കെഎസ്ആര്ടിസി ജീവനക്കാരുടെ ഓണം കണ്ണീരിലാക്കരുത്; ശമ്പളം ഉറപ്പാക്കണമെന്ന് വിഡി സതീശന്
തിരുവനന്തപുരം : ശമ്പളം ഉള്പ്പെടെയുള്ള ആനുകൂല്യങ്ങള്ക്കു വേണ്ടി കെ എസ് ആര് ടി സി ജീവനക്കാര്ക്കും കുടുംബാംഗങ്ങള്ക്കും വിവിധ ഡിപ്പോകളില് സമരം നടത്തേണ്ടി വരുന്നത് സങ്കടകരമാണെന്ന് പ്രതിപക്ഷ നേതാവ് വി ഡി സതീശന് പറഞ്ഞു. തൊഴിലാളി സമരങ്ങളില് ഊറ്റം കൊള്ളുന്നൊരു സര്ക്കാര് കെ എസ് ആര് ടി സി ജീവനക്കാരുടെ സമരം കണ്ടില്ലെന്ന് നടിക്കരുത്. അവരുടെ ആത്മാഭിമാനത്തെ ചോദ്യം ചെയ്യരുതെന്നും വി ഡി സതീശന് വ്യക്തമാക്കി.
ആരോഗ്യം വിദ്യാഭ്യാസം തുടങ്ങിയവ പോലെ പൊതുഗതാഗത സംവിധാനവും സര്ക്കാരിന്റെ ഉത്തരവാദിത്തമാണ്. അവിടെ സര്ക്കാര് ലാഭ നഷ്ട കണക്കല്ല നോക്കേണ്ടത്. സാധാരണക്കാരുടെ പൊതുഗതാഗത സംവിധാനമാണ് കെ എസ് ആര് ടി സി അതിനെ തകര്ക്കരുത്. ജോലി ചെയ്തതിന്റെ കൂലിയാണ് ജീവനക്കാര് ചോദിക്കുന്നത്. ശമ്പളം നല്കാന് സര്ക്കാര് അടിയന്തിരമായി ഇടപെടണം . അവരുടെ ഓണം കണ്ണീരിലാക്കരുതെന്നും വി ഡി സതീശന് ആവശ്യപ്പെട്ടു .
അതേസമയം, തെരുവുനായയുടെ കടിയേറ്റ് അതീവ ഗുരുതരാവസ്ഥയില് ചികിത്സയില് കഴിയുന്ന പത്തനതിട്ട സ്വദേശിയായ 12 വയസുകാരിക്ക് വിദഗ്ധ ചികിത്സ ഉറപ്പാക്കാന് ഇടപെടണമെന്നും ചികിത്സാ ചെലവ് സര്ക്കാര് പൂര്ണമായും ഏറ്റെടുക്കണമെന്നും ആവശ്യപ്പെട്ട് പ്രതിപക്ഷ നേതാവ് മുഖ്യമന്ത്രിക്ക് കത്ത് നല്കി .
അജിത്തിനൊപ്പം ലഡാക്കിലേക്ക്, മഞ്ജു..ചേച്ചി..അടിച്ചു പൊളിക്കുകയാണല്ലോ എന്ന് ആരാധകർ, വൈറൽ ചിത്രങ്ങൾ
സംസ്ഥാനത്ത് തെരുവ് നായ്ക്കളുടെ കടിയേല്ക്കുന്നവരുടെ എണ്ണം രണ്ടു വര്ഷമായി വര്ധിക്കുകയാണ്. നേരത്തെ വാക്സിന് ഫലപ്രദമായിരുന്നതിനാല് മരിക്കുന്നവരുടെ എണ്ണവും കുറവായിരുന്നു. 2020 മുതലാണ് കടിയേല്ക്കുന്നവര് മരിച്ച സംഭവങ്ങള് വ്യാപകമായി റിപ്പോര്ട്ട് ചെയ്തു തുടങ്ങിയത് . ഇക്കാര്യങ്ങള് ഓഗസ്റ്റ് 30-ന് നല്കിയ അടിയന്തിര പ്രമേയ നോട്ടീസിലൂടെ നിയമസഭയുടെ ശ്രദ്ധയില് കൊണ്ടുവന്നിട്ടുണ്ട്. സംസ്ഥാനത്ത് വിതരണം ചെയ്യുന്ന പേവിഷ വാക്സിന്റെ ഗുണനിലവാരം സംബന്ധിച്ച് പരിശോധിക്കാന് വിദഗ്ധ സമിതിയെ നിയോഗിക്കുമെന്ന് മുഖ്യമന്ത്രി പ്രതിപക്ഷത്തിന് ഉറപ്പ് നല്കുകയും ചെയ്തിരുന്നു. ഇക്കാര്യത്തില് തുടര് നടപടി സ്വീകരിച്ചിട്ടില്ലെങ്കില്, അടിയന്തിര ഇടപെടല് ഉണ്ടാകണമെന്നും പ്രതിപക്ഷ നേതാവ് കത്തില് ആവശ്യപ്പെട്ടു .
മികച്ച ആരോഗ്യത്തിന് ഒരു ദിവസം എത്ര ചുവടു നടക്കണം? അറിയണം ഇക്കാര്യങ്ങള്
കഴിഞ്ഞ രണ്ട് വര്ഷമായി നായ്ക്കളെ സ്റ്റെര്ലൈസ് ചെയ്യുന്നില്ല. എബിസി പദ്ധതിയും സംസ്ഥാനത്ത് നടക്കുന്നില്ല. തദ്ദേശ സ്ഥാപനങ്ങള് തനത് ഫണ്ടെടുത്ത് ഇതൊന്നും ചെയ്യാനാകില്ല. വീഴ്ചകള് മനസിലാക്കി അവ പരിഹരിക്കാനുള്ള നടപടികള് ഉടന് സ്വീകരിക്കണമെന്നും പ്രതിപക്ഷ നേതാവ് ആവശ്യപ്പെട്ടു .
Click it and Unblock the Notifications
Sign in with Google