ഹിന്ദു ഐക്യവേദി നേതാവ് മന്ത്രിയുടെ വീട്ടില് നിത്യ സന്ദര്ശകനെന്ന് വിഡി സതീശന്; തെളിവുണ്ടോ?
തിരുവനന്തപുരം: പ്രതിപക്ഷ നേതാവ് വിഡി സതീശനും നിയമമന്ത്രി പി രാജീവും തമ്മിലുള്ള പോര് തുടരുന്നു. ഇരുവരും ആര്എസ്എസ് ബന്ധം ആരോപിച്ചാണ് പോരിനിറങ്ങിയിട്ടുള്ളത്. ഇന്ന് മാധ്യമങ്ങളെ കണ്ട വിഡി സതീശന് മന്ത്രി പി രാജീവിന് ഹിന്ദു ഐക്യവേദി നേതാവുമായി അടുത്ത ബന്ധമാണെന്ന് ആരോപിച്ചു. മന്ത്രിയുടെ വീട്ടിലും ഓഫീസിലും നിത്യസന്ദര്ശകനാണ് വാര്ത്താസമ്മേളനം നടത്തിയ ഹിന്ദു ഐക്യവേദി നേതാവ് എന്ന് ആര്വി ബാബുവിനെ പരോക്ഷമായി സൂചിപ്പിച്ച് വിഡി സതീശന് പറഞ്ഞു. പിന്നീട് മറുപടി വാര്ത്താസമ്മേളനം നടത്തിയ പി രാജീവ്, ഈ ആരോപണം തെളിയിക്കാന് പ്രതിപക്ഷ നേതാവിനെ വെല്ലുവിളിച്ചു.
വിഡി സതീശന്റെ വാക്കുകള് ഇങ്ങനെ- ''മന്ത്രി പി രാജീവിന്റെ വീട്ടിലെയും ഓഫീസിലെയും നിത്യസന്ദര്ശകനാണ് ഈ ഹിന്ദു ഐക്യവേദി നേതാവ്. അദ്ദേഹത്തിന്റെ തിരഞ്ഞെടുപ്പ് പ്രചാരണത്തില് പ്രവര്ത്തിച്ചയാളാണ്. രാജീവിന്റെ നിര്ദേശ പ്രകാരമാണ് എനിക്കെതിരെ നിരന്തരം പത്രസമ്മേളനം നടത്തുന്നത്. നിയമസഭയില് എല്ലാ സിപിഎം നേതാക്കളും പ്രതിപക്ഷ നേതാവിനെതിരെ സംസാരിക്കുകയാണ്. തന്റെ പ്രതിഛായ ഇല്ലാതാക്കാനാണ് ശ്രമം. അവര്ക്ക് നേതൃത്വം കൊടുക്കുന്നത് പി രാജീവാണ്. അതിന് കാരണം തൃക്കാക്കരയിലെ അവരുടെ ദയനീയ പരാജയമാണ്. തൃക്കാക്കരയിലെ തോല്വി ഈഗോ പ്രശ്നമാക്കി എടുത്ത് എന്റെ പിറകെ നടക്കുകയാണ് പി രാജീവ്.
ഹിന്ദു ഐക്യവേദി നേതാവ് പത്ര സമ്മേളനം നടത്തിയത് പി രാജീവ് പറഞ്ഞിട്ടാണ്. ഒരു ക്രഡിബിലിറ്റിയും ഇല്ലാത്ത വ്യക്തി ഞാന് 2001ലും 2016ലും വോട്ട് ചോദിച്ച് ആര്എസ്എസിന്റെ ഓഫീസില് പോയി എന്ന് പറഞ്ഞാല് ആര് വിശ്വസിക്കാനാണ്. സിപിഎമ്മിന്റെ ആര്എസ്എസ് ബന്ധം എന്നെ കൊണ്ട് പറയിപ്പിച്ചതാണ്. ആര്എസ്എസിന്റെ വോട്ട് നേടിയല്ലേ നിങ്ങള് ജയിച്ചുവന്നത് എന്ന് മുഖ്യമന്ത്രിയോട് ചോദിച്ചപ്പോള് എനിക്ക് തന്നെ വിഷമമായി. പക്ഷേ, എല്ലാം നിങ്ങള് പറയിപ്പിച്ചതാണെന്നും'' വിഡി സതീശന് പ്രതികരിച്ചു. സജി ചെറിയാന്റെ വിവാദ പ്രസംഗത്തിന്റെ വീഡിയോയുടെ മുഴുവന് ഭാഗങ്ങളും പോലീസിന് കൈമാറാന് യുഡിഎഫ് തയ്യാറാണെന്നും വിഡി സതീശന് ചോദ്യത്തിന് മറുപടിയായി പറഞ്ഞു.
മന്ത്രി പി രാജീവിന്റെ പ്രതികരണം- പ്രശ്നങ്ങളെ പക്വമായി സമീപിക്കണം. രാഷ്ട്രീയമായി നേരിടണം. അതാണ് പ്രതിപക്ഷ നേതാവില് നിന്ന് പ്രതീക്ഷിക്കുന്നത്. കഴിഞ്ഞ ദിവസം മാധ്യമങ്ങളെ കണ്ടപ്പോള് ഹിന്ദു ഐക്യവേദി എന്ന പദം പോലും ഞാന് പറഞ്ഞിരുന്നില്ല. വിഎസുമായി ബന്ധപ്പെട്ട് വന്ന ചോദ്യത്തിന് മറുപടി നല്കുകയാണ് ചെയ്തത്. വിഡി സതീശനെ ഞാന് വെല്ലുവിളിക്കുന്നു. ഹിന്ദു ഐക്യവേദി നേതാവ് എന്റെ ഓഫീസില് വന്നത് തെളിയിക്കാമോ. ഇത്രയും നിരുത്തരവാദപരമായി പ്രതിപക്ഷ നേതാവ് സംസാരിക്കാമോ. നിങ്ങളെ കുറിച്ചുള്ള സമൂഹത്തിലുള്ള ധാരണ ഇടിയുമെന്ന് വിഡി സതീശന് മനസിലാക്കണം. അദ്ദേഹം കഴിഞ്ഞ ദിവസം സഭയില് നോട്ടീസ് അവതരിപ്പിച്ചപ്പോള് ചട്ടം ലംഘിച്ചതായി ചൂണ്ടിക്കാണിക്കപ്പെട്ടു. അത് അദ്ദേഹത്തിന് ബുദ്ധിമുണ്ടാക്കിയേക്കാമെന്നും പി രാജീവ് പറഞ്ഞു.
-
ത്രികോണപ്പോര് മുറുകി തലസ്ഥാന ജില്ല, മൂന്ന് ഹോട്ട്സ്പോട്ടുകൾ -
പത്തനംതിട്ടയിൽ അഞ്ചിടത്തും പഞ്ചതന്ത്രം പയറ്റി മുന്നണികൾ -
‘ഒന്ന് മാറിത്തന്നൂടെ...’- ഇനി അപരന്മാർക്ക് ഡിമാന്റുള്ള രണ്ടുനാൾ -
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
'സ്വർണ വില പവന് ഇനി 30,000 രൂപ വരെ കുറയും'; 18 കാരറ്റ് വേണ്ട, 22 കാരറ്റ് തന്നെ വില കുറച്ച് വാങ്ങാം -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
'സ്വർണം വാങ്ങാനിരിക്കുന്നവർക്ക് സന്തോഷം തന്നെ';പക്ഷെ നട്ടം തിരിഞ്ഞ് ജ്വല്ലറിക്കാർ..ഇനിയെന്ത്? -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വര്ണവില കേട്ടതുപോലെ അല്ല; വാങ്ങാന് ചെന്നപ്പോള് മറ്റൊന്ന്, ഇതെന്ത് മറിമായം, 4 തവണ മാറി
Click it and Unblock the Notifications
Sign in with Google