'ഹൃദയം കൊണ്ട് അവരെ പരിഗണിക്കണം';ഡോക്ടർമാർക്ക് എതിരായ ആക്രമണത്തിൽ പിസി വിഷ്ണുനാഥ്
തിരുവനന്തപുരം; കൊവിഡ് പ്രതിസന്ധിയ്ക്കിടെ ഡോക്ടർമാർക്കെതിരെ നടക്കുന്ന ആക്രമണത്തിൽ പ്രതികരിച്ച് പിസി വിഷ്ണുനാഥ് എംഎൽഎ.
കഴിഞ്ഞ രണ്ടു വർഷത്തോളമായി ഈ മഹാമാരിയുടെ സാഹചര്യങ്ങളിൽ ഏറ്റവും കൂടുതൽ അധ്വാനം നടത്തുന്നവരാണവർ.. നമ്മുടെ ജീവിതത്തിലും ആരോഗ്യത്തിലും സന്തോഷത്തിലുമെല്ലാം അവരുടെ അധ്വാനത്തിന്റെ അടയാളം അദൃശ്യമായി പതിഞ്ഞു കിടക്കുന്നുണ്ട്. നമ്മുടെ ഹൃദയത്തിന് കാതോർത്താണ് അവർ ചികിത്സ തുടങ്ങാറുള്ളത്. ആ ഹൃദയം കൊണ്ടു കൂടിയൊരു പരിഗണന അവർ അർഹിക്കുന്നുണ്ട്, വിഷ്ണുനാഫ് ഫേസ്ബുക്കിൽ കുറിച്ചു.
ആരോഗ്യ രംഗം വെറുമൊരു തൊഴിൽ മേഖലയല്ല. മനുഷ്യരാശി എന്ന നിലയിൽ നാം എത്തിച്ചേർന്ന അറിവുകളെയും നമുക്ക് സംവിധാനം ചെയ്യാനായ സൗകര്യങ്ങളെയും കൂട്ടിയിണക്കി ആളുകളുടെ ആരോഗ്യവും ജീവനും സംരക്ഷിക്കാനുള്ള ഉത്തരവാദിത്തം ഏൽക്കുന്ന മനുഷ്യരാണ് ആ രംഗത്തു പ്രവർത്തിക്കുന്നത്. അറിവിനും വൈദഗ്ധ്യത്തിനുമപ്പുറം നിസ്വാർത്ഥമായ സേവന മന:സ്ഥിതിയുള്ളവർക്ക് മാത്രം പ്രവർത്തിക്കാനാവുന്ന മേഖലയാണത്. പ്രിയപ്പെട്ട ആർക്കെങ്കിലും അസുഖം ബാധിച്ച സമയങ്ങളിൽ ആശുപത്രികളിൽ ദിവസങ്ങളോളം ചെലവഴിച്ചവർക്കറിയാം എത്ര സ്ഥിരോത്സാഹം ആവശ്യപ്പെടുന്ന അന്തരീക്ഷമാണ് നമ്മുടെ ആശുപത്രികളിലുള്ളതെന്ന്. അതാണ് അവരുടെ സ്ഥിരമായ തൊഴിലിടം. പലപ്പോഴും തൊഴിലിടത്തിൽ നിന്നും വിട്ടുള്ള ഒരു സ്വകാര്യ ജീവിതം പോലും അവരിൽ പലർക്കുമില്ല.
കഴിഞ്ഞ രണ്ടു വർഷത്തോളമായി ഈ മഹാമാരിയുടെ സാഹചര്യങ്ങളിൽ ഏറ്റവും കൂടുതൽ അധ്വാനം നടത്തുന്നവരാണവർ.
പ്രിയപ്പെട്ടവരുടെ ജീവൻ നഷ്ടപ്പെട്ടു പോവുന്ന സാഹചര്യം വിശ്വസിക്കാൻ ഇഷ്ടപ്പെടാത്തവരാണ് നാം. പലപ്പോഴും അത്തരം സന്ദർഭങ്ങളിൽ വൈകാരികമായ പ്രതികരണങ്ങൾ നേരിടേണ്ടി വരുന്നത് ഡോക്ടർമാരാണ്. 2019 ൽ ഇന്ത്യൻ മെഡിക്കൽ അസോസിയേഷൻ നടത്തിയ സർവ്വേയിൽ പറയുന്നത് 62% ഡോക്ടർമാർക്കും തങ്ങളുടെ തൊഴിലിടത്തിൽ ആക്രമിക്കപ്പെടുമോ എന്ന ഭയമുണ്ട് എന്നാണ്.
നമ്മുടെയെല്ലാം ജീവിതത്തിൽ നമുക്കോ നമ്മുടെ പ്രിയപ്പെട്ടവർക്കോ ഡോക്ടർമാരുടെ സേവനം ലഭിച്ച അനുഭവങ്ങളുണ്ട്. നമ്മുടെ ജീവിതത്തിലും ആരോഗ്യത്തിലും സന്തോഷത്തിലുമെല്ലാം അവരുടെ അധ്വാനത്തിന്റെ അടയാളം അദൃശ്യമായി പതിഞ്ഞു കിടക്കുന്നുണ്ട്. നമ്മുടെ ഹൃദയത്തിന് കാതോർത്താണ് അവർ ചികിത്സ തുടങ്ങാറുള്ളത്. ആ ഹൃദയം കൊണ്ടു കൂടിയൊരു പരിഗണന അവർ അർഹിക്കുന്നുണ്ട്.
-
ഈ രണ്ട് ജില്ലകള് വളരെ പിന്നാക്കം; മതാന്ധതയും വിപ്ലവവും മാറ്റിവച്ച് ചിന്തിക്കണം എന്ന് നടി ലക്ഷ്മി പ്രിയ -
അരൂർ-തുറവൂർ എലിവേറ്റഡ് ഹൈവേ; പദ്ധതി വൈകിച്ച് കെഎസ്ഇബിയും എൻഎച്ച്എഐയും, യാത്രക്കാർ ദുരിതത്തിൽ -
'ദിലീപിൻ്റെ വീട്ടിൽ നിന്നും ഇറങ്ങുമ്പോൾ മഞ്ജു വാര്യർ അവസാനമായി പറഞ്ഞത്..'ഭാഗ്യലക്ഷ്മി പറഞ്ഞത് -
'മഞ്ജു വാര്യർ പാവം, അസൂയപ്പെട്ടിട്ട് എന്ത് കാര്യം,നിർബന്ധം ഒറ്റക്കാര്യത്തിൽ മാത്രം';ദിലീപിൻ്റെ വാക്കുകൾ -
"കോഴിക്കോട്ടെ ഫ്ലാറ്റ് കേന്ദ്രീകരിച്ച് സിനിമാക്കാരുടെ ആഭാസത്തരം, ജോയ് മാത്യു പോലും രഞ്ജിത്തിനെ കാണാൻ പോയില്ല" -
ബെംഗളൂരു സിൽക്ക് ബോർഡ് ഡെബിൾ ഡെക്കർ ഫ്ലൈഓവർ ഇനിയും വൈകുമോ? തലവേദന തീർക്കുന്നത് ഇത് -
സൗദി അറേബ്യ എന്തിനുള്ള പുറപ്പാടാണ്; എത്തിച്ചത് 23000 പാക് സൈനികരെ, ഇറാന് ചര്ച്ച പൊളിഞ്ഞു -
ലുലു ഗ്രൂപ്പിന് രണ്ടാമത്തെ ഭൂമിയും നഷ്ടമായേക്കും; നിയമക്കുരുക്കില് പെട്ട് വന് പദ്ധതി, പ്രതിഷേധം -
ഡോളറിന് കിട്ടിയത് എട്ടിന്റെ പണി...! സ്വര്ണത്തിന് ഇനി കുതിപ്പിന്റെ കാലം, വില കൂടാന് പോകുന്നു -
സ്വർണ വില 2ശതമാനം ഇടിഞ്ഞു; ഇനിയും കുറയും.. അര പവൻ 25,000 രൂപയ്ക്ക് വാങ്ങാനാകുമെന്ന് കരുതുന്നുണ്ടോ? -
കാത്തിരുന്ന രാജയോഗം നാളെ മുതല്.. വിഷുക്കാലത്ത് സൗഭാഗ്യപ്പെരുമഴ; ഈ രാശിക്കാരാണോ? -
പാകിസ്ഥാനിലെ യുഎസ്-ഇറാൻ ചർച്ച പരാജയം; പിന്നാലെ റഷ്യയുടെ എൻട്രി, മധ്യസ്ഥത്തിന് സന്നദ്ധത അറിയിച്ച് പുടിൻ
Click it and Unblock the Notifications
Sign in with Google