ഹൈദരലി തങ്ങളെ പാണക്കാട്ടെത്തി കണ്ട നിമിഷം അനുസ്മരിച്ച് മോഹന്ലാല്; ആശുപത്രിയിലെത്തി മമ്മൂട്ടി
കൊച്ചി: മുസ്ലിം ലീഗ് സംസ്ഥാന അധ്യക്ഷന് പാണക്കാട് ഹൈദരലി ശിഹാബ് തങ്ങളുടെ വിയോഗത്തില് അനുശോചനം അറിയിച്ച് മമ്മൂട്ടിയും മോഹന്ലാലും. അങ്കമാലിയിലെ ലിറ്റില് ഫ്ളവര് ആശുപത്രിയിലെത്തിയാണ് മമ്മൂട്ടി അനുശോചനം അറിയിച്ചത്. അല്പ്പ നേരം ആശുപത്രിയില് ചെലവഴിച്ച ശേഷം താരം മടങ്ങി. പ്രിയപ്പെട്ട ഹൈദരലി ശിഹാബ് തങ്ങള്ക്ക് ആദരാഞ്ജലികള് എന്ന് മമ്മൂട്ടി ഫേസ്ബുക്കില് കുറിച്ചു. തങ്ങളുടെ ചിത്രവും അദ്ദേഹം പങ്കുവച്ചു. പാണക്കാടെത്തി ഹൈദരലി ശിഹാബ് തങ്ങളെ കണ്ട കാര്യം അനുസ്മരിച്ചാണ് മോഹന്ലാല് അനുശോചനം അറിയിച്ചത്. മോഹന്ലാലിന്റെ വാക്കുകള് ഇങ്ങനെ...
സ്വജീവിതം സമൂഹനന്മയ്ക്കും മതസൗഹാര്ദ്ദം ഊട്ടിയുറപ്പിക്കാനുമായി മാറ്റിവെച്ച ആത്മീയാചാര്യന് ശ്രീ പാണക്കാട്ട് സയ്യിദ് ഹൈദരാലി ശിഹാബ് തങ്ങള്ക്ക് ആദരാഞ്ജലികള്. അഗതികള്ക്കും അനാഥര്ക്കും തുണയാവുകയും ഒട്ടനവധി സാമൂഹ്യപ്രവര്ത്തനങ്ങളില് പങ്കാളിയാവുകയും ചെയ്ത തങ്ങളുടെ വിയോഗം കേരളത്തിന് തീരാനഷ്ടം തന്നെയാണ്. അടുത്ത കാലത്ത്, അദ്ദേഹത്തിന്റെ വസതിയിലെത്തി കുറച്ച് സ്നേഹനിമിഷങ്ങള് പങ്കുവെക്കാന് ഭാഗ്യമുണ്ടായി. അദ്ദേഹത്തിന്റെ ഓര്മ്മകള്ക്ക് മുന്നില് പ്രണാമം.
ആര്എസ്പി നേതാവ് ഷിബു ബേബി ജോണിന്റെ വാക്കുകള്- കേരളത്തിന്റെ മതസൗഹാര്ദ്ദ പാരമ്പര്യത്തിന് എന്നുമൊരു തണല്വൃക്ഷമാണ് പാണക്കാട് കൊടപ്പനയ്ക്കല് തറവാട്. മുഹമ്മദലി ശിഹാബ് തങ്ങളുടെ മരണശേഷം തന്റെ സഹോദരന് നടന്ന പാതയിലൂടെ ഈ നാടിന്റെ മതസൗഹാര്ദ്ദ പതാകവാഹകനായി നടന്ന ഏകാന്തപഥികനായിരുന്നു പാണക്കാട് ഹൈദരലി ശിഹാബ് തങ്ങളും. ഇസ്ലാം മതവിശ്വാസികളുടെ ആത്മീയാചാര്യനും ഇന്ത്യന് യൂണിയന് മുസ്ലീം ലീഗിന്റെ അവസാനവാക്കും ആയിരിക്കുമ്പോള് തന്നെ മറ്റ് മതവിശ്വാസങ്ങളേയും ബഹുമാനിച്ചിരുന്നയാളായിരുന്നു അദ്ദേഹം.
പാണക്കാട് ഹൈദരലി തങ്ങളുടെ കാലത്ത് മുസ്ലീം ലീഗ് പ്രസ്ഥാനം ഒരു രാഷ്ട്രീയപാര്ട്ടി എന്നതിലുപരി സമാനതകളില്ലാത്ത ജീവകാരുണ്യ പ്രസ്ഥാനമായി വളര്ന്നത് അദ്ദേഹം മുന്നോട്ടുവച്ച മാനവികരാഷ്ട്രീയത്തിന്റെ പ്രതിഫലനമാണ്. തന്റെ മുന്ഗാമികളെ പോലെ തന്നെ എളിമ മുഖമുദ്രയാക്കിയ ഒരു നേതാവാണ് യാത്രയാകുന്നത്. നാടിന്റെ മതേതര അന്തരീക്ഷം വെല്ലുവിളി നേരിടുന്ന കാലത്ത് അദ്ദേഹത്തിന്റെ വിയോഗം കേരളസമൂഹത്തിന്റെ ആകെ നഷ്ടമാണ്.
പ്രിയ ഹൈദരലി തങ്ങള്ക്ക് പ്രണാമം.
എല്ലാ രാഷ്ട്ര-മത വിഭാഗങ്ങള്ക്കും വേണ്ടപ്പെട്ടയാളായിരുന്നു എന്ന് ഇടി മുഹമ്മദ് ബഷീര് എംപി അനുസ്മരിച്ചു. മതേതര കാഴ്ചപ്പാട് ഉയര്ത്തി പിടിച്ച വലിയ നേതാവാണെന്ന് മുന് മുഖ്യമന്ത്രി ഉമ്മന് ചാണ്ടി പറഞ്ഞു. പ്രസ്ഥാനത്തിന്റെ ശക്തി ചോര്ന്നു എന്നാണ് മുസ്ലിം ലീഗ് നേതാവ് എംകെ മുനീര് എംഎല്എ പ്രതികരിച്ചത്.
മതസൗഹാര്ദ്ദം നിലനിര്ത്തുന്നതില് ശ്രദ്ധയൂന്നിയുള്ള സമീപനമാണ് ഹൈദരലി തങ്ങള് സ്വീകരിച്ചിരുന്നതെന്ന് മുഖ്യമന്ത്രി പിണറായി വിജയന് പ്രതികരിച്ചു. എറണാകുളത്ത് നിന്ന് മൃതദേഹം മലപ്പുറത്തെത്തിച്ചു. തിങ്കളാഴ്ച രാവിലെയാണ് ഖബറടക്കം.
-
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ?
Click it and Unblock the Notifications
Sign in with Google