വിവാദം 'സ്‌ട്രോങ്' ആണ്; അന്തിമ വോട്ടിങ് ശതമാനം വരെ സംശയ നിഴലില്‍ നിര്‍ത്തി പ്രതിപക്ഷം

വോട്ടിങ് മെഷീനുകൾ സൂക്ഷിച്ചിട്ടുള്ള സ്ട്രോങ് റൂമുകൾ തുറന്നതുമായി ബന്ധപ്പെട്ട വിവാദങ്ങളും 'സ്ട്രോങ്’ ആയി മുന്നോട്ടുപോകുകയാണ്. ക്രമക്കേട് നടക്കാനുള്ള സാധ്യതകളെ മുതൽ അന്തിമ വോട്ടിങ് ശതമാനം തെരഞ്ഞെടുപ്പ് കമ്മീഷൻ പുറത്തുവിടാത്തതിനെ വരെ ഇതുമായി ബന്ധപ്പെടുത്തി സംശയത്തിന്റെ നിഴലിൽ നിർത്തുകയാണ് പ്രതിപക്ഷം. പോളിങ് കഴിഞ്ഞ് രണ്ടാഴ്ചയായിട്ടും അന്തിമ വോട്ടിങ് ശതമാനം സംബന്ധിച്ച കണക്കുകൾ പുറത്തുവിടാത്തതിൽ ദുരൂഹതയുണ്ടെന്നും ക്രമക്കേടിന് ശ്രമമുണ്ടോയെന്ന് സംശയമുണ്ടെന്നും കോൺഗ്രസ് ആരോപിക്കുന്നു.

ടൈസൺ മാസ്റ്ററുടെ മണ്ഡലമാറ്റം പരീക്ഷണം, മലബാറിൽ ന്യൂനപക്ഷ വോട്ടുകൾ വെല്ലുവിളി-പത്തിലൊതുങ്ങി സിപിഐ പ്രതീക്ഷ
'തെരഞ്ഞെടുപ്പ് കമ്മീഷൻ്റെ നടപടികളെല്ലാം സംശയാസ്പദമാണ്. മുൻ കാലങ്ങളിൽ വോട്ടിങ് മെഷീൻ സൂക്ഷിച്ചിരുന്ന പോലെയല്ല ഇപ്പോഴുള്ളത്. സിസിടിവിയിലൂടെ മാത്രമേ ഇപ്പോൾ കാണാനാകൂ. ഇതിൻ്റെ ദൃശ്യങ്ങളിൽ തിരിമറി നടത്തുമോയെന്ന ഭയമുണ്ട്’- കോൺഗ്രസ് നേതാവ് എൻ. ശക്തൻ പറഞ്ഞു. ഈമാസം ഒമ്പതിനാണ് സംസ്ഥാനത്ത് പോളിങ് നടന്നത്. 78.27 ശതമാനം പോളിങ് നടന്നതായാണ് തെരഞ്ഞെടുപ്പ് കമ്മീഷൻ ആദ്യം അറിയിച്ചത്. പിന്നീട് 79.63 ശതമാനമാണ് പോൾ ചെയ്തതെന്ന് അടുത്ത ദിവസം കമ്മീഷൻ വ്യക്തമാക്കി. കൃത്യമായ കണക്കുകൾ പുറത്തുവിടാത്തതിൽ ദുരൂഹതയുണ്ടെന്നാണ് രാഷ്ട്രീയ പാർട്ടികളുടെ ആരോപണം.

അതിനിടെയാണ് സ്ട്രോങ് റൂം തുറന്നതുമായി ബന്ധപ്പെട്ട വിവാദങ്ങളും തെരഞ്ഞെടുപ്പ് കമ്മീഷന് തലവേദനയായിരിക്കുന്നത്. പേരാമ്പ്ര, നെന്മാറ സംഭവങ്ങളുടെ പശ്ചാത്തലത്തിൽ വോട്ടെണ്ണൽ കേന്ദ്രങ്ങളിലെ മുറികൾ തുറക്കരുതെന്ന് മുഖ്യ തെരഞ്ഞെടുപ്പ് ഓഫിസർ നിർദേശം നൽകിയിട്ടുണ്ട് . വോട്ടെണ്ണൽ കഴിയുംവരെ വോട്ടെണ്ണൽ കേന്ദ്രങ്ങളിലെ സീൽ ചെയ്യാത്ത മുറികളും തുറക്കരുതെന്നാണ് നിർദേശം. നെന്മാറ മണ്ഡലത്തിന്റെ മെറ്റീരിയൽ റൂം തുറക്കാൻ തീരുമാനിച്ചതിൽ വിശദീകരണം തേടിയിട്ടുമുണ്ട്. കോഴിക്കോട് പേരാമ്പ്രയിലെ സ്ട്രോങ് റൂം വിവാദം അണയുന്നതിന് പിന്നാലെയാണ് പാലക്കാട് നെന്മാറയിലും സ്ട്രോങ് റൂം വിവാദം ഉയർന്ന് വന്നത്.

സോഫ്റ്റ്‌വെയർ പണിമുടക്കടക്കം പതിവില്ലാത്ത തടസ്സങ്ങൾ

അന്തിമ വോട്ടിങ് ശതമാനം കണക്കാക്കുന്നതിലും വോട്ടിങ് സാമഗ്രികളുടെ സുരക്ഷ സംബന്ധിച്ചും മുമ്പെങ്ങുമില്ലാത്ത വിധമുള്ള തടസ്സങ്ങളാണ് ഇത്തവണ ഉണ്ടായിരിക്കുന്നത്. സർവീസ് വോട്ടുകളും ഉദ്യോഗസ്ഥരുടെ വോട്ടുകളും അന്തിമമാക്കിയ ശേഷം കണക്കുകൾ കൃത്യമാക്കുമെന്നാണ് മുഖ്യ തെരഞ്ഞെടുപ്പ് ഉദ്യോഗസ്ഥൻ ഡോ. രത്തൻ യു. കേൽക്കർ പറയുന്നത്. കേരളത്തിൽ 53,984 സർവീസ് വോട്ടർമാരാണുള്ളത്. സംസ്ഥാനത്തിന് പുറത്തുനിന്നെത്തുന്ന സർവീസ് വോട്ടുകൾ വോട്ടെണ്ണുന്ന അടുത്ത മാസം നാലിന് രാവിലെ വരെ സ്വീകരിക്കും. പോളിങ് കഴിഞ്ഞ് ഒരാഴ്ചയ്ക്കുള്ളിൽ ഭൂരിഭാഗം സർവീസ് വോട്ടുകളും എത്താറുണ്ട്. ഇതുകൂടി ചേർത്താണ് സാധാരണ അന്തിമ കണക്ക് പ്രസിദ്ധീകരിക്കുക.

വിജയ് വൈകീട്ട് 6 മണിക്ക് ശേഷം പ്രചാരണം നടത്തിയില്ല; പരക്കെ സംസാരം, പിതാവിന്റെ പ്രതികരണം
കേന്ദ്ര തെരഞ്ഞെടുപ്പ് കമ്മീഷൻ അംഗീകരിച്ച ശേഷമേ സംസ്ഥാനത്തെ പോളിങ് കണക്കുകൾ പുറത്തുവിടൂ. കമ്മീഷൻ്റെ കണക്കുപ്രകാരം പതിനായിരത്തിലേറെ തെരഞ്ഞെടുപ്പ് ഉദ്യോഗസ്ഥർക്ക് വോട്ട് ചെയ്യാനായിട്ടില്ല. ഈ വിഷയം ഹൈക്കോടതിയുടെ പരിഗണനയിലാണ്. തെരഞ്ഞെടുപ്പ് ജോലിക്ക് നിയോഗിച്ച ഉദ്യോഗസ്ഥരിൽ നിരവധിപേർക്ക് തപാൽ വോട്ട് ചെയ്യാനായില്ലെന്ന പരാതിക്ക് പിന്നാലെ, തപാൽ വോട്ട് കൈകാര്യം ചെയ്തിരുന്ന സോഫ്റ്റ്‌വെയറും പണിമുടക്കി. സോഫ്റ്റ്‌വെയർ ലോഗിൻ ചെയ്യാനോ വിവരങ്ങൾ കാണാനോ കഴിയുന്നില്ലെന്നാണ് പരാതി.

തപാൽ വോട്ടിന് അപേക്ഷിച്ച ഉദ്യോഗസ്ഥരുടെ വിവരങ്ങളെല്ലാം ജില്ല കേന്ദ്രങ്ങളിൽനിന്ന് അപ്‌ലോഡ് ചെയ്ത് സൂക്ഷിച്ചത് ഈ സൈറ്റിലായിരുന്നു. സംസ്ഥാനത്തെ 140 മണ്ഡലങ്ങളിലെയും റിട്ടേണിങ് ഓഫിസർമാർ, ജില്ല കലക്ടർമാർ തുടങ്ങി ഉയർന്ന ഉദ്യോഗസ്ഥർക്കെല്ലാമായാണ് സൈറ്റ് സജ്ജമാക്കിയത്. തെരഞ്ഞെടുപ്പിൻ്റെ വിവരങ്ങൾക്കും നിർദേശങ്ങൾക്കുമൊപ്പം തപാൽ വോട്ട് വിവരങ്ങളും ഇതിലാണ് സൂക്ഷിച്ചിരുന്നത്.

ഗുരുതര വീഴ്ചയെന്ന് റിപ്പോർട്ട്

വോ​ട്ടു​യ​ന്ത്ര​ങ്ങ​ൾ സൂ​ക്ഷി​ച്ച സ്ട്രോ​ങ് റൂ​മി​നോ​ട് ചേ​ർ​ന്ന മെ​റ്റീ​രി​യ​ൽ റൂം ​ഉ​ദ്യോ​ഗ​സ്ഥ​ർ തു​റ​ന്ന​തി​ൽ ഗു​രു​ത​ര വീ​ഴ്ച​യെ​ന്നാണ് കോഴിക്കോട് ജി​ല്ല ക​ല​ക്ട​റു​ടെ പ്രാ​ഥ​മി​ക റി​പ്പോ​ർ​ട്ട്. ര​ണ്ടു ദി​വ​സ​ത്തി​ന​കം അ​ന്തി​മ റി​പ്പോ​ർ​ട്ട് ന​ൽ​കും. ജി​ല്ല​യി​ലെ എ​ട്ടു നി​യ​മ​സ​ഭ മ​ണ്ഡ​ല​ങ്ങ​ളി​ലെ വോ​ട്ടു​യ​ന്ത്ര​ങ്ങ​ൾ സൂ​ക്ഷി​ച്ച ജെഡിടി ഇ​സ്‍ലാം കോം​പ്ല​ക്സി​ലെ സ്‌​ട്രോ​ങ് റൂ​മി​നോ​ട് ചേ​ർ​ന്ന മെ​റ്റീ​രി​യ​ൽ റൂം ​ഉ​ദ്യോ​ഗ​സ്ഥ​ർ തു​റ​ന്ന​തി​ൽ റി​ട്ടേ​ണി​ങ് ഓ​ഫി​സ​ർ​ക്ക് ഗു​രു​ത​ര വീ​ഴ്ച സം​ഭ​വി​ച്ചി​ട്ടു​ണ്ടെ​ന്നാ​ണ് ജി​ല്ല ക​ല​ക്ട​ർ സ്‌​നേ​ഹി​ൽ കു​മാ​ർ സി​ങ് മു​ഖ്യ തെ​ര​ഞ്ഞെ​ടു​പ്പ് ഓ​ഫി​സ​ർ ര​ത്ത​ൻ യു. ​ഖേ​ൽ​ക്ക​ർ​ക്ക് ന​ൽ​കി​യ പ്രാഥമിക റി​പ്പോ​ർ​ട്ടിലുള്ളത്.

അ​തി​സു​ര​ക്ഷ മേ​ഖ​ല​യാ​യ സ്ട്രോ​ങ് റൂ​മി​ന്റെ​യും മെ​റ്റീ​രി​യ​ൽ റൂ​മി​ന്റെ​യും അ​ടു​ത്തേ​ക്ക് പ്ര​വേ​ശ​ന​ത്തി​ന് ക​ർ​ശ​ന മാ​ന​ദ​ണ്ഡ​ങ്ങ​ളു​ണ്ടാ​യി​രി​ക്കെ മെ​റ്റീ​രി​യ​ൽ റൂം ​തു​റ​ന്ന​തി​ന്റെ വി​ശ​ദീ​ക​ര​ണം ജി​ല്ല ക​ല​ക്ട​ർ തേ​ടി​യി​രു​ന്നു. വോ​ട്ടു ക​ണ​ക്കു​ക​ളു​ടെ ഒ​റി​ജി​ന​ൽ മെ​റ്റീ​രി​യ​ൽ റൂ​മി​ലും പ​ക​ർ​പ്പ് റി​ട്ടേ​ണി​ങ് ഓ​ഫി​സ​റു​മാ​ണ് സൂ​ക്ഷി​ക്കേ​ണ്ട​ത്. എ​ന്നാ​ൽ, ഇ​വ മെ​റ്റീ​രി​യ​ൽ റൂ​മി​ൽ മ​റ​ന്നു​വെ​ക്കു​ക​യാ​യി​രു​ന്നു. ഇ​തെ​ടു​ക്കു​ന്ന​തി​നാ​ണ് മു​റി തു​റ​ന്ന​തെ​ന്നാ​ണ് ഉ​ദ്യോ​ഗ​സ്ഥ​ർ ന​ൽ​കി​യ വി​ശ​ദീ​ക​ര​ണം.

ഇ​ക്കാ​ര്യ​ത്തി​ൽ വേ​ണ്ട​ത്ര ശ്ര​ദ്ധ റി​ട്ടേ​ണി​ങ് ഓ​ഫി​സ​റു​ടെ ഭാ​ഗ​ത്ത് നി​ന്നു​ണ്ടാ​യി​ല്ലെ​ന്നും റി​പ്പോ​ർ​ട്ടി​ലു​ണ്ടെ​ന്നാ​ണ് സൂ​ച​ന. അതേസമയം, സീ​ൽ ചെ​യ്ത​തും അ​ല്ലാ​ത്ത​തു​മാ​യ മു​റി​ക​ൾ വോ​ട്ടെ​ണ്ണ​ൽ ക​ഴി​യും വ​രെ തു​റ​ക്ക​രു​തെ​ന്ന മു​ഖ്യ​തെ​ര​ഞ്ഞെ​ടു​പ്പ് ക​മീ​ഷ​ണ​റു​ടെ നി​ർ​ദേ​ശം ലം​ഘി​ച്ച് വോ​ട്ടു​യ​ന്ത്ര​ങ്ങ​ൾ സൂ​ക്ഷി​ച്ച സ്ട്രോ​ങ് റൂ​മി​നോ​ട് ചേ​ർ​ന്ന മെ​റ്റീ​രി​യ​ൽ റൂ​മി​ന​ടു​ത്ത് കൊ​യി​ലാ​ണ്ടി വ​ര​ണാ​ധി​കാ​രി എ​ത്തി​യ​താ​യി യുഡി.എ​ഫ് നേ​താ​ക്ക​ൾ ആ​രോ​പി​ച്ചു. ഇ​തു​സം​ബ​ന്ധി​ച്ച് യുഡിഎ​ഫ് നേ​താ​ക്ക​ളാ​യ അ​ഡ്വ. കെ. ​പ്ര​വീ​ൺ​കു​മാ​ർ, എം.​എ. റ​സാ​ഖ് മാ​സ്റ്റ​ർ, ടി.​ടി. ഇ​സ്മ​യി​ൽ എ​ന്നി​വ​ർ ക​ല​ക്ട​ർക്ക് പ​രാ​തി ന​ൽ​കി. വ​ര​ണാ​ധി​കാ​രി​ക്ക് നോ​ട്ടീ​സ് ന​ൽ​കു​മെ​ന്ന് ക​ല​ക്ട​ർ അ​റി​യി​ച്ച​താ​യി യുഡിഎ​ഫ് നേ​താ​ക്ക​ൾ പ​റ​ഞ്ഞു.

ചൊ​വ്വാ​ഴ്ച ഉ​ച്ച​യോ​ടെ വ​ര​ണാ​ധി​കാ​രി പൊ​ലീ​സ് അ​ക​മ്പ​ടി​യി​ൽ എ​ത്തി​യ ​ഫോ​ട്ടോ മാ​ധ്യ​മ​ങ്ങ​ൾ​ക്കു മു​ന്നി​ൽ കെ. ​പ്ര​വീ​ൺ​കു​മാ​ർ കാ​ണി​ച്ചു. തെ​ര​ഞ്ഞെ​ടു​പ്പ് അ​ട്ടി​മ​റി​ക്കാ​നു​ള്ള ശ്ര​മം ന​ട​ത്തി​യ പേ​രാ​മ്പ്ര വ​ര​ണാ​ധി​കാ​രി​ക്കൊ​പ്പം കൊ​യി​ലാ​ണ്ടി വ​ര​ണാ​ധി​കാ​രി​യെ​യും ന​ട​പ​ടി​ക​ൾ​ക്ക് വി​ധേ​യ​മാ​ക്ക​ണ​മെ​ന്നും നേ​താ​ക്ക​ൾ ആ​വ​ശ്യ​പ്പെ​ട്ടു.