താമരശ്ശേരി ചുരത്തിലെ ഗതാഗതകുരുക്കില്പ്പെട്ട് മരണം: അന്വേഷണത്തിന് ഉത്തരവിട്ട് മനുഷ്യാവകാശ കമ്മീഷന്
കോഴിക്കോട്: തെങ്ങ് ശരീരത്തില് വീണ് പരിക്കേറ്റതിനെ തുടര്ന്ന് കോഴിക്കോട് മെഡിക്കല് കോളേജിലേയ്ക്ക് കൊണ്ടുപോയ ആള് താമരശ്ശേരി ചുരത്തിലെ ഗതാഗത കുരുക്കില്പ്പെട്ട് മരിച്ച സംഭവത്തില് മനുഷ്യാവകാശ കമ്മീഷന് കേസെടുത്തു.
ചുരത്തിലെ ഗതാഗത കുരുക്ക് അവസാനിപ്പിക്കാനുള്ള പ്രായോഗിക മാര്ഗ്ഗങ്ങള് കണ്ടെത്താനുള്ള സമയം അതിക്രമിച്ചിരിക്കുകയാണെന്ന് കമ്മീഷന് ജുഡീഷ്യല് അംഗം കെ. ബൈജുനാഥ് ഉത്തരവില് പറഞ്ഞു.
കോഴിക്കോട്, വയനാട് ജില്ലാ പോലീസ് മേധാവിമാര് ഇക്കാര്യത്തില് അടിയന്തിരമായി ഇടപെട്ട് പരിഹാരമുണ്ടാക്കണമെന്ന് കമ്മീഷന് ആവശ്യപ്പെട്ടു. 15 ദിവസത്തിനകം പ്രായോഗിക നിര്ദ്ദേശങ്ങള് സമര്പ്പിക്കണം. കേസ് ഫെബ്രുവരി 21 ന് പരിഗണിക്കും.
വീടിന് സമീപം നിന്ന തെങ്ങ് മുറിച്ചുമാറ്റുന്നതിനിടയിലാണ് എരിയപ്പള്ളി നെല്ലിമണ്ണില് രാജന് ഗുരുതരമായി പരിക്കേറ്റത്. മലാപറമ്പ് സ്വദേശി പി. ഐ. ജോണ് സമര്പ്പിച്ച പരാതിയിലാണ് നടപടി. ചുരം റോഡില് ഗതാഗത കുരുക്ക് ഒഴിവാക്കാന് ആവശ്യാനുസരണം പോലീസ് ഉദ്യോഗസ്ഥരെ നിയോഗിക്കണമെന്ന് പരാതിക്കാരന് ആവശ്യപ്പെട്ടു.
അതേസമയം ജനവിരുദ്ധ സര്ക്കാരിനെതിരെ സേവ് കേരള മാര്ച്ച് എന്ന മുദ്രാവാക്യമുയര്ത്തി മുസ്ലിം യൂത്ത് ലീഗ് സംസ്ഥാന കമ്മിറ്റി സംഘടിപ്പിക്കുന്ന പ്രതിഷേധ റാലി ബുധനാഴ്ച (ജനു.18ന്) സെക്രട്ടറിയേറ്റിലേക്ക് സംഘടിപ്പിക്കും. അഴിമതി, തൊഴിലില്ലായ്മ, സാമ്പത്തിക പ്രതിസന്ധി, വിലക്കയറ്റം, ലഹരി മാഫിയ നിയന്ത്രിക്കുന്ന ക്രമസമാധാനം തുടങ്ങിയ പ്രശ്നങ്ങള് ഉന്നയിച്ചാണ് മാര്ച്ച് സംഘടിപ്പിക്കുന്നത്.
തെരഞ്ഞെടുപ്പിന് മുമ്പ് ഇരുപത് ലക്ഷം തൊഴിലവസരങ്ങള് വാഗ്ദാനം ചെയ്ത എല്ഡിഎഫ് പക്ഷേ വാഗ്ദാനത്തിന്റെ ഒരു ശതമാനം പോലും പൂര്ത്തീകരിച്ചെല്ലന്നതാണ് വസ്തുത. മാത്രമല്ല, പാര്ട്ടി ബന്ധുക്കള്ക്ക് മാത്രം ജോലികള് നല്കി. ഖജനാവ് കാലിയായി വലിയ സാമ്പത്തിക പ്രതിസന്ധി നേരിടുമ്പോഴും ധൂര്ത്തും അഴിമതിയും നിത്യ സംഭവമായി.
നിത്യോപയോഗ സാധനങ്ങളുടെ വില കുത്തനെ വര്ദ്ധിച്ചപ്പോഴും നിയന്ത്രിക്കാന് വേണ്ടി സര്ക്കാര് തലത്തില് ഒന്നും ചെയ്തില്ല. ലഹരി മാഫിയയെ നിയന്ത്രിക്കുന്നില്ലെന്ന് മാത്രമല്ല, കൂടുതല് ബാറുകള് അനുവദിക്കുകയും ചെയ്തു.
പോലീസില് പോലും ഒട്ടേറെ ക്രിമിനല് കേസ് പ്രതികളാണുള്ളത്. ആഭ്യന്തര വകുപ്പ് നിഷ്ക്രിയമാണ്. പൗരത്വ സമരക്കേസുകള് പിന്വലിക്കുമെന്ന് പറഞ്ഞ മുഖ്യമന്ത്രി പക്ഷേ വാഗ്ദാനം പാലിക്കാതെ സമരത്തില് പങ്കെടുത്തവരെ വഞ്ചിച്ചു.
എല്ലാ അര്ഥത്തിലും പരാജയപ്പെട്ട ഒരു സര്ക്കാരാണ് നിലവിലുള്ളത്. പൊതുജന രോഷം ഏറ്റെടുത്താണ് മുസ്ലിം യൂത്ത് ലീഗ് മാര്ച്ച് സംഘടിപ്പിക്കുന്നത്. രാവിലെ 10 മണിക്ക് മ്യൂസിയം ജംഗ്ഷനില് നിന്ന് ആരംഭിച്ച് സെക്രട്ടറിയേറ്റിന് മുന്നില് അവസാനിക്കുന്ന റാലിയില് കാല് ലക്ഷത്തോളം പേര് അണിനിരക്കും.
-
സ്വർണ വില പവന് 23,000 രൂപ വരെ ഇടിയും;അക്ഷയ തൃതീയക്ക് സ്വർണം വാങ്ങിക്കൂട്ടാം? പിന്നെ വിറ്റ് കാശാക്കാം -
സ്വര്ണവില കുറഞ്ഞു; 74000 രൂപയ്ക്ക് എട്ട് ഗ്രാം വാങ്ങാം, ആഭരണത്തിന് ഈ സ്വര്ണം മതി, പവന് വില -
സ്വർണം ഏറ്റവും വില കുറവിൽ വാങ്ങാൻ ആകുന്നത് ഇപ്പോൾ; 2 മാസം കഴിഞ്ഞാൽ 1.5 ലക്ഷത്തിന് മുകളിലേക്ക്;സ്വർണ വ്യാപാരി -
മാളവ്യ രാജയോഗം എല്ലാം മാറ്റി മറിക്കും; ഈ രാശിക്കാരുടെ വിവാഹം നടക്കും, ശമ്പളം വർധിക്കാൻ സാധ്യത! -
പലതരം സുഖഭോഗങ്ങള് അനുഭവിക്കാന് അവസരം, ഭാര്യയുടെ ആഗ്രഹങ്ങള് നിറവേറ്റും, ജോലിയിൽ പ്രമോഷൻ, നാൾഫലം -
നീചഭംഗ രാജയോഗം ജീവിതം മാറ്റി മറിക്കും; ഈ രാശിക്കാരുടെ പ്രണയം പൂവണിയും..! സാമ്പത്തികമായി നല്ല കാലം -
കൊച്ചിയിൽ ഇനി യാത്ര എളുപ്പം; വൈറ്റില ജംഗ്ഷന്റെ വടക്കുഭാഗത്ത് ബസ് സ്റ്റാൻഡ്, ഒരുങ്ങുന്നത് വമ്പൻ പ്ലാൻ..! -
ബെംഗളൂരു മലയാളികൾക്ക് സന്തോഷ വാർത്ത; മൈസൂരു റോഡിലെ ഗതാഗത കുരുക്ക് കുറയും, 810 കോടിയുടെ എലിവേറ്റഡ് ഇടനാഴി -
ഖത്തര് ഞെട്ടി; യൂറോപ്പും ഏഷ്യയും ഞെരുങ്ങും, ഒന്നും അറിഞ്ഞില്ലെന്ന് ട്രംപ്, ഇറാന്റെ കൈവിട്ട നീക്കം -
ബെംഗളൂരുവില് വര്ക്ക് ഫ്രം ഹോം; സാമ്പത്തിക ലാഭം 10000 രൂപയിലേറെ; കണക്കുകള് നിരത്തി ടെക്കി യുവാവ് -
ഡിഗ്രിക്കാര്ക്ക് കൊച്ചിന് ഷിപ്പ്യാര്ഡില് അവസരം; ശമ്പളം എത്രയെന്ന് കേട്ടോ -
സ്വര്ണം എവിടെപോയി നില്ക്കും; ഇന്ന് രണ്ടാംതവണയും വില കുറഞ്ഞു, സ്വര്ണ പ്രേമികള്ക്ക് സന്തോഷം
Click it and Unblock the Notifications
Sign in with Google