Click it and Unblock the Notifications
Just In
Don't Miss
-
ഭാവിയിൽ പണം വാരാം, ഈ ഓഹരികളിൽ നിക്ഷേപിക്കു, ഉറപ്പിന് പിന്നിലെ കാരണം ഇതാണ് -
ശരീരത്തില് മരവിപ്പോ, ബലഹീനതയോ നിസ്സാരമല്ല: എഴുന്നേല്ക്കാനാവാത്ത വിധം കിടത്തുന്ന ലക്ഷണങ്ങള് -
ബാലൻസില്ലെങ്കിലും ഇത് ചെയ്തിരിക്കണം! SBI അക്കൗണ്ടുമായി പുതിയ മൊബൈൽ നമ്പർ ലിങ്ക് ചെയ്യാനുള്ള വഴി -
കല്യാണത്തിനു മുമ്പ് ലെവൽ മാറി ദീപക്ക്; അപർണയ്ക്കൊപ്പമുള്ള യാത്രകൾ ഇനി ബെൻസിന്റെ തിളക്കത്തിൽ -
IPL 2024: ടീം ആലോചിച്ചത് ബദോനിയെ, ഹൂഡ മതിയെന്ന് രാഹുല്; കളി ജയിപ്പിച്ച തീരുമാനം ഇതാ -
'കഴമ്പുണ്ടെന്ന് തോന്നുന്ന പ്രസ്താവനകളില്ല ബാലിശമായ വെല്ലുവിളി മാത്രം, പിന്നെങ്ങനെ സിജോ വരുമ്പോൾ കളി മാറും?' -
കാശിയും അയോധ്യയും കണ്ടുവരാം.. കേരളത്തിൽ നിന്ന് ഭാരത് ഗൗരവ് ടൂറിസ്റ്റ് ട്രെയിനിൽ ചെലവ് കുറഞ്ഞ യാത്ര
ദേശീയ പതാകയെ അപമാനിച്ചു; സിപിഎം, സിപിഐ നേതാക്കള്‍ക്കെതിരെ പരാതി, കെ സുരേന്ദ്രനെതിരെ കേസ്
തിരുവനന്തപുരം: സ്വാതന്ത്ര്യ ദിനത്തില്‍ ദേശീയ പതാകയെ അപമാനിച്ചുവെന്ന് കാണിച്ച് സിപിഎം, സിപിഐ നേതാക്കള്‍ക്കെതിരെ പരാതി. യൂത്ത് കോണ്‍ഗ്രസ് ജില്ലാ പ്രസിഡന്റ് സുധീര്‍ ഷാ പാലോട് ആണ് സിറ്റി പോലീസ് കമ്മീഷണര്‍ക്ക് പരാതി നല്‍കിയത്. എകെജി സെന്ററില്‍ സിപിഎം സംസ്ഥാന സെക്രട്ടറി എ വിജയരാഘവനാണ് പതാക ഉയര്‍ത്തിയത്. സ്വാതന്ത്ര്യം ലഭിച്ച 1947ല്‍ പതാക ഉയര്‍ത്തിയ ശേഷം ആദ്യമായിട്ടാണ് ഇവര്‍ ആഗസ്റ്റ് 15ന് ദേശീയ പതാക ഉയര്‍ത്തുന്നത്. പാര്‍ട്ടി പതാകയുടെ തൊട്ടടുത്താണ് ദേശീയ പതാക ഉയര്‍ത്തിയത്. ദേശീയ പതാക ചട്ട പ്രകാരം ഇത് കുറ്റകരമാണ്. ദേശീയ പതാക ഉയര്‍ത്തുന്ന സ്ഥലത്ത് മറ്റൊരു കൊടിയും പാടില്ല. ഇക്കാര്യമാണ് യൂത്ത് കോണ്‍ഗ്രസ് പരാതിയില്‍ ചൂണ്ടിക്കാട്ടിയത്. സിപിഐ നേതാക്കള്‍ എംഎന്‍ സ്മാരകത്തില്‍ പാര്‍ട്ടി പതാകയ്ക്ക് താഴെയായിട്ടാണ് ദേശീയ പതാക ഉയര്‍ത്തിയതത്രെ.
എകെജി സെന്ററിലെ ചട്ടലംഘനം ആദ്യം ചൂണ്ടിക്കാട്ടിയത് യൂത്ത് കോണ്‍ഗ്രസ് സംസ്ഥാന വൈസ് പ്രസിഡന്റ് കെഎസ് ശബരീനാഥനാണ്. അദ്ദേഹം ഫോട്ടോ സഹിതം ഫേസ്ബുക്കിലിട്ടു. നടപടി വേണമെന്ന് ആവശ്യപ്പെടുകയും ചെയ്തു. ശീലമില്ലാത്തതിനാലാണ് തെറ്റുവരുന്നത് എന്നാണ് കോണ്‍ഗ്രസ് നേതാക്കളുടെ പരിഹാസം. ദേശീയ പതാകയോടൊപ്പം അതേ ഉയരത്തില്‍ തൊട്ടടുത്ത് മറ്റൊരു പതാക സ്ഥാപിക്കരുത് എന്നാണ് നിയമം. ഇത് ലംഘിക്കപ്പെട്ടിരിക്കുകയാണെന്ന് ശബരീനാഥന്‍ ആരോപിച്ചു.
അതേസമയം, സിപിഐ സംസ്ഥാന സെക്രട്ടറി കാനം രാജേന്ദ്രന്‍ സ്വാതന്ത്ര്യദിനത്തിന്റെ ഭാഗമായി ദേശീയ ഗാനം ചൊല്ലിയ വേളയില്‍ വരി തെറ്റി ചൊല്ലിയതും വിവാദമായി. ദേശീയ ഗാനത്തിന്റെ ആറാമത്തെ വരിയാണ് അദ്ദേഹം തെറ്റിച്ചത്. അതിനിടെ ബിജെപി സംസ്ഥാന അധ്യക്ഷന്‍ കെ സുരേന്ദ്രന്‍ ഇന്ന് പാര്‍ട്ടി ആസ്ഥാനത്ത് പതാക ഉയര്‍ത്തിയത് തലകീഴായിട്ടാണ്. അല്‍പ്പ നേരം കഴിഞ്ഞാണ് അമളി മനസിലായത്. തുടര്‍ന്ന് താഴെയിറക്കി വീണ്ടും കെട്ടുകയായിരുന്നു. സുരേന്ദ്രനെതിരെ സിപിഎം പ്രവര്‍ത്തകര്‍ നല്‍കിയ പരാതിയില്‍ മ്യൂസിയം പോലീസ് കേസെടുത്തു.
1947ലെ ആദ്യ സ്വാതന്ത്ര്യദിനത്തില്‍ പതാക ഉയര്‍ത്തിയ ശേഷം ആദ്യമായിട്ടാണ് സിപിഎം നേതാക്കള്‍ ദേശീയ പതാക ഉയര്‍ത്തുന്നത്. സ്വാതന്ത്ര്യം കിട്ടയപ്പോള്‍ പാര്‍ട്ടി സംസ്ഥാന കമ്മിറ്റി ഓഫീസിന് മുന്നില്‍ അന്നത്തെ സംസ്ഥാന സെക്രട്ടറി പി കൃഷ്ണപിള്ള ദേശീയ പതാക ഉയര്‍ത്തിയിട്ടുണ്ടെന്ന് വിജയാഘവന്‍ പറഞ്ഞു. എകെജിയും ഇഎംഎസും കൃഷ്ണപിള്ളയും ദേശീയ പ്രസ്ഥാനത്തിന് മുന്നില്‍ നിന്നവരാണെന്നും വിജയരാഘവന്‍ പറഞ്ഞു. സിപിഎമ്മിന്റെ സ്വാതന്ത്ര്യദിനാഘോഷത്തെ വിമര്‍ശിച്ച് കെപിസിസി അധ്യക്ഷന്‍ കെ സുധാകരന്‍ രംഗത്തുവന്നിരുന്നു. സ്വാതന്ത്ര്യ സമര ചരിത്രത്തെ കുറിച്ച് അറിവില്ലാത്തതു കൊണ്ടാണ് സുധാകരന്‍ കമ്യൂണിസ്റ്റുകളെ വിമര്‍ശിക്കുന്നതെന്നായിരുന്നു ഇതിനോടുള്ള വിജയരാഘവന്റെ മറുപടി.
Recommended Video
