കേരളത്തില് വീണ്ടും മഴ ശക്തമാകുന്നു; നാളെ മുതല് അഞ്ച് ജില്ലകളില് യെല്ലോ അലര്ട്ട്
തിരുവന്തപുരം: സംസ്ഥാനത്ത് വീണ്ടും മഴ ശക്തമാകാന് സാധ്യത. കാലാവസ്ഥാ നിരീക്ഷണ വകുപ്പ് ആണ് ഇത് സംബന്ധിച്ച മുന്നറിയിപ്പ് പുറപ്പെടുവിച്ചിരിക്കുന്നത്. ഒരാഴ്ചത്തെ ഇടവേളക്ക് ശേഷമാണ് സംസ്ഥാനത്ത് മഴ ശക്തമാകാനൊരുങ്ങുന്നത്. ഇടിമിന്നലോട് കൂടിയ ശക്തമായ മഴയ്ക്ക് സാധ്യത ഉണ്ട് എന്നാണ് കാലാവസ്ഥാ നിരീക്ഷണ വകുപ്പിന്റെ മുന്നറിയിപ്പ്.
സംസ്ഥാനത്തെ ഒറ്റപ്പെട്ട ഇടങ്ങളിലാണ് മഴയ്ക്ക് സാധ്യതയുള്ളത്. അതേസമയം, മൂന്ന് ദിവസങ്ങളില് കേന്ദ്ര കാലാവസ്ഥ വകുപ്പ് വിവിധ ജില്ലകളില് യെല്ലോ അലേര്ട്ട് പ്രഖ്യാപിച്ചിരിക്കുകയാണ്. 22, 23, 24 തീയതികളിലാണ് യെല്ലോ അലേര്ട്ട് മുന്നറിയിപ്പുള്ളത്. തിങ്കളാഴ്ച കോട്ടയം, എറണാകുളം, ഇടുക്കി ജില്ലകളിലാണ് യെല്ലോ അലര്ട്ട് മുന്നറിയിപ്പ് ഉള്ളത്.
Viral Video- ഇവനാള് കൊള്ളാലോ... വല്ലാത്ത കണ്ടുപിടുത്തം തന്നെ; അമ്പരപ്പ് മാറാതെ ആനന്ദ് മഹീന്ദ്ര
ചൊവ്വാഴ്ചയും കോട്ടയം, എറണാകുളം, ഇടുക്കി ജില്ലകളില് യെല്ലോ അലര്ട്ട് ആണ്. ബുധനാഴ്ച കോട്ടയം, ഇടുക്കി, തൃശ്ശൂര്, മലപ്പുറം ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്. ഈ ജില്ലകളില് ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്. 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അര്ത്ഥമാക്കുന്നത്.
അതേസമയം മഴ ശക്തമാകുന്ന സാഹചര്യത്തില് കേരള - ലക്ഷദ്വീപ് - കര്ണാടക തീരങ്ങളില് ഓഗസ്റ്റ് 22 മുതല് 24 വരെ മത്സ്യബന്ധനത്തിന് പോകാന് പാടുള്ളതല്ല എന്ന് അധികൃതര് അറിയിച്ചു. കേരള - ലക്ഷദ്വീപ് - കര്ണ്ണാടക തീരത്തും അതിനോട് ചേര്ന്നുള്ള തെക്ക് - കിഴക്കന് അറബിക്കടല് എന്നിവിടങ്ങളിലും മണിക്കൂറില് 40 മുതല് 50 കിലോമീറ്റര് വേഗതയില് ശക്തമായ കാറ്റിനും മോശം കാലാവസ്ഥയ്ക്കുമാണ് സാധ്യതയുള്ളത്.
തെക്ക് പടിഞ്ഞാറ് ബംഗാള് ഉള്ക്കടല്, ശ്രീലങ്കന് തീരം എന്നിവിടങ്ങളില് മണിക്കൂറില് 40 മുതല് 50 കിലോമീറ്റര് വേഗതയില് ശക്തമായ കാറ്റിന് സാധ്യതയുള്ളതിനാല് പ്രത്യേക ജാഗ്രത പാലിക്കണം. വടക്ക് ആന്ധ്രാ പ്രദേശ് തീരം അതിനോട് ചേര്ന്നുള്ള മധ്യ പടിഞ്ഞാറന് ബംഗാള് ഉള്ക്കടല് എന്നിവിടങ്ങളില് മണിക്കൂറില് 40 മുതല് 50 കിലോമീറ്റര് വേഗതയില് ശക്തമായ കാറ്റിനും മോശം കാലാവസ്ഥക്കും സാധ്യതയുണ്ട്.
അതേസമയം ഉത്തരേന്ത്യന് സംസ്ഥാനങ്ങളായ ഉത്തരാഖണ്ഡ്, ഹിമാചല് പ്രദേശ് എന്നിവിടങ്ങളില് മഴ ശക്തമായി തുടരുകയാണ്. മഴക്കെടുതിയില് ഹിമാചല് പ്രദേശില് മാത്രം 20 ലേറെ പേര്ക്കാണ് ജീവന് നഷ്ടമായത്. നിരവധി വീടുകള്ക്കും കെട്ടിടങ്ങള്ക്കും കേടുപാട് സംഭവിച്ചിട്ടുണ്ട്.
സ്ലീവ്ലെസ് സാരിയില് പ്രിയങ്കയുടെ പോസ്.. കിടിലോല് കിടിലമെന്ന് ആരാധകര്