കേരളത്തില് ബിസിനസ് ചെയ്തിട്ടല്ലേ ആസ്തി ഉണ്ടായത്? സാബു ജേക്കബിന് ഷിബു ബേബി ജോണിന്റെ മറുപടി
വ്യാവസായിക മുതല്മുടക്കിന് കേരളം അനുയോജ്യമല്ലെന്ന കിറ്റെക്സ് ഗ്രൂപ്പിന്റെയും സാബു ജേക്കബിന്റെയും പരാമര്ശങ്ങള്ക്ക് മറുപടിയുമായി ആര്എസ്പി നേതാവ് ഷിബു ബേബി ജോണ്. 3500 കോടിയുടെ വന്കിട പ്രോജക്ട് നടപ്പിലാക്കാന് ആവശ്യമായ ആസ്തി കിറ്റക്സ് ഗ്രൂപ്പിന് ഉണ്ടായതെങ്ങനെയാണ്? നിങ്ങള് ഈ കുറ്റം പറയുന്ന കേരളത്തില് ബിസിനസ് ചെയ്തിട്ട് തന്നെയല്ലേ എന്നും ഷിബു ചോദിക്കുന്നു. ഫേസ്ബുക്ക് പോസ്റ്റിലാണ് ഷിബു ചോദ്യങ്ങള് ഉന്നയിച്ചത്. പോസ്റ്റ് വായിക്കാം.
ഷിബു ബേബി ജോണിന്റെ ഫേസ്ബുക്ക് പോസ്റ്റ്
കിറ്റക്സിലെ പരിശോധനകളുടെ പശ്ചാത്തലത്തില് കിറ്റക്സ് എംഡി സാബു ജേക്കബിന്റെ പ്രതികരണങ്ങള് കണ്ടു. ആ വിഷയത്തെ കുറിച്ച് തല്ക്കാലം ഒന്നും പ്രതികരിക്കുന്നില്ല. എന്നാല് കേരളം വ്യവസായികളുടെ ശവപ്പറമ്പാണെന്നും ഇവിടെ ബിസിനസ് ചെയ്യാന് അധികാരികള് അനുവദിക്കുന്നില്ലെന്നുമൊക്കെ പ്രതികരണങ്ങളില് പലപ്പോഴും സാബു ജേക്കബ് പറയുന്നത് കേട്ടു. അതുകൊണ്ടാണ് കേരളത്തില് ആരംഭിക്കാനിരുന്ന 3500 കോടി മുതല്മുടക്കുള്ള പ്രോജക്ടില് നിന്നും പിന്മാറുന്നതെന്നും അദ്ദേഹം പറയുന്നുണ്ട്.
കേരളത്തെയാകെ അടച്ചാക്ഷേപിക്കുമ്പോള് ഒരു മലയാളി എന്ന നിലയില് ഒന്ന് ചോദിക്കാതെ വയ്യ. 3500 കോടിയുടെ വന്കിട പ്രോജക്ട് നടപ്പിലാക്കാന് ആവശ്യമായ ആസ്തി കിറ്റക്സ് ഗ്രൂപ്പിന് ഉണ്ടായതെങ്ങനെയാണ്? നിങ്ങള് ഈ കുറ്റം പറയുന്ന കേരളത്തില് ബിസിനസ് ചെയ്തിട്ട് തന്നെയല്ലേ?
താങ്കളുടെ കാലത്തും താങ്കളുടെ പിതാവിന്റെ കാലത്തും കിറ്റക്സ് ഗ്രൂപ്പ് രാജ്യമറിയുന്ന വലിയ ബ്രാന്ഡായി വളര്ന്നത് താങ്കള് ഇപ്പോള് കുറ്റം പറയുന്ന കേരളത്തിന്റെ മണ്ണില് ചവിട്ടി നിന്ന് തന്നെയല്ലേ? ഒരു സാധാരണ ചെറുകിട സ്ഥാപനത്തില് നിന്നാരംഭിച്ച് ഇന്ന് സഹസ്രകോടികളുടെ പ്രോജക്ടുകളെ പറ്റി സംസാരിക്കുന്ന നിലയിലേക്ക് നിങ്ങളെ വളര്ത്തിയതില് ഈ നാടിനും ഇവിടത്തെ ജനങ്ങള്ക്കും യാതൊരു പങ്കും ഇല്ലെന്നാണോ?
സില്വര് സിന്ധു; ഇന്ത്യയുടെ ആദ്യ വനിതാ ഒളിംപിക്സ് വെള്ളി മെഡല് വിജയിയെക്കുറിച്ച് അറിയാം
Recommended Video
അങ്ങനെ നിങ്ങള് പറഞ്ഞാല് അത്, എന്നും നിങ്ങളോട് ചേര്ന്നുനിന്ന, നിങ്ങളുടെ സഹസ്രകോടി സാമ്രാജ്യത്തിലേക്ക് ഓരോ കല്ലും പാകിയ ഇവിടത്തെ ജനങ്ങളോടുള്ള നന്ദികേടായിരിക്കുമെന്ന കാര്യത്തില് ഒരു സംശയവുമില്ല. ആ നന്ദികേടാണ് വിലപേശലിന്റെ സ്വരത്തില് ഞങ്ങളിന്ന് കണ്ടത്.
ഒരു നാട്ടില് വ്യവസായസ്ഥാപനം ആരംഭിച്ച് അവിടത്തെ ശ്രോതസുകളെല്ലാം ഉപയോഗിച്ച് വളര്ന്ന് വന്മരം ആയശേഷം ആ മണ്ണിനെയാകെ അടച്ചാക്ഷേപിക്കുന്നത് ശരിയായ പ്രവണത അല്ലെന്ന് മാത്രം സൂചിപ്പിക്കട്ടെ. ടെലിവിഷനില് താങ്കളുടെ വാക്കുകള് കേട്ടപ്പോള് ഇത്രയെങ്കിലും പറയാതിരിക്കാനാകില്ലായിരുന്നു എന്നത് കൊണ്ട് മാത്രം ഓര്മിപ്പിച്ചതാണ്.
ക്യൂട്ട് ലുക്കില് സാമന്ത അക്കിനേനി-ചിത്രങ്ങള് കാണാം
Click it and Unblock the Notifications
Sign in with Google