തെക്കന് കേരളത്തിലെ ആദ്യത്തെ അഗ്നിപഥ് റിക്രൂട്ട്മെന്റ് റാലി; കൊല്ലത്ത് തുടക്കം
കൊല്ലം: തെക്കന് കേരളത്തിലെ ആദ്യത്തെ അഗ്നിപഥ് റിക്രൂട്ട്മെന്റ് റാലി കൊല്ലത്ത് തുടക്കം. ജില്ലാ കളക്ടര് ശ്രീമതി അഫ്സാന പര്വീന് ഐഎഎസ് ഇന്ന് കൊല്ലം ലാല് ബഹദൂര് ശാസ്ത്രി സ്റ്റേഡിയത്തില് ഫ്ലാഗ് ഓഫ് ചെയ്തു. ആര്മി റിക്രൂട്ട്മെന്റ് ബാംഗ്ലൂര് സോണ് ഡിഡിജി ബ്രിഗേഡിയര് എ എസ് വലിംബെയും തിരുവനന്തപുരം ആര്മി റിക്രൂട്ട്മെന്റ് ഓഫീസര് കേണല് മനീഷ് ഭോലയും ചടങ്ങില് പങ്കെടുത്തു. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി ജില്ലകളിലെ ഉദ്യോഗാര്ത്ഥികള്ക്കായി നവംബര് 24 വരെയാണ് അഗ്നിവീര് റിക്രൂട്ട്മെന്റ് റാലി നടക്കുക.
ഓണ്ലൈനായി രജിസ്റ്റര് ചെയ്തവര്ക്ക് മാത്രമേ റാലിയില് പങ്കെടുക്കാന് അനുവാദമുള്ളൂ. അഗ്നിവീര് ജനറല് ഡ്യൂട്ടി, അഗ്നിവീര് ടെക്നിക്കല്, അഗ്നിവീര് ട്രേഡ്സ്മെന് പത്താം ക്ലാസ്, എട്ടാം ക്ലാസ്, അഗ്നിവീര് ക്ലാര്ക്ക്/ സ്റ്റോര് കീപ്പര് ടെക്നിക്കല് എന്നീ വിഭാഗങ്ങളിലേക്കാണ് റാലി നടക്കുന്നത്.
അഗ്നിവീര് റാലിയുടെ വിജ്ഞാപനത്തിന് തെക്കന് കേരളത്തില് മികച്ച പ്രതികരണമാണ് ലഭിച്ചത്. മൊത്തം 25367 ഉദ്യോഗാര്ത്ഥികള് റാലിക്കായി രജിസ്റ്റര് ചെയ്തിട്ടുണ്ട്. ഇതില് കോട്ടയം എറണാകുളം ജില്ലകളില് നിന്നുള്ള 1767 ഉദ്യോഗാര്ത്ഥികളെയാണ് റാലിയുടെ ആദ്യ ദിവസമായ ഇന്ന് റാലിയില് പങ്കെടുക്കാന് അറിയിച്ചിരുന്നത്. ഇവരില് 904 ഉദ്യോഗാര്ത്ഥികള് റാലിക്കെത്തുകയും 151 പേര് ഇന്നത്തെ ഓട്ടമത്സരം വിജയിക്കുകയും ചെയ്തു. പത്തനംതിട്ട, ഇടുക്കി ജില്ലകളിലെ 1931 സ്ഥാനാര്ത്ഥികള് നാളെ (നവംബര് 18 ന്) റാലിയില് പങ്കെടുക്കുമെന്ന് പ്രതീക്ഷിക്കുന്നു. നവംബര് 19, 20 തീയതികളില് കൊല്ലം ജില്ലയിലെ ഉദ്യോഗാര്ത്ഥികളും 21, 22 തീയതികളില് തിരുവനന്തപുരം, ആലപ്പുഴ ജില്ലകളിലെ ഉദ്യോഗാര്ത്ഥികളും റാലിയില് പങ്കെടുക്കും. അഗ്നിപഥ് റാലിയുടെ ഫിസിക്കല് മെഡിക്കല് ടെസ്റ്റ് നടപടിക്രമങ്ങള് നവംബര് 24 ന് സമാപിക്കും.
റാലിയില് ഉദ്യോഗാര്ത്ഥികളുടെ ഉയരമാണ് ആദ്യം പരിശോധിച്ചത്. നിര്ദിഷ്ട ഉയരമുള്ളവരെ മാത്രമേ റാലിയില് തുടരുവാന് അനുവദിച്ചുള്ളു. അഡ്മിറ്റ് കാര്ഡ് പ്രകാരമുള്ള ഹാജര്നില, സര്ട്ടിഫിക്കറ്റ് പരിശോധന എന്നിവ വേദിക്കുള്ളില് എത്തുന്നതിനു മുന്പ് തന്നെ ഉറപ്പാക്കിയിരുന്നു. ശാരീരിക ക്ഷമതാ പരിശോധനകള്ക്കായി 200 പേര് വീതമുള്ള ബാച്ചുകളിലായാണ് ഇവരെ ഗ്രൗണ്ടിലേക്ക് കൊണ്ടുപോയത്. ഫിസിക്കല് ടെസ്റ്റിന്റെ ആദ്യഭാഗം 5 മിനിറ്റ് 45 സെക്കന്ഡിനുള്ളില് 1.6 കിലോമീറ്റര് ഓടുന്നതായിരുന്നു.
5 മിനിറ്റ് 30 സെക്കന്റിനുള്ളില് ഓട്ടം പൂര്ത്തിയാക്കുന്നവര്ക്ക് 60 മാര്ക്കും 5 മിനിറ്റ് 31 സെക്കന്ഡ് മുതല് 5 മിനിറ്റ് 45 സെക്കന്ഡ് വരെയുള്ള സമയ പരിധിയില് ഓട്ടം പൂര്ത്തിയാക്കുന്നവര്ക്ക് 48 മാര്ക്കും ലഭിക്കും. തുടര്ന്ന്, ഉദ്യോഗാര്ത്ഥികള് ഒമ്പത് അടി വീതിയുള്ള കുഴി ചാടികടക്കുന്ന ലോംഗ് ജമ്പും സിഗ് സാഗ് ബീമിന് മുകളിലൂടെയുള്ള ബോഡി ബാലന്സിങ് ടെസ്റ്റും പൂര്ത്തിയാക്കണം. ഈ ടെസ്റ്റുകള്ക്ക് മാര്ക്കുണ്ടായിരിക്കുന്നതല്ലെങ്കിലും എല്ലാ ഉദ്യോഗാര്ത്ഥികളും ഇവയില് വിജയിച്ചിരിക്കണം.
അതിനുശേഷം, സ്ഥാനാര്ത്ഥികള് കുറഞ്ഞത് 6 മുതല് പരമാവധി 10 വരെ പുള് അപ്പുകള് ചെയ്യേണ്ടതുണ്ട്. 10 പുള്-അപ്പുകള്ക്ക് 40 മാര്ക്ക്, 9 പുള്-അപ്പുകള്ക്ക് 33, 8 പുള് അപ്പുകള്ക്ക് 27, 7 പുള്-അപ്പുകള്ക്ക് 21, 6 പുള്-അപ്പുകള്ക്ക് 16 മാര്ക്ക് എന്നിങ്ങനെയാണ് പുള് അപ്പുകളുടെ മാര്ക്ക്. ഫിസിക്കല് ഫിറ്റ്നസ് ടെസ്റ്റുകളില് യോഗ്യരായ ഉദ്യോഗാര്ത്ഥികള് ഇപ്പോള് പ്രീ-മെഡിക്കല് പരിശോധനയ്ക്ക് വിധേയരായിക്കൊണ്ടിരിക്കുകയാണ്. ഉയരം, ഭാരം, നെഞ്ചിന്റെ വികാസം എന്നിവ അളക്കുന്നതാണ് പ്രീമെഡിക്കല് പരിശോധന. ഫിസിക്കല് ഫിറ്റ്നസ് ടെസ്റ്റുകളിലും പ്രീ-മെഡിക്കല് ടെസ്റ്റുകളിലും വിജയിക്കുന്ന ഉദ്യോഗാര്ത്ഥികള് അടുത്ത ദിവസം ആര്മി മെഡിക്കല് ഓഫീസര്മാരുടെ സംഘം നടത്തുന്ന മെഡിക്കല് ഫിറ്റ്നസ് ടെസ്റ്റിന് ഹാജരാകും.
ശാരീരിക പരീക്ഷയിലും വൈദ്യ പരീക്ഷയിലും യോഗ്യത നേടുന്ന ഉദ്യോഗാര്ത്ഥികള് ഒരു പൊതു പ്രവേശന പരീക്ഷയില് (എഴുത്തു പരീക്ഷ) ഹാജരാകണം, അതിനായി അവര്ക്ക് പുതിയ അഡ്മിറ്റ് കാര്ഡുകള് നല്കും. പൊതു പ്രവേശന പരീക്ഷ 2023 ജനുവരി 15-ന് നടത്താനാണ് തീരുമാനിച്ചിരിക്കുന്നത്. പൊതു പ്രവേശന പരീക്ഷപരീക്ഷയില് വിജയിക്കുകയും മെറിറ്റില് യോഗ്യത നേടുകയും ചെയ്യുന്ന ഉദ്യോഗാര്ത്ഥികളെ പരിശീലനത്തിനായി ആര്മിയുടെ നിയുക്ത പരിശീലന കേന്ദ്രങ്ങളിലേക്ക് അയക്കും. കരസേനയിലെ റിക്രൂട്ട്മെന്റിന്റെ മുഴുവന് പ്രക്രിയയും സ്വതന്ത്രവും ന്യായവും സുതാര്യവുമാണ്. ഏജന്റുമാരുടെ ഇരകളാകരുതെന്ന് സൈന്യം ഉദ്യോഗാര്ത്ഥികള്ക്ക് മുന്നറിയിപ്പ് നല്കിയിട്ടുണ്ട്. റിക്രൂട്ട്മെന്റ് റാലിയുടെ സുഗമമായ നടത്തിപ്പിന് കൊല്ലം ജില്ലാ ഭരണകൂടം പരിപൂര്ണ സഹകരണവും പിന്തുണയും നല്കുന്നുണ്ട്.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google