കേന്ദ്ര-സംസ്ഥാന സര്ക്കാരുകളെ കുറ്റവിചാരണ ചെയ്യാന് കോണ്ഗ്രസ്; കെപിസിസിയുടെ സമരാഗ്നി ഇന്ന് മുതല്
തിരുവനന്തപുരം: കേന്ദ്ര - സംസ്ഥാന സര്ക്കാരുകളെ കുറ്റവിചാരണ ചെയ്യാനായി കെ പി സി സി സംഘടിപ്പിക്കുന്ന സമരാഗ്നി എന്ന് പേരിട്ടിരിക്കുന്ന പ്രക്ഷോഭ യാത്ര ഇന്ന് തുടങ്ങും. കെ പി സി സി പ്രസിഡന്റ് കെ സുധാകരനും പ്രതിപക്ഷ നേതാവ് വി ഡി സതീശനും ആണ് യാത്ര നയിക്കുന്നത്. ഇന്ന് വൈകീട്ട് നാല് മണിക്ക് കാസര്കോട് മുനിസിപ്പല് മൈതാനത്ത് എ ഐ സി സി ജനറല് സെക്രട്ടറി കെ സി വേണുഗോപാല് എം പി.യാണ് യാത്ര ഉദ്ഘാടനം ചെയ്യുക.
കേരളത്തിന്റെ ചുമതല വഹിക്കുന്ന ദീപാദാസ് മുന്ഷി, മുന് പ്രതിപക്ഷ നേതാവ് രമേശ് ചെന്നിത്തല, ശശി തരൂര് എം പി, .യു ഡി എഫ് കണ്വീനര് എം എം ഹസന്, കെ മുരളീധരന് എം പി തുടങ്ങിയവര് ഉദ്ഘാടന ചടങ്ങില് പങ്കെടുക്കും. സമാപന സമ്മേളനത്തില് എ ഐ സി സി അധ്യക്ഷന് മല്ലികാര്ജുന് ഖാര്ഗെയെയോ, പ്രിയങ്കാ ഗാന്ധിയെയോ പങ്കെടുപ്പിച്ചേക്കും. ഗ്രീന് പ്രോട്ടക്കോള് പാലിച്ചായിരിക്കും എല്ലാ പരിപാടികളും നടക്കുക.
അതിനായി സേവാദളിന്റെയും പോഷക സംഘടനകളുടെയും വളന്റിയര്മാരെ നിയോഗിക്കും. 14 ജില്ലകളിലൂടേയും കടന്ന് പോകുന്ന യാത്രയുടെ ഭാഗമായി 30 സമ്മേളനങ്ങളും സംഘടിപ്പിക്കും. പ്രധാന ജില്ലകളില് ഒന്നിലധികം പൊതുസമ്മേളനങ്ങളുണ്ടായിരിക്കും. തിരുവനന്തപുരം, എറണാകുളം, പാലക്കാട്, മലപ്പുറം, ഇടുക്കി ജില്ലകളില് മൂന്ന് വീതവും കണ്ണൂര്, കോഴിക്കോട്, തൃശ്ശൂര്, കോട്ടയം, ആലപ്പുഴ, കൊല്ലം എന്നിവിടങ്ങളില് രണ്ട് വീതവും കാസര്കോട്, വയനാട്, പത്തനംതിട്ട ജില്ലകളില് ഓരോന്നും ആയിരിക്കും പൊതുസമ്മേളനങ്ങള്.
15 ലക്ഷം പ്രവര്ത്തകര് സമരാഗ്നിയുടെ ഭാഗമാകും. കോഴിക്കോട് കടപ്പുറം, കൊച്ചി മറൈന് ഡ്രൈവ്, തൃശ്ശൂര് തേക്കിന്കാട് മൈതാനം, തിരുവനന്തപുരം പുത്തരിക്കണ്ടം മൈതാനം എന്നിവ ഉള്പ്പെടെ പ്രധാനപ്പെട്ട സ്ഥലങ്ങളിലെല്ലാം സമ്മേളനങ്ങളുണ്ടായിരിക്കും. യാത്രയില് പ്രതിദിന ജനകീയ സദസും സഞ്ചരിക്കുന്ന പുസ്തകശാലയും ഉണ്ടായിരിക്കും. എല്ലാ ദിവസവും രാവിലെ 10 മുതല് 12 വരെ സുധാകരനും സതീശനും സാധാരണക്കാരുമായി കൂടിക്കാഴ്ച നടത്തി പ്രശ്നങ്ങള് ചര്ച്ച ചെയ്യും.
കര്ഷകര്, തൊഴിലാളികള്, യുവജനങ്ങള്, സ്ത്രീകള്, ജനകീയസമരങ്ങളില് പങ്കെടുത്തവര്, കലാസാഹിത്യരംഗത്തെ പ്രമുഖര്, പൊലീസിന്റെയും മാഫിയകളുടെയും അക്രമത്തിനിരയായവര്, ദുരിതമനുഭവിക്കുന്ന പ്രവാസികള്, ലൈഫ് ഉള്പ്പെടെയുള്ള ജനക്ഷേമ പദ്ധതിയില്നിന്ന് തഴയപ്പെട്ടവര്, സാമൂഹികക്ഷേമ പെന്ഷന് കിട്ടാത്തവര് തുടങ്ങിയ എല്ലാ വിഭാഗം ജനങ്ങളില് നിന്നും പരാതികള് കേള്ക്കാനാണ് തീരുമാനം.
-
ഖമ്മത്തെ 'ബുൾഡോസർ രാജ്';' ഇടതുപക്ഷമെന്ന് പറയുന്ന കോണ്ഗ്രസ് മറുപടി പറയണം' -
മുസ്ലിം ലീഗിന് 2 സീറ്റ് മാത്രം; ചിഹ്നം മാറില്ല, കോണ്ഗ്രസുമായി യോജിക്കാതെ ഡിഎംകെ, തര്ക്കം -
സ്വര്ണവില കുത്തനെ കുറഞ്ഞു; കേരള വിപണിയില് ട്വിസ്റ്റ്, ആഗോള വിപണിയില് വന് കുതിപ്പ്, പവന് വില -
"മമ്മൂട്ടിക്കൊപ്പം ഉദ്ഘാടനം ചെയ്യാൻ താൽപര്യമില്ലെന്ന് അടൂർ ഗോപാലകൃഷ്ണൻ പറഞ്ഞു, വളരെ ഫ്രണ്ട്ലി ആയിരുന്നു" -
സ്വർണം വില മൂക്കും കുത്തി വീഴും, ചരിത്രം ആവർത്തിക്കും; 75000ത്തിനും താഴേക്ക് പോകുമോ? -
സ്വർണം വിറ്റോളൂ, പവന് ഒരു ലക്ഷമെങ്കിലും കിട്ടണമെങ്കിൽ ചെയ്യേണ്ടത്..മേരി ജോർജ് പറയുന്നു -
പ്രതീക്ഷിച്ചത് തന്നെ... സ്വര്ണം കുതിച്ചു; ആഗോളവിപണിയില് വന്വില; വെള്ളിയും കുതിക്കുന്നു -
കൊച്ചിക്കാർ ഇനിയും കാത്തിരിക്കണം; അരൂർ-തുറവൂർ എലവേറ്റഡ് ഹൈവേ വൈകും? മാർച്ചിൽ തുറക്കില്ല..! -
'ഉർവശി എന്തിനാണ് ഇങ്ങനെ പച്ചനുണ പറയുന്നത്..നിൽപ്പിലും നടപ്പിലുമുണ്ട് 10 പൈസയുടെ കുറവ്';ശാന്തിവിള ദിനേശ് -
സ്വര്ണവില ഇടിയുന്നത് നോക്കേണ്ട..! വില കുതിക്കുന്നത് ഗ്രാമിന് 20000 ത്തിലേക്ക്! വെള്ളി 4 ലക്ഷത്തിലേക്ക് -
പരീക്ഷകളില് വിജയിക്കും, വ്യാപാരം ലാഭകരമാകും, സന്തോഷവാര്ത്ത കേള്ക്കും, ദാമ്പത്യ സന്തോഷം, നാൾഫലം -
സ്വർണ വില ഗ്രാമിന് 19,000ത്തിന് മുകളിൽ, പവൻ വില 1.75 ലക്ഷത്തിലേക്കും?; ഇനി പിടിച്ചാൽ കിട്ടില്ലെന്ന് പ്രവചനം
Click it and Unblock the Notifications
Sign in with Google