Click it and Unblock the Notifications
Just In
Don't Miss
-
ദേ വൈസ്റ്റ് സംസാരിക്കുന്നു എന്ന് ജാസ്മിൻ; പരിധി വിട്ടു; സിബിന്റെ ഭാഗത്തും ന്യായമുണ്ട്; പ്രേക്ഷകർ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല്‍ 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ഹെലികോപ്റ്ററിൽ പറന്നെത്തി സുരേഷ് ഗോപി, കോടികളുടെ സ്വത്ത്, ലക്ഷങ്ങളുടെ ബാധ്യതയും
തൃശൂര്‍: രാജ്യസഭാ എംപി കൂടിയായ നടന്‍ സുരേഷ് ഗോപി നിയമസഭാ തിരഞ്ഞെടുപ്പില്‍ ബിജെപി സ്ഥാനാര്‍ത്ഥി കൂടിയാണ്. തൃശൂരില്‍ നിന്നാണ് സുരേഷ് ഗോപി ജനവിധി തേടുന്നത്.
നാമനിര്‍ദേശ പത്രിക സമര്‍പ്പിക്കാനായി ഹെലികോപ്റ്ററില്‍ ആണ് സുരേഷ് ഗോപി എത്തിയത്. നാമനിര്‍ദേശ പത്രികയ്ക്ക് ഒപ്പം സമര്‍പ്പിച്ച സത്യവാങ്മൂലത്തില്‍ പറയുന്ന സുരേഷ് ഗോപിയുടെ സ്വത്ത് വിവരങ്ങള്‍ അറിയാം.
തന്നെ വോട്ടര്‍മാര്‍ വിജയിപ്പിക്കും
തൃശൂരില്‍ മത്സരിക്കുന്ന സുരേഷ് ഗോപി നാമനിര്‍ദേശ പത്രിക സമര്‍പ്പിക്കുന്നതിനായി ഹെലികോപ്റ്ററിലാണ് എത്തിയത്. പുഴയ്ക്കലില്‍ ഹെലികോപ്റ്ററില്‍ വന്നിറങ്ങിയ സുരേഷ് ഗോപി ബൈക്ക് റാലിക്കൊപ്പമാണ് കളക്ടറേറ്റിലേക്ക് എത്തി നാമനിര്‍ദേശ പത്രിക സമര്‍പ്പിച്ചത്. തൃശൂരില്‍ ശക്തമായ മത്സര സാധ്യത ഉണ്ടെന്നും തന്നെ വോട്ടര്‍മാര്‍ വിജയിപ്പിക്കുമെന്നും സുരേഷ് ഗോപി പറഞ്ഞു.
2.16 കോടി രൂപയുടെ സ്വത്ത്
സുരേഷ് ഗോപിക്കുളളത് ആകെ 2.16 കോടി രൂപയുടെ സ്വത്താണെന്നാണ് സത്യവാങ്മൂലത്തില്‍ പറയുന്നത്. അതേസമയം സുരേഷ് ഗോപിയുടെ കൈവശം ഉളളത് 40,000 രൂപയാണ്. വിവിധ ബാങ്ക് അക്കൗണ്ടുകളിലായി സുരേഷ് ഗോപിക്ക് 10 ലക്ഷം രൂപയില്‍ അധികം നിക്ഷേപം ആണുളളത്.
കയ്യില്‍ 3000 ഗ്രാമിന്റെ സ്വര്‍ണാഭരണങ്ങള്‍
സുരേഷ് ഗോപിയുടെ കയ്യില്‍ 3000 ഗ്രാമിന്റെ സ്വര്‍ണാഭരണങ്ങള്‍ ഉണ്ട്. സുരേഷ് ഗോപിയുടെ ഭാര്യ രാധിക സുരേഷിന്റെ കയ്യിലുളളത് 25,000 രൂപയാണ്. രാധികയുടെ കയ്യില്‍ 1000 ഗ്രാം സ്വര്‍ണാഭരണങ്ങളാണ് ഉളളത്. സുരേഷ് ഗോപിക്ക് തമിഴ്‌നാട്ടിലെ തിരുനെല്‍വേലിയില്‍ 82 ഏക്കര്‍ കൃഷിഭൂമി ഉളളതായും സത്യവാങ്മൂലത്തില്‍ പറയുന്നു.
68 ലക്ഷം രൂപയുടെ ബാധ്യത
തമിഴ്‌നാട്ടിലെ തന്നെ സെയ്താപേട്ടയിലും സുരേഷ് ഗോപിക്ക് കൃഷി ഭൂമിയുണ്ട്. 40 സെന്റ് കൃഷിഭൂമിയാണ് സെയ്താപേട്ടയിലുളളത്. അതേസമയം 68 ലക്ഷം രൂപയുടെ ബാധ്യത തനിക്കുളളതായും സുരേഷ് ഗോപി തിരഞ്ഞെടുപ്പ് സത്യവാങ്മൂലത്തില്‍ വ്യക്തമാക്കിയിട്ടുണ്ട്. പുതുച്ചേരിയില്‍ ആഢംബര കാറുകള്‍ വ്യാജ വിലാസത്തില്‍ രജിസ്റ്റര്‍ ചെയ്ത കേസുകളുടെ കാര്യവും സത്യവാങ്മൂലത്തില്‍ പറയുന്നു.
