കോട്ടയം നഗരസഭയിലെ പെന്ഷന് തട്ടിപ്പ്; ഒളിവില് കഴിയുന്ന പ്രതിക്ക് ട്രാന്സ്ഫര് ഓര്ഡര്!
കോട്ടയം: കോട്ടയം നഗരസഭയിലെ പെന്ഷന് തട്ടിപ്പ് കേസില് ഒളിവില് കഴിയുന്ന പ്രതി അഖില് സി വര്ഗീസിനായി ട്രാന്സ്ഫര് ഓര്ഡര്. പെന്ഷന് ഫണ്ടില് നിന്ന് രണ്ടര കോടിയോളം രൂപ തട്ടിയെടുത്ത കേസില് ഒളിവില് കഴിയുന്ന അഖിലിനായി ക്രൈം ബ്രാഞ്ച് ലുക്ക് ഔട്ട് നോട്ടീസ് പുറപ്പെടുവിച്ചിട്ടുണ്ട്. ഇതിനിടെയാണ് അഖില് സി വര്ഗീസ് സ്ഥലംമാറ്റ പട്ടികയില് ഇടം നേടിയിരിക്കുന്നത്.
കേസ് വരുന്നതിന് മുന്പ് കൊടുത്ത സ്ഥലം മാറ്റ അപേക്ഷയിലാണ് ഉത്തരവ് പുറത്തുവന്നിരിക്കുന്നത്. എന്നാല് സ്വാഭാവികമായ നടപടിയാണ് ഇത് എന്നാണ് തദ്ദേശ സ്വയംഭരണ വകുപ്പിന്റെ പ്രതികരണം. തദ്ദേശ സ്വയംഭരണ വകുപ്പ് ജോയിന്റ് ഡയറക്ടറാണ് ഉത്തരവ് പുറപ്പെടുവിച്ചിരിക്കുന്നത്. നഗരസഭയിലെ ക്ലര്ക്കായിരുന്ന അഖിലിനെ ചങ്ങനാശ്ശേരി നഗരസഭയിലേക്ക് മാറ്റിയാണ് ഉത്തരവ് വന്നിരിക്കുന്നത്.
കോട്ടയം നഗരസഭയില് ജോലി ചെയ്ത് വരുന്നതിനിടയിലാണ് 2.39 കോടി പെന്ഷന് തുക അഖില് തട്ടിയെടുത്തത്. തന്റെ അമ്മ ശ്യാമളയുടെ അക്കൗണ്ടിലേക്ക് മാറ്റിയായിരുന്നു തട്ടിപ്പ്. നഗരസഭയുടെ വാര്ഷിക സാമ്പത്തിക പരിശോധനയിലാണ് തട്ടിപ്പ് കണ്ടെത്തിയത്. തുടര്ന്ന് നഗരസഭാ സെക്രട്ടറി പൊലീസില് പരാതി നല്കുകയായിരുന്നു. നഗരസഭയില് നിന്ന് വിരമിച്ചവരുടെ ബാങ്ക് അക്കൗണ്ടില് ചില അപാകതകള് ഉള്ളതായി നേരത്തേ തന്നെ കണ്ടെത്തിയിരുന്നു.
2020 മുതല് അഖില് സി. വര്ഗീസാണ് പെന്ഷന് വിഭാഗം കൈകാര്യം ചെയ്തിരുന്നത്. അന്ന് മുതലാണ് സാമ്പത്തിക തിരിമറി നടന്നിട്ടുള്ളത്. പെന്ഷന് തട്ടിപ്പ് വിവരം പുറത്തറിഞ്ഞത് മുതല് അഖില് വര്ഗീസ് ഒളിവിലാണ്. ഇയാളുടെ ബന്ധുക്കളെ പൊലീസ് ചോദ്യം ചെയ്തിരുന്നെങ്കിലും കാര്യമായ തുമ്പൊന്നും ലഭിച്ചിരുന്നില്ല. കൊല്ലം മങ്ങാട് സ്വദേശിയാണ് അഖില് സി. വര്ഗീസ്.
കോട്ടയം ജില്ലയിലും കൊല്ലത്തും അന്വേഷണം തുടരുന്നെന്നാണ് പൊലീസ് നല്കുന്ന വിശദീകരണം. വൈക്കം നഗരസഭയിലേക്ക് ഇയാള് മാറിയതിന് പിന്നാലെയാണ് കോട്ടയത്തെ തിരിമറികള് കണ്ടെത്തുന്നത്. കേസില് പ്രതിയായതോടെ ഇയാളെ സസ്പെന്ഡ് ചെയ്തിരുന്നു. സംഭവത്തില് നഗരസഭയിലെ ഡെപ്യൂട്ടി സെക്രട്ടറി ഉള്പ്പെടെ നാല് പേരെയും തദ്ദേശ വകുപ്പ് പ്രിന്സിപ്പല് ഡയറക്ടര് സസ്പെന്ഡ് ചെയ്തിരുന്നു.
ഡെപ്യൂട്ടി സെക്രട്ടറി ഫിലിസ് ഫെലിക്സ്, സൂപ്രണ്ട് എസ് കെ ശ്യാം, സീനിയര് ക്ലര്ക്ക് വി ജി സന്തോഷ്, പബ്ലിക് ഹെല്ത്ത് നഴ്സ് കെ ജി ബിന്ദു എന്നിവരെയാണ് തദ്ദേശ വകുപ്പ് പ്രിന്സിപ്പല് ഡയറക്ടര് സസ്പെന്ഡ് ചെയ്തത്. റെഗുലര് ഫാമിലി പെന്ഷന് ഫണ്ടില് നിന്നാണ് അഖില് സി വര്ഗീസ് പണം തട്ടിയത്.
-
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സ്വര്ണം ഏതെങ്കിലും പോയി വാങ്ങല്ലേ; ഉഗ്രന് പണി കിട്ടും, കുറഞ്ഞ നിരക്കിലുള്ള സ്വര്ണം അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല്
Click it and Unblock the Notifications
Sign in with Google