ആലപ്പുഴയിലെ മുദ്രാവാക്യം, പിസി ജോര്ജ്, പ്രവാചക നിന്ദ... ജസ്റ്റിസ് കെമാല് പാഷ പറയുന്നു
കൊച്ചി: നിയമം നടപ്പാക്കുന്നതിലെ വീഴ്ച ചൂണ്ടിക്കാട്ടി ജസ്റ്റിസ് കെമാല് പാഷ. പക്ഷപാത രഹിതമായി നിയമം നടപ്പാക്കേണ്ടതുണ്ടെന്നും പണമുള്ളവനും ഇല്ലാത്തവനും ഒരുപോലെ നീതി ലഭിക്കണമെന്നും അദ്ദേഹം മാതൃഭൂമി ന്യൂസിന് നല്കിയ അഭിമുഖത്തില് പറഞ്ഞു. ആലപ്പുഴയിലെ റാലിയില് കുട്ടി വിളിച്ച മുദ്രാവാക്യം വലിയ വിവാദമായിരുന്നു. തുടര്ന്ന് കേസെടുത്ത പോലീസ് സംഘാടകരെ ഉള്പ്പെടെ അറസ്റ്റ് ചെയ്തു ജയിലിലിട്ടിരുന്നു.
കെമാല് പാഷയുടെ വാക്കുകള്- ആലപ്പുഴയില് ഒരു കുട്ടിയെ കൊണ്ട് തോന്നിവാസം പറയിപ്പിച്ചു, ശരിയാണ്, അതിന് ആവശ്യമുള്ള ശിക്ഷ വേണം. പക്ഷേ, അതെല്ലാം കഴിഞ്ഞ് അതിലും വലിയ വിദ്വേഷം പറഞ്ഞ പിസി ജോര്ജിന് ജാമ്യം ലഭിച്ചു. അയാള്ക്ക് വെളിയില് ഇറങ്ങി നടക്കാം. പക്ഷേ, ആലപ്പുഴയിലെ സംഭവത്തില് സംഘാടകരുള്പ്പെടെ 20ഓളം പേരെ അകത്തിട്ടിരിക്കുകയാണ്. ഇതിനൊക്കെ എവിടെ പറയും. ബിജെപിയിലെ രണ്ടു നേതാക്കള് പ്രവാചക നിന്ദ നടത്തി. അവരെ ഇന്നുവരെ അറസ്റ്റ് ചെയ്തോ. ആളിനെ നിങ്ങള് കാണിച്ചുതാ, നിയമം ഞാന് പറഞ്ഞുതരാം എന്ന രീതിയിലേക്ക് മാറുകയാണ്. നിര്മാതാവ് വിജയ് ബാബുവിനെ അറസ്റ്റ് ചെയ്യാത്തതും വീഴ്ചയാണ്. പണമുണ്ടെന്ന് കരുതി എന്തും ചെയ്യാമോ. സാധാരണക്കാരന് ദുബായില് പോയി ഒളിച്ചിരുന്ന് ഇതുപോലെയുള്ള തോന്നിവാസം കാണിക്കാന് സധിക്കുമോ എന്നും കെമാല് പാഷ ചോദിക്കുന്നു.
ആലപ്പുഴയില് പോപ്പുലര് ഫ്രണ്ട് സംഘടിപ്പിച്ച റാലിയിലാണ് കുട്ടി വിളിച്ച മുദ്രാവാക്യം വിവാദമായത്. തുടര്ന്ന് സംഘടനയുടെ സംസ്ഥാന ട്രഷറര്, സംസ്ഥാന സമിതി അംഗം, ജില്ലാ പ്രസിഡന്റ്, മറ്റു ജില്ലാ, ഡിവിഷന് നേതാക്കള്, കുട്ടിയുടെ പിതാവ്, കുട്ടിയെ തോളിലേറ്റിയ വ്യക്തി എന്നിവരുള്പ്പെടെ 20ല്പ്പരം ആളുകളെ അറസ്റ്റ് ചെയ്തു ജയിലിലിട്ടിരിക്കുകയാണ്.
പിസി ജോര്ജ് രണ്ടിടത്താണ് വിദ്വേഷ പ്രസംഗം നടത്തിയത്. തിരുവനന്തപുരത്ത് ഹിന്ദു മഹാസമ്മേളനത്തിലാണ് ആദ്യം പ്രസംഗിച്ചത്. ഇതില് കേസെടുക്കുകയും അറസ്റ്റിലാകുകയും ചെയ്തു. തൊട്ടുപിന്നാലെ ജാമ്യം ലഭിച്ചു. ശേഷം എറണാകുളം വെണ്ണലയിലെ ക്ഷേത്ര പരിപാടിയോട് അനുബന്ധിച്ച് നടത്തിയ പ്രസംഗത്തിലും സമാനമായ പ്രസംഗം നടത്തിയെന്ന് ആരോപണമുയര്ന്നു. ഇതോടെ ജാമ്യം റദ്ദാക്കുകയും അറസ്റ്റിലാകുകയും ചെയ്തു. പിന്നീട് ഹൈക്കോടതി പ്രായം പരിഗണിച്ച് പിസി ജോര്ജിന് ജാമ്യം നല്കുകയായിരുന്നു.
ബിജെപി ദേശീയ വക്താവ് നുപുര് ശര്മയും ഡല്ഹിയിലെ നേതാവ് നവീന് കുമാര് ജിന്ഡാലുമാണ് പ്രവാചകനെ അവഹേളിച്ച് സംസാരിച്ചത്. അന്തര്ദേശീയ തലത്തില് പ്രതിഷേധം ഉയര്ന്നതോടെ ഇരുവരെയും ബിജെപി സസ്പെന്റ് ചെയ്തു. എന്നാല് രണ്ടു പേരെയും അറസ്റ്റ് ചെയ്തിട്ടില്ല. നുപുര് ശര്മ മുങ്ങിയിരിക്കുകയാണ് എന്നാണ് പോലീസ് നല്കുന്ന വിവരം.
-
1 ലക്ഷം രൂപക്ക് 2 പവൻ സ്വർണം കിട്ടുമോ? സ്വർണ പ്രേമികൾക്ക് ആഘോഷം..വില ഇനിയും കുത്തനെ താഴോട്ട് -
സ്വർണ വില കുറഞ്ഞിട്ടും മലയാളികൾ വാങ്ങുന്നില്ല, ഒരേയൊരു കാരണം; പ്രതിസന്ധി പങ്കുവെച്ച് വ്യാപാരികൾ -
സ്വർണ വില തകർന്ന് താഴെ: ഗ്രാം വില 12,000ത്തിനും താഴേക്ക്? പവൻ വിലയിൽ വമ്പൻ ട്വിസ്റ്റ് ഉണ്ടാകും? -
ഇനി ഒരു മാസത്തേക്ക് തിരിഞ്ഞുനോക്കേണ്ട.. വിഷു വരെ ഈ രാശിക്കാര്ക്ക് നല്ലകാലം -
വിലപിടിപ്പുള്ള ഗൃഹോപകരണങ്ങള് വാങ്ങിക്കും, സ്ഥലം മാറ്റത്തിന് ഉത്തരവ് ലഭിക്കും, വിവാഹകാര്യത്തിൽ തീരുമാനം -
സമ്മർ ഇൻ ബെത്ലഹേമിലെ 'ആ രഹസ്യം' പുറത്ത്..';ഡിലീറ്റഡ് വീഡിയോ പങ്കിട്ട് അണിയറക്കാർ..മോഹൻലാലും മഞ്ജു വാര്യരും' -
73 മിനുറ്റ് കൊണ്ട് ബുള്ളറ്റ് ട്രൈയിനിൽ ബെംഗളൂരുവിലെത്താം, ഇതൊക്കെ നടക്കുന്ന കാര്യമാണോ? സോഷ്യൽ മീഡിയാ ചർച്ച -
സ്വർണ വിലയിൽ ഇന്ന് വൻ തകർച്ച; പവന് 2000ത്തിന് മേലെ വീണ്ടും കുറഞ്ഞു,22 കാരറ്റിന് 60,000 രൂപയെങ്കിലും ആകുമോ? -
ശനിയും ചൊവ്വയും ഒരുമിക്കുന്നു; ഈ രാശിക്കാർക്ക് പണം ഒരു പ്രശ്നമാവില്ല, ദാമ്പത്യ ജീവിതം സുഖകരം..! -
സ്വർണ നിക്ഷേപത്തിൽ ചൈനയ്ക്ക് വൻ ജാക്ക്പോട്ട്; കണ്ടെത്തിയത് 1100 ടണ് സ്വർണം,ഇനി ചൈനയെ പിടിച്ചാൽ കിട്ടില്ല -
ബെംഗളൂരു രണ്ടാം എയർപോർട്ട്: ഇത്തവണ കർണാടക രണ്ടും കൽപ്പിച്ച്, പരിഗണനയിൽ ഈ 3 സ്ഥലങ്ങൾ -
ദൈവീകം ഈ ബന്ധം; ഓമിയെ താലോലിച്ച് പ്രധാനമന്ത്രി; ചിത്രങ്ങള് പങ്കുവെച്ച് കൃഷണകുമാര്
Click it and Unblock the Notifications
Sign in with Google