പത്തനംതിട്ടയില് വെള്ളപ്പൊക്ക സാധ്യത മുന്നറിയിപ്പ്: കക്കി-ആനത്തോട് ഡാം 11 മണിക്ക് തുറക്കും
പത്തനംതിട്ട: ജില്ലയുടെ പല ഭാഗങ്ങളിലും ശക്തമായ മഴ തുടരുന്നതിനാല് പത്തനംതിട്ട ജില്ലയില് പ്രളയ സാധ്യത മുന്നറിയിപ്പ്. ജനങ്ങള് അതീവ ജാഗ്രത പാലിക്കണമെന്ന് ജില്ലാ കലക്ടര് മുന്നറിയിപ്പ് നല്കി. താഴ്ന്ന പ്രദേശങ്ങളിലും തീരങ്ങളിലും താമസിക്കുന്നവര് സുരക്ഷിത സ്ഥാനത്തേക്ക് മാറണമെന്നും കലക്ടര് ദിവ്യ എസ്. അയ്യര് പറഞ്ഞു. ജില്ലയുടെ നഗര മേഖലകളില് ഇന്നലെ രാത്രി മുതല് മഴ കുറഞ്ഞിട്ടുണ്ട്. മഴയുടെ ശക്തി കുറഞ്ഞതോടെ മണി മലയാറില് ജല നിരപ്പ് നിലവില് അല്പം താഴ്ന്നിട്ടുണ്ട്. 5 മണിക്കൂറില് 7 മീറ്റര് ജല നിരപ്പായിരുന്നു മണിമലയാറില് കഴിഞ്ഞ ദിവസം ഉയര്ന്നത്.
Recommended Video
അതേസമയം, കക്കി-ആനത്തോട് ഡാമിന്റെ രണ്ടു ഷട്ടറുകള് ഇന്ന് രാവിലെ 11 മണിക്കു ശേഷം ഉയര്ത്തും. 100 കുമക്സ് മുതല് 200 കുമക്സ് വരെ ജനവാസ മേഖലകളില് പരമാവധി 15 സെന്റിമീറ്ററില് കൂടുതല് ജലനിരപ്പ് ഉയരാതെ ജലം പമ്പാ നദിയിലേക്ക് ഒഴുക്കി വിടും. പുറത്തേക്ക് ഒഴുകുന്ന ജലം പമ്പാനദിയിലൂടെ ഏകദേശം രണ്ടു മണിക്കൂറിനു ശേഷം പമ്പ ത്രിവേണിയില് എത്തുമെന്നും ജില്ലാ കളക്ടര് ദിവ്യ എസ് അയ്യര് അറിയിച്ചു.
പമ്പാനദിയിലെ ജലനിരപ്പ് ജലസേചന വകുപ്പ് തുടര്ച്ചയായി വീക്ഷിക്കേണ്ടതും അപകട സാധ്യതയുള്ളപക്ഷം ജില്ലാ അടിയന്തിരഘട്ട കാര്യനിര്വഹണ കേന്ദ്രത്തില് അറിയിക്കേണ്ടതുമാണ്. പമ്പാനദിയുടെ തീരത്തുള്ള തദ്ദേശസ്വയംഭരണ സ്ഥാപനങ്ങള് മൈക്ക് അനൗണ്സ്മെന്റ് മുഖേന ജനങ്ങള്ക്ക് ജാഗ്രതാ നിര്ദേശം നല്കേണ്ടതും ഇക്കാര്യം പത്തനംതിട്ട പഞ്ചായത്ത് ഡെപ്യുട്ടി ഡയറക്ടര്/നഗരസഭാ സെക്രട്ടറി ഉറപ്പുവരുത്തേണ്ടതുമാണെന്നും കളക്ടര് വ്യക്തമാക്കി.
അപകടസാധ്യതയുള്ള മേഖലകളില് താമസിക്കുന്ന എല്ലാ ആളുകളേയും ക്യാമ്പുകളിലേക്ക് മാറ്റുന്നതിന് ബന്ധപ്പെട്ട തഹസീല്ദാര്മാരെയും വില്ലേജ് ഓഫീസര് മാരെയും ബന്ധപ്പെട്ട പഞ്ചായത്ത് സെക്രട്ടറിമാരെയും ചുമതലപ്പെടുത്തുന്നു. വനത്തിനുള്ളില് അപകടസാധ്യതയുള്ള മേഖലകളില് താമസിക്കുന്നവരെ ക്യാമ്പുകളിലേക്ക് മാറ്റുന്നതിന് ബന്ധപ്പെട്ട ജില്ലാ ഫോറസ്റ്റ്് ഓഫീസറെയും പട്ടിക ജാതി പട്ടിക വര്ഗ വികസന ഓഫീസറെയും ചുമതലപ്പെടുത്തുന്നു. ഇക്കാര്യം താലൂക്കിന്റെ ചുമതലയുള്ള റെസ്പോണ്സിബിള് ഓഫീസര് (റവന്യു ഡിവിഷണല് ഓഫീസര്, തിരുവല്ല/അടൂര്, ഡെപ്യുട്ടി കളക്ടര്മാര്) ഉറപ്പുവരുത്തേണ്ടതാണെന്നും ഉത്തരവില് പറയുന്നു.
കറുപ്പിൽ സ്വർണ നിറം: പുത്തന് സാരിയില് സ്റ്റൈലിഷായി നടി ഭാവന
കെഎസ്ഇബി ലിമിറ്റഡിന്റെ അധീനതയിലുള്ളതും ശബരിഗിരി ജലവൈദ്യുത പ്രോജക്ടിന്റെ പരിധിയിലുള്ളതുമായ കക്കി-ആനത്തോട് റിസര്വോയറിന്റെ പരമാവധി ജലസംഭരണശേഷി 981.46 മീറ്ററാണ് (സമുദ്രനിരപ്പില് നിന്നും). കെഎസ്ഇബി ലിമിറ്റഡ് നിശ്ചയിച്ചിട്ടുള്ളതും ജില്ലാ ദുരന്ത നിവാരണ അതോറിറ്റി അംഗീകരിച്ച് നല്കിയിട്ടുള്ളതുമായ 2021 ഒക്ടോബര് 11 മുതല് 20 വരെയുള്ള കാലയളവില് റിസര്വോയറില് സംഭരിക്കുവാന് അനുവദിക്കപ്പെട്ട പരമാവധി ജലനിരപ്പ് (അപ്പര് റൂള് ലെവല്) 978.83 മീറ്റര് ആണ്.
പത്തനംതിട്ട ജില്ലയില് 2021 ജൂണ് മാസം ആരംഭിച്ച തെക്ക് പടിഞ്ഞാറന് കാലവര്ഷം മുതല് 2021 സെപ്റ്റംബര് 30 വരെ ലഭിച്ച മഴയുടെ അളവ് 1684.3 മില്ലീമീറ്റര് ആണ്.
ഇത് ശരാശരി പ്രതിവര്ഷം ലഭിക്കേണ്ട മഴയെക്കാള് 40 മില്ലീമീറ്റര് കൂടുതലാണ്. എന്നാല്, 2021 ഒക്ടോബര് മാസം 1 മുതല് 17 വരെ ലഭിച്ച മഴയുടെ അളവ് 583.8 മില്ലീമീറ്റര് ആണ്. ഇത് ശരാശരി പ്രതിവര്ഷം ലഭിക്കേണ്ട മഴയെക്കാള് 392.4 മില്ലീമീറ്റര് കൂടുതലാണ്. ജില്ലയുടെ കിഴക്കന് മേഖലയിലും വൃഷ്ടിപ്രദേശത്തും ശക്തമായ തോതില് മഴ ലഭിക്കുകയും തത്ഫലമായി ഡാമുകളിലേക്കുള്ള നിരൊഴുക്ക് ശക്തമാകുകയും ചെയ്തിട്ടുള്ളതാണ്.
കക്കി-ആനത്തോട് റിസര്വോയറിന്റെ നീല, ഓറഞ്ച്, ചുവപ്പ് മുന്നറിയിപ്പുകള് പ്രഖ്യാപിക്കുന്നത് റിസര്വോയറിലെ ജലനിരപ്പ് യഥാക്രമം 976.83 മീറ്റര്, 977.83 മീറ്റര്, 978.33 മീറ്റര് എന്നിവയില് എത്തിച്ചേരുമ്പോഴാണ്. നീല, ഓറഞ്ച്, ചുവപ്പ് എന്നീ മുന്നറിയിപ്പുകള് നല്കിയിട്ടുള്ളതും ദൃശ്യ-ശ്രവ്യ-പത്ര-സാമൂഹ്യ മാധ്യമങ്ങള് വഴി ജനങ്ങളെ അറിയിക്കുകയും ചെയ്തിട്ടുള്ളതാണ്. ജില്ലയുടെ താഴ്ന്നപ്രദേശങ്ങളില് താമസിക്കുന്നവരേയും, നദീതീരങ്ങളില് താമസിക്കുന്നവരേയും, വളര്ത്തു മൃഗങ്ങള് ഉള്പ്പെടെയുള്ളവയെ സുരക്ഷിതമായി ദുരിതാശ്വാസ ക്യാമ്പുകളില് മാറ്റി പാര്പ്പിക്കുന്നതുള്പ്പെടെ വിവിധ സര്ക്കാര് വകുപ്പുകള് മുന്കരുതലായി സ്വീകരിക്കേണ്ട നടപടികള് നിര്ദേശിച്ചുകൊണ്ട് വിശദമായ നിര്ദേശം നല്കിയിട്ടുള്ളതാണ്.
പമ്പ നദിയിലെ ജലനിരപ്പ് അപകടകരമായ ലെവലിനെക്കാള് മുകളിലാണെങ്കിലും ഡാമിന്റെ വൃഷ്ടി പ്രദേശത്തു പെയ്യുന്ന ശക്തമായ മഴയില് ഡാമുകളുടെ ശേഷി കവിഞ്ഞുള്ള കനത്ത ദുരന്ത സാധ്യത ഒഴിവാക്കുന്നതിനായി ഡാമില് നിന്നും നിയന്ത്രിത അളവില് ജലം പുറത്തുവിടുന്നതാണ് നല്ലത് എന്ന് ജില്ലാ ദുരന്ത നിവാരണ അതോറിറ്റി വിലയിരുത്തുകയുണ്ടായി. യോഗത്തില് ജനവാസ മേഖലകളില് പരമാവധി 15 സെന്റിമീറ്ററില് അധികരിക്കാതെ ജലം തുറന്നുവിടുന്നതിനു തീരുമാനിച്ചിട്ടുള്ളതാണ്.
കക്കി-ആനത്തോട് ഡാമിന്റെ ഷട്ടറുകള് ഉയര്ത്തുന്നതുമൂലം ഇപ്പോള് പരിമിതമായ ജലം മാത്രമേ പുറത്തേക്ക് ഒഴുക്കേണ്ടി വരുന്നുള്ളൂ. അതിലൂടെ പമ്പാനദിയിലെ ജലനിരപ്പ് ക്രമാതീതമായി ഉയരുന്നത് നിയന്ത്രിക്കുവാന് കഴിയും. പകല് സമയം ഡാം തുറക്കുന്നത് രാത്രി കാലങ്ങളില് ഡാം തുറക്കുന്നതിനുള്ള സാധ്യത ഇല്ലാതാക്കുന്നതും ആവശ്യമായ തയാറെടുപ്പുകള് സ്വീകരിക്കുന്നതിന് അധികൃതര്ക്കും ജനങ്ങള്ക്കും ആവശ്യമായ സമയം ലഭ്യമാകുന്നതുമാണെന്നും കളക്ടര് അറിയിച്ചു.
അതേസമയം, വന് പ്രളയമുണ്ടായ 1924 മുതല് ഇതുവരെ രേഖപ്പെടുത്തിയ പരമാവധി ജലനിരപ്പിനും 3 മീറ്റര് മുകളിലൂടെ ഇതാദ്യമായി ജലം ഒഴുകി. മണിമല, എരുമേലി, വെള്ളാവൂർ പഞ്ചായത്തുകളിലെ താഴ്ന്ന പ്രദേശങ്ങൾ പൂർണമായി വെള്ളത്തിനടിയിലായി. മണിമലയാറിലെ ശക്തമായ ഒഴുക്കില് പുറമറ്റം കോമളം പാലത്തിന്റെ ഒരു ഭാഗം ഒലിച്ചുപോയി. പാലവും റോഡും കൂടി ചേരുന്ന ഭാഗമാണ് ഒലിച്ചുപോയത്. ഇതോടെ ഇതുവഴിയുള്ള ഗതാഗതം പൂര്ണ്ണമായും തടസപ്പെട്ടു.
റാന്നി, കോന്നി പ്രദേശങ്ങളില് നിന്ന് വെള്ളം താഴുന്നതിന് അനുസരിച്ച് വെള്ളമെത്തുന്ന തിരുവല്ല, അപ്പര് കുട്ടനാടന് പ്രദേശങ്ങളില് കൂടുതല് ശ്രദ്ധപുലര്ത്തണമെന്ന് പത്തനംതിട്ട ജില്ലയുടെ ചുമതലയുള്ള ആരോഗ്യ വകുപ്പ് മന്ത്രി വീണാ ജോര്ജ് പറഞ്ഞു. ജനപ്രതിനിധികളുടെ നേതൃത്വത്തില് തിരുവല്ല, അപ്പര്കുട്ടനാട് പ്രദേശങ്ങളില് അടിയന്തരമായി റസ്ക്യു ഓപ്പറേഷന് നടത്തണമെന്ന് മാത്യു ടി തോമസ് എംഎല്എ പറഞ്ഞു. കന്നുകാലി, വളര്ത്തുമൃഗങ്ങള് എന്നിവയ്ക്കുണ്ടായ നാശനഷ്ടങ്ങള് സര്ക്കാരിന്റെ ശ്രദ്ധയില്പ്പെടുത്തി പരിഹാരം കാണുമെന്നും അദ്ദേഹം പറഞ്ഞു.
ചിരിയുടെ മാലപ്പടക്കം പൊട്ടിക്കാന് ദിലീപ്: വോയിസ് ഓഫ് സത്യാനാഥന് ചിത്രീകരണം തുടങ്ങി
-
സ്വർണ നിക്ഷേപത്തിൽ ചൈനയ്ക്ക് വൻ ജാക്ക്പോട്ട്; കണ്ടെത്തിയത് 1100 ടണ് സ്വർണം,ഇനി ചൈനയെ പിടിച്ചാൽ കിട്ടില്ല -
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സ്വര്ണം ഏതെങ്കിലും പോയി വാങ്ങല്ലേ; ഉഗ്രന് പണി കിട്ടും, കുറഞ്ഞ നിരക്കിലുള്ള സ്വര്ണം അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി
Click it and Unblock the Notifications
Sign in with Google