കേരളത്തില് റമദാന് വ്രതാരംഭം എന്ന്? വ്യാഴാഴ്ച എന്ന് ഒരു വിഭാഗം, മാസപ്പിറവി അറിയിക്കാന് നിര്ദേശം
കോഴിക്കോട്: കേരളത്തില് എന്നായിരിക്കും റമദാന് ഒന്ന്? സോഷ്യല് മീഡിയയില് പലതരം അഭിപ്രായങ്ങള് ചിലര് പങ്കുവയ്ക്കുന്നുണ്ട്. ഗള്ഫ് രാജ്യങ്ങളില് റമദാന് വ്രതാരംഭം എന്നാണ് എന്ന് ചൊവ്വാഴ്ച വൈകീട്ട് അറിയാം. അതേസമയം, പതിവില് നിന്ന് വ്യത്യസ്തമായി ഒമാന് ഭരണകൂടം റമദാന് ആരംഭം വ്യാഴാഴ്ചയാണ് എന്ന് അറിയിച്ചു. സാധാരണ കേരളത്തിലും ഒമാനിലും ഒരേ സമയമാണ് റമദാന് ആരംഭിച്ചിരുന്നത്.
ഫെബ്രുവരി 17 ചൊവ്വാഴ്ച ശഅബാന് 29 ആണ്. അതുകൊണ്ടുതന്നെ ഇന്ന് സന്ധ്യയ്ക്ക് മാസപ്പിറവി കാണാന് സാധ്യതയുണ്ട്. ഇതിന് വേണ്ടി കേരളത്തിലെ പല ഭാഗങ്ങളിലും നിരീക്ഷണ സംവിധാനം ഒരുക്കിയിട്ടുണ്ട്. ഇന്ന് മാസപ്പിറവി കണ്ടാല് ബുധാനാഴ്ച റമദാന് ഒന്നായിരിക്കും. ബുധനാഴ്ച പകല് വിശ്വാസികള് വ്രതം എടുക്കാന് തുടങ്ങും.
കേരള ഹിലാല് കമ്മിറ്റി റമദാന് ഒന്ന് വ്യാഴാഴ്ച ആയിരിക്കും എന്ന് അറിയിച്ചിട്ടുണ്ട്. ഫെബ്രുവരി 18 ബുധനാഴ്ച ശഅബാന് 30 പൂര്ത്തിയാക്കി 19ന് വ്യാഴാഴ്ച റമദാന് ഒന്നായിരിക്കും എന്നാണ് ഹിലാല് കമ്മിറ്റി ചെയര്മാന് പിപി ഉണ്ണീന്കുട്ടി മൗലവി അറിയിച്ചിരിക്കുന്നത്. എന്നാല് ഇക്കാര്യം എല്ലാ വിഭാഗം പണ്ഡിതരും സ്ഥിരീകരിച്ചിട്ടില്ല. ചൊവ്വാഴ്ച മാസപ്പിറവി കണ്ടില്ലെങ്കില് വ്യാഴാഴ്ച റമദാന് ഒന്ന് ആയിരിക്കും.
ശഅബാന് 29 ചൊവ്വാഴ്ച ആയതിനാല് അന്ന് വൈകീട്ട് മാസപ്പിറവി കാണുന്നവര് അറിയിക്കണം എന്ന് കാന്തപുരം എപി അബൂബക്കര് മുസ്ല്യാര്, ഇബ്രാഹീമുല് ഖലീലുല് ബുഖാരി എന്നിവര് അറിയിച്ചു. സംസ്ഥാനത്തിന്റെ വിവിധ ഭാഗങ്ങളില് നിരീക്ഷണ സംവിധാനം ഒരുക്കിയിട്ടുണ്ട്. ചൊവ്വാഴ്ച വൈകീട്ട് റമദാന് മാസപ്പിറവി കണ്ടാല് ബുധനാഴ്ച മുതല് നോമ്പ് ആരംഭിക്കും.
റമദാന് മാസത്തിന്റെ പ്രാധാന്യം
ശഅബാന് 29ല് അവസാനിച്ചാല് റമദാന് 30 ദിവസം ഉണ്ടാകുമെന്നാണ് വിലയിരുത്തല്. ശഅബാന് 30 തികഞ്ഞ ശേഷമാണ് നോമ്പ് ആരംഭിക്കുന്നത് എങ്കില് റമദാനില് 29 ദിവസങ്ങളേ ഉണ്ടാകൂ എന്നും പറയപ്പെടുന്നു. അതേസമയം, സൗദി അറേബ്യ ഉള്പ്പെടെയുള്ള അഞ്ച് ജിസിസി രാജ്യങ്ങളില് ചൊവ്വാഴ്ച വൈകീട്ട് മാസപ്പിറവി നിരീക്ഷണം നടക്കും. സൗദിയിലും കേരളത്തിലും ചൊവ്വാഴ്ച മാസപ്പിറവി ദൃശ്യമായാല് രണ്ടിടത്തും ഒരുമിച്ച് നോമ്പ് തുടങ്ങുന്നത് അപൂര്വതയുമാകും.
പരിശുദ്ധ ഖുര്ആന് അവതീര്ണമായ മാസമാണ് റമദാന്. അതുകൊണ്ടാണ് റമദാന് ഇത്രയേറെ പവിത്രത കല്പ്പിക്കുന്നത്. ഈ മാസത്തില് ചെയ്യുന്ന പുണ്യകര്മങ്ങള്ക്ക് അല്ലാഹു വലിയ പ്രതിഫലം നല്കുമെന്നാണ് വിശ്വാസം. പകല് സമയങ്ങളില് ഭക്ഷണം ഒഴിവാക്കുക മാത്രമല്ല, സംസാരം, പ്രവര്ത്തനങ്ങള്, കാഴ്ച എന്നിവയെല്ലാം സൂക്ഷ്മതയോടെ ആയിരിക്കും. രാത്രി കാലങ്ങളില് പതിവില് നിന്ന് വ്യത്യസ്തമായി കൂടുതല് പ്രാര്ഥനകളില് മുഴുകം.
ആയിരം മാസങ്ങളേക്കാള് പവിത്രമായി വിശ്വാസികള് കരുതുന്ന ലൈലത്തുല് ഖദര് റമദാനിലാണ്. ഈ രാത്രിയാണത്രെ ഖുര്ആന് ഇറക്കപ്പെട്ടത്. ഈ രാത്രിയില് പുണ്യങ്ങള് ചെയ്യുന്നവര്ക്ക് വലിയ പ്രതിഫലം ലഭിക്കുമെന്നാണ് വിശ്വാസം. റമദാനിലെ അവസാനത്തെ പത്തിലാണ് ഈ ദിനത്തെ വിശ്വാസികള് പ്രതീക്ഷിക്കുന്നത്.
-
അക്ഷയ തൃതീയയെ വരവേൽക്കാൻ ഒരുങ്ങി ദുബായ്; സ്വർണ വിപണിയിൽ വൻ ഓഫറുകൾ..! മടിക്കാതെ വാങ്ങാം -
സ്വര്ണത്തിന് മാര്ച്ചില് സംഭവിച്ചതെന്ത്? ഏപ്രിലില് നടക്കാന് പോകുന്നത് മറ്റൊന്ന്..! കാരണം -
യുഎഇയിൽ മഴ പെയ്യാൻ സാധ്യത; പൊടിക്കാറ്റിനെ സൂക്ഷിക്കണം, അറബിക്കടൽ പ്രക്ഷുബ്ധമാവുമെന്ന് മുന്നറിയിപ്പ് -
മഴയ്ക്കൊപ്പം പൊടിക്കാറ്റും.. രാത്രിയില് ചൂട് കൂടും; യുഎഇയില് കാലാവസ്ഥയില് വന്മാറ്റം!! -
'ദിലീപിൻ്റെ വീട്ടിൽ നിന്നും ഇറങ്ങുമ്പോൾ മഞ്ജു വാര്യർ അവസാനമായി പറഞ്ഞത്..'ഭാഗ്യലക്ഷ്മി പറഞ്ഞത് -
'മഞ്ജു വാര്യർ പാവം, അസൂയപ്പെട്ടിട്ട് എന്ത് കാര്യം,നിർബന്ധം ഒറ്റക്കാര്യത്തിൽ മാത്രം';ദിലീപിൻ്റെ വാക്കുകൾ -
"കോഴിക്കോട്ടെ ഫ്ലാറ്റ് കേന്ദ്രീകരിച്ച് സിനിമാക്കാരുടെ ആഭാസത്തരം, ജോയ് മാത്യു പോലും രഞ്ജിത്തിനെ കാണാൻ പോയില്ല" -
ലുലു ഗ്രൂപ്പിന് രണ്ടാമത്തെ ഭൂമിയും നഷ്ടമായേക്കും; നിയമക്കുരുക്കില് പെട്ട് വന് പദ്ധതി, പ്രതിഷേധം -
സ്വർണ വില 2ശതമാനം ഇടിഞ്ഞു; ഇനിയും കുറയും.. അര പവൻ 25,000 രൂപയ്ക്ക് വാങ്ങാനാകുമെന്ന് കരുതുന്നുണ്ടോ? -
വിഷുവും രാജയോഗവും ഒന്നിച്ച്..! പൊന്നും പണവും വന്ന് മൂടും, ഈ രാശിക്കാരാണോ? -
എല്പിജിക്കായി 'റിസ്കെടുക്കാന്' ഇന്ത്യയും ചൈനയും! യുഎസില് നിന്ന് ഇറക്കുമതി ചെയ്യും -
ഹോർമുസിൽ കുടുങ്ങിയ ഇന്ത്യൻ കപ്പലുകളെ ഒഴിപ്പിക്കാൻ ശ്രമം തുടർന്ന് ഇന്ത്യൻ നേവി; വെല്ലുവിളികൾ ഏറെ
Click it and Unblock the Notifications
Sign in with Google