കൊടി സുനിയെ കാണാന് കോടിയേരി ജയിലില്
തൃശൂര്: ടിപി ചന്ദ്രശേഖരന് വധക്കേസില് ശിക്ഷിക്കപ്പെട്ട പ്രതികളെ സിപിഎം പോളിറ്റ് ബ്യൂറോ അംഗവും പ്രതിപക്ഷ ഉപനേതാവും ആയ കോടിയേരി ബാലകൃഷ്ണന് വിയ്യൂര് സെന്ട്രല് ജയിലിലെത്തി സന്ദര്ശിച്ചു. പി ജയരാജന്, ബാബു എം പാലിശ്ശേരി തുടങ്ങിവര്ക്കൊപ്പമാണ് കോടിയേരി ജയിലിലെത്തിയത്.
ജയില് ചട്ടങ്ങള് ലംഘിച്ച് ടിപി കേസില് ശിക്ഷിക്കപ്പെട്ടവരെ ജയില് അധികൃതര് മര്ദ്ദിച്ചതായി കോടിയേരി ആരോപിച്ചു. സംഭവത്തില് ജുഡീഷ്യല് അന്വേഷണം നടത്തണമെന്നും കോടിയേരി ആവശ്യപ്പെട്ടു.
തീവ്രവാദ കേസുകളില് പെട്ട് കിടക്കുന്നവര്ക്ക് എല്ലാ സഹായങ്ങളും ചെയ്തുകൊടുക്കുന്ന അധികൃതര് ടിപി കേസിലെ പ്രതികളെ രാഷ്ട്രീയ ലക്ഷ്യം വച്ച് ഉപദ്രവിക്കുകയാണെന്ന് കോടിയേരി ബാലകൃഷ്ണന് പറഞ്ഞു. മഹാത്മ ഗാന്ധിയെ വധിച്ച ഗോഡ്സെയോട് പോലും കാണിക്കാത്ത അനീതിയാണ് ടിപി കേസിലെ പ്രതികളോട് ജയിലില് കാണിക്കുന്നതെന്നും കോടിയേരി ആരോപിച്ചു.
ടിപി കേസിലെ പ്രതികള്ക്ക് മര്ദ്ദനമേറ്റു എന്ന പരാതിയെ തുടര്ന്നാണ് കോടിയേരിയുടെ സന്ദര്ശനം. കഴിഞ്ഞ ദിവസം എംഎല്എമാരായ കെ രാധാകൃഷ്ണനും കെവി അബ്ദുള് ഖാദറും ജയിലില് പ്രതികളെ സന്ദര്ശിച്ചിരുന്നു. പിന്നീട് പ്രതികളെ വൈദ്യ പരിശോധനക്ക് വിധേയരാക്കുകയും ചെയ്തിരുന്നു.
കേസില് ശിക്ഷിക്കപ്പെട്ട പാര്ട്ടി അംഗത്തിന് മര്ദ്ദനമേറ്റു എന്ന പരാതി അന്വേഷിക്കാനാണ് ജയില് സന്ദര്ശിച്ചതെന്ന് കെ രാധാകൃഷ്ണന് കഴിഞ്ഞ ദിവസം പറഞ്ഞിരുന്നു. പാര്ട്ടി നിര്ദ്ദേശത്തെത്തുടര്ന്നാണ് ജയില് സന്ദര്ശിച്ചതെന്നും രാധാകൃഷ്ണന് പറഞ്ഞു.
ടിപി വധക്കേസുമായി ബന്ധമില്ലെന്ന് പാര്ട്ടി ആവര്ത്തിക്കുമ്പോഴും ഉന്നത നേതാക്കളുടെ ജയില് സന്ദര്ശനം സംശയം ജനിപ്പിക്കുന്നതാണ്.