കേരളത്തിലെ കൊവിഡ് നിയന്ത്രണങ്ങളില് മാറ്റമില്ല, സമ്പൂര്ണ അടച്ചിടല് പ്രഖ്യാപിക്കാതെ സര്ക്കാര്
തിരുവനന്തപുരം: കേരളത്തില് കൊവിഡ് നിയന്ത്രണങ്ങള് മാറ്റമില്ല. പുതിയ നിയന്ത്രണങ്ങള് ഏര്പ്പെടുത്താനും സര്ക്കാര് തീരുമാനമില്ല. അതേസമയം നിലവിലുള്ള ഒരു ഇളവും പിന്വലിക്കില്ല. കടകളുടെ പ്രവര്ത്തനം നിലവിലുള്ളത് പോലെ തുടരാനും ഉന്നത തല യോഗത്തില് തീരുമാനിച്ചു. കൊവിഡ് വ്യാപനം വിലയിരുത്താനായിട്ടാണ് മുഖ്യമന്ത്രിയുടെ അധ്യക്ഷതയില് ഉന്നത തല യോഗം ചേര്ന്നത്. സംസ്ഥാനത്ത് സമ്പൂര്ണ അടച്ചിടല് ഉണ്ടാകുമെന്ന് അഭ്യൂഹങ്ങളുണ്ടായിരുന്നു. എന്നാല് ഇതിന് സര്ക്കാര് തയ്യാറല്ലെന്നാണ് വ്യക്തമാകുന്നത്. അതേസമയം ഞായറാഴ്ച്ചകളിലുള്ള ലോക്ഡൗണും തുടരുമെന്നാണ് സര്ക്കാര് തീരുമാനം.
താരരാജാവിനൊപ്പമുള്ള ചിത്രങ്ങള് പങ്കുവച്ച് ആര്യ; വൈറല് ചിത്രങ്ങള് കാണാം
രോഗം കൂടുതലുള്ള സ്ഥലങ്ങളില് മാത്രം നിയന്ത്രണം ഏര്പ്പെടുത്തും. പ്രാദേശിക അടിസ്ഥാനത്തില് നിയന്ത്രണം ശക്തമാക്കാന് നേരത്തെ തന്നെ സര്ക്കാര് തീരുമാനിച്ചിരുന്നു. നൂറ് മീറ്റര് പരിധിയില് അഞ്ചിലധികം കേസുകള് ഒരു ദിവസം റിപ്പോര്ട്ട് ചെയ്താല് അതിലുള്പ്പെടുന്ന സ്ഥാപനങ്ങളും വീടുകളും മൈക്രോ കണ്ടെയിന്മെന്റ് സോണിലാകും. ഇനി അഞ്ചില് താഴെ കേസുകളാണെങ്കിലും സാഹചര്യങ്ങള്ക്ക് അനുസരിച്ച് ജില്ലാ ദുരന്ത നിവാരണ അതോറിറ്റിക്ക് തീരുമാനമെടുക്കാം. നിയന്ത്രണങ്ങള് എല്ലാം ഏഴ് ദിവസത്തേക്കായിരിക്കും. രോഗ്യവാപനം കൂടുതലുള്ള സ്ഥലത്ത് നിന്ന് നൂറ് മീറ്റര് പരിധിയായിരിക്കും നിയന്ത്രണത്തിനായി കണക്കാക്കുക.
നൂറ് മീറ്റര് പരിധി കണക്കാക്കുമ്പോള് റോഡിന് ഇരുവശത്തുമുള്ള കച്ചവട സ്ഥാപനങ്ങളും വീടുകളും ഉള്പ്പെടുത്തും. ഒരു ഭാഗം മാത്രം അടച്ചിടുന്നത് ഗുണം ചെയ്യില്ലെന്നാണ് വിലയിരുത്തല്.
അതേസമയം വാക്സിനേഷന് കുറഞ്ഞ ജില്ലകളില് ടെസ്റ്റിംഗ് വ്യാപകമാക്കാന് മുഖ്യമന്ത്രി പിണറായി വിജയന് കോവിഡ് അവലോകനയോഗത്തില് നിര്ദ്ദേശിച്ചു. വയനാട്, പത്തനംതിട്ട, തിരുവനന്തപുരം, എറണാകുളം ജില്ലകളില് വാക്സിനേഷന് നല്ലരീതിയില് നടത്തിയതിനാല് ഇവിടെ രോഗലക്ഷണമുള്ളവരെ മാത്രം ടെസ്റ്റ് ചെയ്യും.
ഹോട്ട് ലുക്കില് തിളങ്ങി ഐഷ്വര്യ സുരേഷ്; ഫോട്ടോഷൂട്ട് സോഷ്യല് മീഡിയയില് ട്രെന്ഡിംഗ്
Recommended Video
മറ്റു ജില്ലകളില് വ്യാപകമായ ടെസ്റ്റിംഗ് നടത്തും. ആദ്യ ഡോസ് വാക്സിനേഷന് എഴുപത് ശതമാനത്തില് കൂടുതല് പൂര്ത്തീകരിച്ച ജില്ലകള് അടുത്ത രണ്ടാഴ്ച കൊണ്ട് വാക്സിനേഷന് പൂര്ണമാക്കാന് മുഖ്യമന്ത്രി നിര്ദ്ദേശിച്ചു.
നിലവില് സംസ്ഥാനത്തിന്റെ പക്കല് പതിനാറ് ലക്ഷം സിറിഞ്ചുകള് ലഭ്യമാണ്. കൂടുതല് സിറിഞ്ചുകള് ലഭ്യമാക്കാനും സമാഹരിക്കാനും നടപടിയെടുക്കും. പത്ത് ലക്ഷം വാക്സിന് ഡോസുകള് കെ.എം എസ്. സി. എല് നേരിട്ട് വാക്സിന് ഉത്പ്പാദകരില് നിന്ന് വാങ്ങിയിട്ടുണ്ട്. സ്വകാര്യ ആശുപത്രികളും മറ്റു സ്വകാര്യ സ്ഥാപനങ്ങളും വഴി ഇത് നല്കുന്നുണ്ടെന്ന് ഉറപ്പു വരുത്തണം.
ഇടുക്കി, പാലക്കാട്, കാസര്ഗോഡ് ജില്ലകളില് ബ്രേക്ക് ത്രൂ ഇന്ഫെക്ഷനുകള് അഞ്ച് ശതമാനത്തില് കൂടുതലാണ്. ഈ ജില്ലകളില് ജനിതക പഠനം നടത്താന് ആരോഗ്യവകുപ്പിനോട് മുഖ്യമന്ത്രി നിര്ദ്ദേശിച്ചു. ഓരോ തദ്ദേശ സ്ഥാപന അതിര്ത്തിയിലും എത്ര വാക്സിനേഷനുകള് നടത്തിയിട്ടുണ്ടെന്ന് റിപ്പോര്ട്ട് സമര്പ്പിക്കാന് തദ്ദേശസ്വയംഭരണ വകുപ്പിനോട് മുഖ്യമന്ത്രി നിര്ദ്ദേശിച്ചു.
Click it and Unblock the Notifications
Sign in with Google