സൗജന്യ ഓണക്കിറ്റ് ആഗസ്റ്റ് 23 മുതല്, വിതരണം എങ്ങനെ?, ഇനങ്ങള് എന്തെല്ലാം?, വിശദമായി അറിയാം...
തിരുവനന്തപുരം:സംസ്ഥാനത്ത് സൗജന്യ ഓണക്കിറ്റ് വിതരണം മറ്റന്നാള് മുതൽ തുടങ്ങും. പദ്ധതിയുടെ സംസ്ഥാനതല ഉദ്ഘാടനം നാളെ മുഖ്യമന്ത്രി പിണറായി വിജയന് നിർവ്വഹിക്കും. വൈകുന്നേരം 4 മണിക്ക് ഭക്ഷ്യ പൊതു വിതരണ വകുപ്പ് മന്ത്രി ജി ആർ അനിലിന്റെ അദ്ധ്യക്ഷതയിലാണ് ചടങ്ങ് സംഘടിപ്പിച്ചിരിക്കുന്നത്. തുണിസഞ്ചി ഉള്പ്പെടെ 14 ഇനം സാധനങ്ങള് ഉള്പ്പെടുന്നതാണ് സൗജന്യ ഓണക്കിറ്റ്.
ഭക്ഷ്യക്കിറ്റുകളുടെ ജില്ലാതല വിതരണോദ്ഘാടനവും നാളെ വൈകുന്നേരം എല്ലാ ജില്ലാ ആസ്ഥാനങ്ങളിലും ബന്ധപ്പെട്ട ജനപ്രതിനിധികള് നിർവ്വഹിക്കും. ഓഗസ്റ്റ് 23,24 തീയതികളില് (ചൊവ്വാഴ്ചയും ബുധനാഴ്ചയും) മഞ്ഞ കാർഡുടമകള്ക്കും ഓഗസ്റ്റ് 25, 26, 27 തീയതികളില് (വ്യാഴം,വെള്ളി ,ശനി) പിങ്ക് കാർഡുടമകള്ക്കും ഓഗസ്റ്റ് 29, 30, 31 തിയതികളില് നീല കാർഡ് ഉളളവർക്കും സെപ്റ്റംബർ 1, 2, 3 തിയതികളില് വെള്ള കാർഡുടമകള്ക്കുമാണ് സൗജന്യ ഭക്ഷ്യ കിറ്റുകള് വിതരണം നടത്തുന്നതാണ്.
ഏതെങ്കിലും കാരണങ്ങളാല് ഈ ദിവസങ്ങളില് ഓണക്കിറ്റ് വാങ്ങാന് കഴിയാത്തവർക്ക് സെപ്റ്റംബർ 4, 5, 6,7 തിയതികളില് കിറ്റ് വാങ്ങാവുന്നതാണ്. ഓണ ശേഷം കിറ്റ് വിതരണം ഉണ്ടാവില്ല.എല്ലാ റേഷന് കാർഡുടമകളും അവരവരുടെ റേഷന് കടകളില് നിന്ന് തന്നെ കിറ്റുകള് കൈപ്പറ്റേണ്ടതാണ്. റേഷന് വിതരണവുമായി ബന്ധപ്പെട്ട് നിലവിലുള്ള പോർട്ടബിലിറ്റി സംവിധാനം കിറ്റുകള് കൈപ്പറ്റുന്ന കാര്യത്തില് ഓഴിവാക്കണമെന്ന് ഭക്ഷ്യ പൊതുവിതരണ വകുപ്പ് മന്ത്രി അറിയിച്ചു.
ക്ഷേമ
സ്ഥാപനങ്ങളിലേക്കുള്ള
ഭക്ഷ്യ
കിറ്റുകളുടെ
വിതരണം
സർക്കാർ
അംഗീകരിച്ചിട്ടുള്ള
എല്ലാ
ക്ഷേമ
സ്ഥാപനങ്ങളിലും
പൊതുവിതരണ
വകുപ്പിലെ
ഉദ്യോഗസ്ഥർ
മുഖേന
വാതില്പ്പടിയായി
എത്തിക്കുന്നതാണ്.
അതുപോലെ
ആദിവാസി
ഊരുകളില്
ഭക്ഷ്യകിറ്റ്
വാതില്പ്പടിയായി
വിതരണം
നടത്തുമെന്നും
മന്ത്രി
അറിയിച്ചു.
തുണി
സഞ്ചി
ഉൾപ്പടെ
14
ഇനങ്ങളുള്ള
ഭക്ഷ്യ
കിറ്റിന്റെ
പാക്കിംഗ്
എൺപത്
ശതമാനവും
പൂർത്തിയായതായി
സപ്ലൈക്കോ
അറിയിച്ചു.
കഴിഞ്ഞ വർഷം പരാതികൾ ഏറെ കേട്ട പപ്പടത്തിനും ശർക്കരയ്ക്കും പകരം മിൽമ നെയ്യും ക്യാഷു കോർപ്പറേഷനിലെ കശുവണ്ടി പരിപ്പും ഇക്കുറി കിറ്റിൽ ഇടം പിടിച്ചു.മിൽമയിൽ നിന്ന് നെയ്യ്,ക്യാഷു കോർപ്പറേഷനിൽ നിന്ന് കശുവണ്ടി പരിപ്പ്,സപ്ലൈക്കോയുടെ സ്വന്തം ശബരി ബ്രാൻഡ് ഉത്പന്നങ്ങൾ.പഞ്ചസാരയും,ചെറുപയറും,തുവരപരിപ്പും മറ്റ് സംസ്ഥാനങ്ങളിൽ നിന്ന്.
കഴിഞ്ഞ വർഷം പപ്പടവും,ശർക്കരയുമാണ് സപ്ലൈക്കോയ്ക്ക് തല വേദനയായത്.എന്നാൽ ഇത്തവണ മുൻവർഷത്തെ പാളിച്ചകൾ ആവർത്തിക്കാതിരിക്കാൻ പരമാവധി കരുതലെടുത്തെന്ന് സ്പ്ലൈക്കോ. ഇ ടെൻഡർ മുതൽ പാക്കിംഗിൽ വരെയുണ്ട് മുൻവർഷത്തെ അനുഭവത്തിൽ നിന്ന് പഠിച്ച പാഠങ്ങൾ മുന്നിൽ ഉണ്ട്. അതുകൊണ്ട് തന്നെ വളരെ കരുതലോടെയാണ് സപ്ലൈകോ ഓണം കിറ്റ് തയാറാക്കിയത്.
പ്രതീകാത്മക ചിത്രം
90 ലക്ഷം ഭക്ഷ്യക്കിറ്റുകളാണ് സംസ്ഥാനത്തെ റേഷൻ കാർഡ് ഉടമകൾക്കായി തയ്യാറാകുന്നത്.പാക്കറ്റ് ഉത്പന്നങ്ങളാണ് എല്ലാം. സപ്ലൈക്കോ സ്റ്റോറുകളോട് ചേർന്ന് കൂടുതൽ സ്ഥലങ്ങൾ വാടകയ്ക്ക് എടുത്തും പാക്കിംഗ് തുടരുകയാണ്.ചൊവ്വാഴ്ച രാവിലെ മുതൽ റേഷൻ കടകളിൽ ലഭ്യമായി തുടങ്ങും. അന്ത്യോദയ കാർഡ് ഉടമകൾക്ക് ആദ്യം കിറ്റ് ഉറപ്പാക്കി മുൻഗണന അനുസരിച്ച് ഓണത്തിന് മുൻപേ വിതരണം പൂർത്തിയാക്കാനാണ് ലക്ഷ്യം.
വെറൈറ്റി ഫോട്ടോഷൂട്ടുമായി മീര നന്ദൻ.... ഏറ്റെടുത്ത് ആരാധകര് ... കാണാം ചിത്രങ്ങള്