന് ആരോപിച്ച് പ്രവാസി വ്യവസായിയായ നടുത്തൊടി സലീം ആണ് പരാതി നല്കിയത്. ബല്ത്തങ്ങാടി താലൂക്കില് തണ്ണീരുപന്ത പഞ്ചായത്തില് തനിക്ക് ക്വാറി ഉണ്ടെന്നും ഇതിന്റെ പത്ത് ശതമാനം ഷെയര് നല്കാം എന്നും വാഗ്ദാനം നല്കിയാണ് തന്റെ പക്കല് നിന്ന് എംഎല്എ 50 ലക്ഷം തട്ടിയത് എന്നാണ് നടുത്തൊടി സലീം ഇഡിക്ക് മൊഴി നല്കിയത്.
40 ലക്ഷം രൂപ താന് നേരിട്ടാണ് എംഎല്എയ്ക്ക് കൈമാറിയത് എന്നും നടുത്തൊടി സലീം ഇഡിക്ക് മൊഴി നല്കി. പത്ത് ലക്ഷം രൂപ ബാങ്ക് വഴിയാണ് നല്കിയത്. ക്വാറിയിലെ ഷെയറിന്റെ ലാഭവിഹിതമെന്ന നിലയ്ക്ക് മാസം തോറും അന്പതിനായിരം രൂപ വീതം നല്കാമെന്നും എംഎല്എ വാഗ്ദാനം തന്നുവെന്നും സലീം ആരോപിക്കുന്നു. എന്നാല് ഈ വാഗ്ദാനങ്ങളൊന്നും നടപ്പായില്ല. ഇതേതുടര്ന്ന് താന് നടത്തിയ അന്വേഷണത്തില് എംഎല്എയ്ക്ക് സ്വന്തമായി ക്വാറി ഇല്ലെന്ന് കണ്ടെത്തി. തന്നില് നിന്നും അന്പത് ലക്ഷം രൂപ എംഎല്എ കൈക്കലാക്കിയത് ഇബ്രാഹിം എന്ന വ്യക്തിയുടെ ഉടമസ്ഥതയിലുളള ക്വാറി കാണിച്ചാണ് എന്നും മനസ്സിലായെന്നും സലീം പരാതിയില് പറയുന്നു.
ഈ കേസില് തിങ്കളാഴ്ച ഇഡി പിവി അന്വറിനെ മണിക്കൂറുകളോളം ചോദ്യം ചെയ്തിരുന്നു. ഉച്ചയ്ക്ക് കൊച്ചി ഓഫീസില് ആരംഭിച്ച ചോദ്യം ചെയ്യല് രാത്രി ഒന്പത് മണിയോടെയാണ് അവസാനിച്ചത്. ചോദ്യം ചെയ്യലിന് ശേഷം പുറത്തേക്ക് വന്ന എംഎല്എ മാധ്യമപ്രവര്ത്തകരുടെ ചോദ്യങ്ങളോട് രോഷത്തോടെയാണ് പ്രതികരിച്ചത്. എന്തിനാണ് ഇഡി വിളിപ്പിച്ചത് എന്ന ചോദ്യത്തിന് ഇന്ത്യയും പാകിസ്താനും തമ്മിലുളള ഫുട്ബോള് മത്സരത്തെ കുറിച്ച് ചര്ച്ച ചെയ്യാന് വിളിപ്പിച്ചതാണ് എന്നാണ് പിവി അന്വര് തട്ടിക്കയറിയത്. ക്വാറിയുമായി ബന്ധപ്പെട്ട പണമിടപാടില് കള്ളപ്പണം ഉള്പ്പെട്ടിട്ടുണ്ടോ എന്നതാണ് ഇഡി പരിശോധിക്കുന്നത്.
-
സ്വർണ നിക്ഷേപത്തിൽ ചൈനയ്ക്ക് വൻ ജാക്ക്പോട്ട്; കണ്ടെത്തിയത് 1100 ടണ് സ്വർണം,ഇനി ചൈനയെ പിടിച്ചാൽ കിട്ടില്ല -
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സ്വര്ണം ഏതെങ്കിലും പോയി വാങ്ങല്ലേ; ഉഗ്രന് പണി കിട്ടും, കുറഞ്ഞ നിരക്കിലുള്ള സ്വര്ണം അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി
Click it and Unblock the Notifications
Sign in with Google