പവന് സ്വര്ണത്തിന് 76000 കടക്കും, മൂന്ന് മാസത്തിനുള്ളില് കാത്തിരിക്കുന്നത് പൊന്നിന്റെ കുതിപ്പ്!
സ്വര്ണ വില വന് തോതില് കുതിച്ചുയരും എന്ന് റിപ്പോര്ട്ട്. യുഎസ് വളര്ച്ചയും പണപ്പെരുപ്പവും വഷളാകുന്നത്, ഫെഡറല് റിസര്വ് സ്വാതന്ത്ര്യ ആശങ്കകള്, ദുര്ബലമായ ഡോളര് എന്നിവ കാരണം അടുത്ത മൂന്ന് മാസത്തിനുള്ളില് സ്വര്ണണ്ണ വില പുതിയ റെക്കോര്ഡിലെത്തിയേക്കാം എന്നാണ് മാക്സിമില്ലന് ലെയ്റ്റണിന്റെ നേതൃത്വത്തിലുള്ള സിറ്റി വിശകലന വിദഗ്ധരുടെ ഒരു സംഘം പറയുന്നത്.
അവരുടെ ഹ്രസ്വകാല വില പ്രവചനം പ്രകാരം മൂന്ന് മാസം കൊണ്ട് ഔണ്സിന് 3,300 ഡോളറില് നിന്ന് 3,500 ഡോളറായി സ്വര്ണവില ഉയരും. അടുത്ത മൂന്ന് മാസത്തേക്ക് സ്വര്ണത്തിന്റെ പ്രതീക്ഷിത വില ഔണ്സിന് 3,300 ഡോളറിനും 3,600 ഡോളറിനും ഇടയില് ആയിരിക്കും എന്നാണ് പ്രവചനം. തിങ്കളാഴ്ച സ്വര്ണ വില ഔണ്സിന് 36.80 ഡോളര് അഥവാ 1% ഉയര്ന്ന് 3,436.10 ഡോളറിലെത്തി.
കഴിഞ്ഞ ആഴ്ച പ്രതീക്ഷിച്ചതിലും ദുര്ബലമായ തൊഴില് ഡാറ്റയെത്തുടര്ന്ന് സെപ്റ്റംബറിലെ മീറ്റിംഗില് ഫെഡറല് റിസര്വ് പലിശ നിരക്ക് കുറയ്ക്കാന് കഴിയുമെന്ന പ്രതീക്ഷയിലാണ്. ഇത് മഞ്ഞ ലോഹത്തിന് ഒരു പുതിയ റെക്കോര്ഡ് സമ്മാനിക്കും. ഈ വര്ഷം ഇത് ഏകദേശം 30% വര്ധിച്ചു. തുടര്ച്ചയായ കരാര് അടിസ്ഥാനത്തില് ഏപ്രില് 22 ന് സ്വര്ണ്ണം 3500 ഡോളര് എന്ന പുതിയ ഇന്ട്രാഡേ റെക്കോര്ഡ് ഉയരത്തിലെത്തിയിരുന്നു.
ജൂണ് 13 ന് 3,452.80 ഡോളര് എന്ന റെക്കോര്ഡ് സെറ്റില്മെന്റ് വിലയിലുമെത്തി. എന്നാല് അതിന് ശേഷം സ്വര്ണത്തിന്റെ പുതിയ ഉയരങ്ങളിലേക്കുള്ള കുതിപ്പ് സ്തംഭിച്ചു. സെന്ട്രല് ബാങ്ക് വാങ്ങലിലെ മാന്ദ്യമാണ് ഇതിന് കാരണമായി ചിലര് പറഞ്ഞത്. എന്നിരുന്നാലും മറ്റ് പലഘടകങ്ങളും സ്വര്ണവിലയെ പിടിച്ചുനിര്ത്തി. യുഎസ് വളര്ച്ചയും താരിഫ് സംബന്ധമായ പണപ്പെരുപ്പ ആശങ്കകളും കാരണം സ്വര്ണം 2025 ലെ രണ്ടാം പകുതിയില് ഉയര്ന്ന നിലയില് തന്നെ തുടര്ന്നു.
ഇത് ദുര്ബലമായ ഡോളറിനൊപ്പം സ്വര്ണ്ണത്തെ മിതമായ തോതില് പുതിയ എക്കാലത്തെയും ഉയര്ന്ന നിലയിലേക്ക് നയിക്കും എന്നാണ് വിവരം. ഈ വര്ഷം ഏകദേശം 9% നഷ്ടമാണ് സ്വര്ണത്തിന് നേരിട്ടത്. ജൂണ് അവസാനത്തോടെ, 1970 കളുടെ തുടക്കത്തിനു ശേഷമുള്ള ഏറ്റവും മോശം ആദ്യ പകുതിയിലേക്ക് ഡോളര് എത്തി. വ്യാപാര പങ്കാളികള്ക്കുള്ള യുഎസ് താരിഫുകള് പ്രതീക്ഷിച്ചതിലും ഉയര്ന്നതാണ് എന്ന പല രാജ്യങ്ങളും അഭിപ്രായപ്പെട്ടിട്ടുണ്ട്.
ഇത് ആഗോള സാമ്പത്തിക രംഗത്ത് ആശങ്ക സൃഷ്ടിച്ചിട്ടുണ്ട്. പല ഡീലുകളും 15% ഉം അതില് ചിലത് വളരെ ഉയര്ന്നതുമാണ്. കഴിഞ്ഞയാഴ്ച സ്വിറ്റ്സര്ലന്ഡിന് 39% ലെവി നേരിടേണ്ടി വന്നു. ആ വരുമാനത്തിന്റെ ഭൂരിഭാഗവും ഒടുവില് നികുതി ഇളവുകള് വഴിയും പ്രസിഡന്റ് ഡൊണാള്ഡ് ട്രംപിന്റെ വണ് ബിഗ് ബ്യൂട്ടിഫുള് ബില് ആക്ടിന്റെ മൊത്തം ആഘാതം വഴിയും പുനര്വിതരണം ചെയ്യപ്പെടുമെങ്കിലും അതിന് സമയമെടുക്കും എന്നാണ് സിറ്റി വിശകലന വിദഗ്ധര് പറയുന്നത്.
''കൂടാതെ, ഈ താരിഫുകള് കാരണം യുഎസിന് താല്ക്കാലികമായി പണപ്പെരുപ്പമുണ്ടാകാന് സാധ്യതയുണ്ട്. ഫെഡ്, യുഎസ് സ്ഥിതിവിവരക്കണക്കുകള് സംബന്ധിച്ച സ്ഥാപനപരമായ വിശ്വാസ്യത ആശങ്കകള് വര്ധിക്കാന് കാരണമായി. റഷ്യ-ഉക്രെയ്നുമായി ബന്ധപ്പെട്ട് നിലവില് ഭൗമരാഷ്ട്രീയ അപകടസാധ്യതകള് ഉയര്ന്നിട്ടുണ്ട്. ഇതും സ്വര്ണവിലയെ ഉത്തേജിപ്പിക്കും,'' വിശകലന വിദഗ്ധര് പറഞ്ഞു.
മറ്റ് ആസ്തികളുമായി താരതമ്യപ്പെടുത്തുമ്പോള്, പലിശ നിരക്കുകള് കുറവായതിനാല് നിക്ഷേപകര്ക്ക് സ്വര്ണ്ണം കൈവശം വെക്കുന്നത് വിലകുറഞ്ഞതാക്കുന്നു. വെള്ളിയാഴ്ച സ്വര്ണം ഔണ്സിന് 1.5% ഉയര്ന്ന് 3,399.80 ഡോളര് ആയി. ജൂണ് 12 ന് ശേഷമുള്ള ഏറ്റവും മികച്ച ഒരു ദിവസത്തെ ശതമാനം നേട്ടമാണിതെന്ന് ഫാക്റ്റ്സെറ്റ് റിപ്പോര്ട്ട് ചെയ്യുന്നു.
Click it and Unblock the Notifications
Sign in with Google