Click it and Unblock the Notifications
Just In
Don't Miss
-
റിലേഷൻഷിപ്പിനോ വിവാഹത്തിനോ പറ്റില്ല; ജാസ്മിനോട് ഗബ്രി; എനിക്ക് വേണ്ട ഉത്തരം കിട്ടിയെന്ന് ജാസ്മിൻ! -
IPL 2024: സെഞ്ച്വറി നേടി, പക്ഷെ റുതുരാജ് മണ്ടന് ക്യാപ്റ്റന്! തോല്വിക്ക് കാരണം ഈ പിഴവുകള് -
വേനല്ക്കാലത്ത് പൂന്തോട്ടം കളര്ഫുള്ളാക്കാന് ഇതാ ചില വഴികള് -
കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ -
ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ് -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
അര്‍ത്തുങ്കല്‍ പള്ളി ശിവക്ഷേത്രം; എല്ലാം സഭാ പുസ്തകത്തില്‍, ബിജെപി നേതാവ് മൊഴി നല്‍കി
ആലപ്പുഴ: മതസ്പര്‍ദ്ധ വളര്‍ത്തുന്ന തരത്തില്‍ ട്വീറ്റ് ചെയ്ത ആര്‍എസ്എസ് സംവാദകനും ബിജെപി ബൗദ്ധിക് സെല്‍ സംസ്ഥാന കണ്‍വീനറുമായ ടിജി മോഹന്‍ദാസിന്റെ നടപടി ഏറെ വിവാദമായിരുന്നു. അര്‍ത്തുങ്കല്‍ പള്ളി ശിവക്ഷേത്രമാണെന്നും ഹിന്ദുക്കള്‍ ആ ക്ഷേത്രം വീണ്ടെടുക്കാനാണ് ഇനി ജോലി ചെയ്യേണ്ടതെന്നുമായിരുന്നു മോഹന്‍ദാസിന്റെ ട്വീറ്റ്.
എഐവൈഎഫ് ജില്ലാ സെക്രട്ടറി ടിടി ജിസ്‌മോന്‍ നല്‍കിയ പരാതിയില്‍ ഇയാള്‍ക്കെതിരേ പോലീസ് കേസെടുത്തിരുന്നു. തുടര്‍ന്ന് മോഹന്‍ദാസ് അന്വേഷണ ഉദ്യോഗസ്ഥര്‍ മുമ്പാകെ ഹാജരായി മൊഴി നല്‍കി.
അര്‍ത്തുങ്കല്‍ പള്ളിയില്‍ ഉല്‍ഖനനം നടത്തിയാല്‍ ശിവക്ഷേത്രത്തിന്റെ അവശിഷ്ടങ്ങല്‍ ലഭിക്കുമെന്നും ട്വീറ്റിലുണ്ടായിരുന്നു. മാരാരിക്കുളം പോലീസ് സ്‌റ്റേഷനിലെത്തിയാണ് പ്രതി മൊഴി നല്‍കിയത്.
പള്ളിക്കെതിരേ പരാമര്‍ശം നടത്തിയിട്ടില്ലെന്നും ക്രൈസ്തവ സഭ പ്രസിദ്ധീകരിച്ച പുസ്തകങ്ങളെ അധികരിച്ചാണ് ട്വീറ്റ് ചെയ്തതെന്നും മോഹന്‍ദാസ് വിശദീകരിച്ചു.
മതസ്പര്‍ദ്ധ വര്‍ളര്‍ത്തുന്ന യാതൊന്നും പറഞ്ഞിട്ടില്ല. ജനങ്ങള്‍ക്കിടയില്‍ തെറ്റിദ്ധാരണ പരത്താനാണ് നീക്കം നടക്കുന്നത്. രാഷ്ട്രീയ മുതലെടുപ്പാണ് ഇതിന് പിന്നിലുള്ളവരുടെ ലക്ഷ്യമെന്നും മോഹന്‍ദാസ് പറഞ്ഞു.
പരാതിയെ ഭയക്കുന്നില്ല. അന്വേഷണവുമായി സഹകരിക്കുമെന്നും മോഹന്‍ദാസ് പറഞ്ഞു. പള്ളി മുറ്റത്ത് സമ്മേളനം സംഘടിപ്പിച്ച് വസ്തുതാ വിരുദ്ധമായ പ്രസ്താവന നടത്തിയ സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്‍ ഉള്‍പ്പെടെയുള്ളവരുടെ നീക്കങ്ങള്‍ വോട്ട് ബാങ്ക് രാഷ്ട്രീയത്തിന്റെ ഭാഗമാണെന്നും മോഹന്‍ദാസ് പറഞ്ഞു.
