ഗുരുവായൂര് ക്ഷേത്രദര്ശന വിവാദം: മന്ത്രി കടകംപള്ളിയോട് സിപിഎം വിശദീകരണം തേടും
തിരുവനന്തപുരം: ഗുരുവായൂര് ക്ഷേത്രവിവാദത്തില് മന്ത്രി കടകംപള്ളി സുരേന്ദ്രനോട് സിപിഎം വിശദീകരണം തേടും. അഷ്ടമി രോഹിണി ദിവസം കടകംപള്ളി ഗുരുവായൂര് ക്ഷേത്രം സന്ദര്ശിച്ച് കുടുംബാംഗങ്ങളുടെ പേരില് പുഷ്പാഞ്ജലി നടത്തിയതാണ് വിവാദത്തിലാണ്. കമ്മ്യൂണിസ്റ്റ് പാര്ട്ടിയുടെ മന്ത്രി തന്നെ ഇത്തരം ചടങ്ങുകളില് ഭാഗമായത് പാര്ട്ടിക്ക് വലിയ ക്ഷീണമുണ്ടാക്കിയിരുന്നു. സോഷ്യല് മീഡിയയില് അടക്കം സിപിഎമ്മിനെതിരെ രൂക്ഷ വിമര്ശനം ഉയര്ന്ന സാഹചര്യത്തിലാണ് മന്ത്രിയോട് വിശദീകരണം തേടാനുള്ള തീരുമാനം. മന്ത്രിയുടെ ക്ഷേത്രദര്ശനത്തെ ബിജെപിയും സംഘപരിവാര് സംഘടനകളും സ്വാഗതം ചെയ്തിരുന്നു.
കടകംപള്ളിയുടെ നടപടി വൈരുദ്ധ്യാത്മക ഭൗതികവാദത്തില് വിശ്വസിക്കുന്നവര്ക്ക് യോജിക്കുന്നതല്ല എന്ന് സിപിഎം സംസ്ഥാന സെക്രട്ടേറിയറ്റ് അംഗം എംവി ഗോവിന്ദന് അഭിപ്രായപ്പെട്ടിരുന്നു. നാളെ ചേരാനിരിക്കുന്ന സിപിഎം സംസ്ഥാന സെക്രട്ടേറിയറ്റ് യോഗം വിഷയം ചര്ച്ച ചെയ്യും. വിഷയത്തില് മന്ത്രിയുടെ നിലപാട് അറിഞ്ഞ ശേഷം തീരുമാനം അറിയിക്കുമെന്നാണ് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്റെ പ്രതികരണം.
Click it and Unblock the Notifications
Sign in with Google