ആറ് കന്നിയങ്കക്കാർ; പുനലൂരിന് ഇനി പുതിയ മുഖം

കൊല്ലം ജില്ലയുടെ കിഴക്കേയറ്റത്ത്, തമിഴ്നാടുമായി അതിർത്തി പങ്കിടുന്ന പുനലൂരിൽ തമിഴ് മണ്ണിൽ നിന്നുള്ള തോട്ടം തൊഴിലാളികള​ുടെ മുതൽ ശ്രീലങ്കയിൽ നിന്ന് പുനരധിവസിപ്പിച്ച തമിഴ് വംശജരുടെ വരെ വോട്ട് നിർണായകമാണ്. ജി​ല്ല​യി​ൽ ഏ​റ്റ​വും കൂ​ടു​ത​ൽ പ​ട്ടി​ക​വ​ർ​ഗ ഉ​ന്ന​തി​ക​ളും വോ​ട്ട​ർ​മാ​രു​മു​ള്ള ഇ​വി​ട​ത്തെ ഭാ​ഗ​ദേ​യം നി​ർ​ണ​യി​ക്കു​ന്ന​തി​ൽ ഇ​വ​രും പ്ര​ധാ​നി​ക​ളാ​ണ്. ഏ​റെ​ക്കാ​ല​മാ​യി ഇ​ട​തി​ന് അ​നു​കൂ​ല​മാ​ണ് രാ​ഷ്ട്രീ​യ പ്ര​ബു​ദ്ധ​ത നി​റ​ഞ്ഞ ഈ അ​തി​ർ​ത്തി മ​ല​യോ​ര മ​ണ്ഡ​ലത്തിന്റെ മ​ന​സ്സ്​. 1957ൽ ​മ​ണ്ഡ​ലം രൂ​പീകരിച്ച ശേഷം നടന്നിട്ടുള്ള 17 നി​യ​മ​സ​ഭ തെ​ര​ഞ്ഞെ​ടു​പ്പു​ക​ളി​ൽ മൂ​ന്നെ​ണ്ണ​ത്തി​ലൊ​ഴി​കെ എ​ൽ​ഡി​എ​ഫി​നെ അ​തും സി​പി​ഐ​ക്കാ​രെ മാ​ത്രം വി​ജ​യി​പ്പി​ച്ച പാ​ര​മ്പ​ര്യമാണ് പുനലൂരിന്. പ​ക്ഷേ, ത​ദ്ദേ​ശ-​ലോ​ക്സ​ഭ തെ​ര​ഞ്ഞെ​ടു​പ്പു​ക​ളി​ൽ പ​ല​പ്പോ​ഴും ഈ ഇടതുപ്രേമം തെ​റ്റി​ക്കാ​റുമു​ണ്ട്.

​'​​നേമം പോയാലും ചാത്തന്നൂർ നേടും'- 'ഡീൽ' മണക്കുന്ന ഇടതുകോട്ട
ഇ​രു​മു​ന്ന​ണി​ക​ളി​ലും പി​താ​വും മ​ക​നും മാ​റി​മാ​റി മ​ത്സ​രി​ച്ച ച​രി​ത്ര​വും ഈ ​തെ​ര​ഞ്ഞെ​ടു​പ്പോ​ടെ പുനലൂരിന് സ്വന്തമാകുകയാണ്. സി​പി​ഐ​യി​ലെ പി.​കെ. ശ്രീ​നി​വാ​സ​നും മ​ക​ൻ പി.​എ​സ്. സു​പാ​ലും ഇവിടെ മത്സരിച്ചിട്ടുണ്ട്. മു​സ്‍ലിം ലീ​ഗി​ലെ എ. ​യൂ​നു​സ് കു​ഞ്ഞും മ​ക​നും ഇ​പ്പോ​ഴ​ത്തെ സ്ഥാ​നാ​ർ​ഥി​യു​മാ​യ നൗ​ഷാ​ദ് യൂ​നു​സും ആണ് യുഡിഎഫ് ക്യാമ്പിൽ നിന്നുള്ളവർ. കന്നിയങ്കക്കാരായ ആറ് സ്ഥാനാർഥികളാണ് ഇക്കുറി ഇവിടെ ജനവിധി തേടുന്നത്.

എൽഡിഎഫ് സ്ഥാനാർഥിയായി സിപിഐയിലെ സി. അജയപ്രസാദ്, യുഡിഎഫ് സ്ഥാനാർഥിയായി മുസ്‌ലിം ലീഗിലെ നൗഷാദ് യൂനുസ്, എൻഡിഎ സ്ഥാനാർഥിയായി ട്വന്റി 20യിലെ രഘുനാഥ് കമുകുംചേരി, ഇക്വാളിറ്റി പാർട്ടി ഓഫ് ഇന്ത്യയുടെ പ്രതിനിധിയായി നെടുമൺകാവ് ഗോപാലകൃഷ്ണൻ, എസ്യുസിഐ പ്രതിനിധിയായി കെ. മഹേഷ്, ബഹുജൻ സമാജ് പാർട്ടി പ്രതിനിധിയായി ജോസ് സാരാനാഥ് എന്നിവരാണ് മത്സരരംഗത്തുള്ളത്. 30 വർഷമായി ഇടതുമുന്നണിയാണ് മണ്ഡലത്തിൽ ജയിക്കുന്നത്. സിപിഐ നേതാക്കളായ പി.എസ്. സുപാൽ, കെ. രാജു എന്നിവർ മൂന്നുതവണ വീതം നിയമസഭയിൽ മണ്ഡലത്തെ പ്രതിനിധാനം ചെയ്തു.

വികസനത്തുടർച്ച ചൂണ്ടിക്കാട്ടിയും പുനലൂരിൽ റവന്യൂ ഡിവിഷൻ രൂപവത്‌കരിച്ചതും മലയോര ഹൈവേയും അഞ്ചലിൽ ബൈപ്പാസ്‌ നിർമിച്ചതും റോഡുകൾ പുനരുദ്ധരിച്ചതും ഉൾപ്പെടെ സുപാലും രാജുവും നടത്തിവന്ന വികസനപ്രവർത്തനങ്ങൾ എണ്ണിപ്പറഞ്ഞുമാണ് അജയപ്രസാദ് വോട്ടർമാരിലേക്കിറങ്ങിയിരിക്കുന്നത്. വികസനം കടലാസിലാണെന്ന കുറ്റപ്പെടുത്തലാണ് നൗഷാദ് യൂനുസിന്റേത്. കുടിവെള്ളം, വൈദ്യുതി, റോഡുകൾ, ലൈഫ് ഭവനപദ്ധതി തുടങ്ങിയ പ്രാഥമികാവശ്യങ്ങൾ പോലും പരിഹരിക്കാൻ തുടർച്ചയായ 30 വർഷംകൊണ്ട് എൽഡിഎഫിനു കഴിഞ്ഞില്ലെന്ന് നൗഷാദ് പറയുന്നു.

തോട്ടം തൊഴിലാളികളുടെ കണ്ണീരൊപ്പാനും വന്യജീവിയാക്രമണം തടയാനും കഴിഞ്ഞില്ലെന്നും താലൂക്കാശുപത്രിയെ ജനറൽ ആശുപത്രിയാക്കാനായില്ലെന്നും കുറ്റപ്പെടുത്തലുണ്ട്. ഇടതു, വലതു മുന്നണികൾ പുനലൂരിനെ നശിപ്പിച്ചെന്നും തെരുവുനായ ശല്യത്തിനും പേവിഷബാധ മരണങ്ങൾക്കും പരിഹാരം കാണാൻ കഴിഞ്ഞില്ലെന്നുമാണ് എൻഎഡിഎ സ്ഥാനാർഥി രഘുനാഥ് കമുകുംചേരിയുടെ ആരോപണം.

കേരളത്തിൽ ഭരണമാറ്റം ആഗ്രഹിക്കുന്നത് 57 ശതമാനത്തിൽ അധികം പേർ; മുഖ്യ വിഷയം വികസനം തന്നെ, സർവേ പറയുന്നു
പു​ന​ലൂ​ർ ന​ഗ​ര​സ​ഭയും ഇ​ട​മു​ള​യ്ക്ക​ൽ, അ​ഞ്ച​ൽ, ഏ​രൂ​ർ, കു​ള​ത്തൂ​പ്പു​ഴ, ആ​ര്യ​ങ്കാ​വ്, തെ​ന്മ​ല, ക​ര​വാ​ളൂ​ർ പ​ഞ്ചാ​യ​ത്തു​ക​ളാ​ണ് മ​ണ്ഡ​ല​ത്തി​ലു​ള്ള​ത്. യുഡിഎ​ഫി​ന് ഭ​ര​ണ​മു​ണ്ടാ​യി​രു​ന്ന ക​ര​വാ​ളൂ​ർ, ആ​ര്യ​ങ്കാ​വ്, തെ​ന്മ​ല പ​ഞ്ചാ​യ​ത്തു​ക​ൾ ക​ഴി​ഞ്ഞ ത​ദ്ദേ​ശ തെ​ര​ഞ്ഞെ​ടു​പ്പി​ൽ എ​ൽ​ഡിഎ​ഫ് നേ​ടി. എ​ൽഡിഎ​ഫി​ൽ നി​ന്നും ഇ​ട​മു​ള​യ്ക്ക​ൽ, കു​ള​ത്തൂ​പ്പു​ഴ പ​ഞ്ചാ​യ​ത്തു​ക​ളും കു​ള​ത്തൂ​പ്പു​ഴ ജി​ല്ല ഡി​വി​ഷ​നും യുഡി​എ​ഫും പി​ടി​ച്ചെ​ടു​ത്തു. അ​ഞ്ച​ൽ ബ്ലോ​ക്ക് പ​ഞ്ചാ​യ​ത്തും ക​ര​വാ​ളൂ​ർ ജി​ല്ല ഡി​വി​ഷ​നും എ​ൽഡിഎ​ഫ് നി​ല​നി​ർ​ത്തി. ലോ​ക്സ​ഭ​യി​ൽ യുഡി.എ​ഫി​ന്‍റെ എ​ൻ.​കെ. പ്രേ​മ​ച​ന്ദ്ര​ൻ 2019ൽ 18,666 ​വോ​ട്ടും 2025ൽ 18,044 ​വോ​ട്ടും മ​ണ്ഡ​ല​ത്തി​ൽ അ​ധി​കം​നേ​ടിയിട്ടുമുണ്ട്.

2021ൽ 37,057 ​വോ​ട്ടി​ന്‍റെ ഭൂ​രി​പ​ക്ഷ​ത്തി​ലാണ് പി.​എ​സ്. സു​പാ​ൽ (80,428) യു​ഡി​എ​ഫി​ലെ അ​ബ്ദു​ൽ റ​ഹി​മാ​ൻ ര​ണ്ട​ത്താ​ണി​യെ (43,371) പ​രാ​ജ​യ​പ്പെ​ടു​ത്തിയത്. അ​തി​ന് മു​മ്പ് തു​ട​ർ​ച്ച​യാ​യി മൂ​ന്നാം​വി​ജ​യം നേ​ടി​യ മു​ൻ​മ​ന്ത്രി അ​ഡ്വ. കെ. ​രാ​ജു (82,136) 33,582 വോ​ട്ടി​ന് യു​ഡി​എ​ഫി​ലെ ഡോ. ​എ. യൂ​നു​സു​കു​ഞ്ഞി​നെ​യും (48,554) മ​റി​ക​ട​ന്നു. 2016ൽ 10,558 (സിസിൽ ഫെർണാണ്ടസ്), 2021ൽ 20,069 (ആയുർ മുരളി) എന്നിങ്ങനെയാണ് എൻഡിഎ നേടിയ വോട്ടുകൾ.

English summary

Kerala Assembly Election 2026: Six debut contests; Punalur gets a fresh face now