Click it and Unblock the Notifications
Just In
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല്‍ 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
വയനാട്ടിലെ റോഡുകളുടെ ശോച്യാവസ്ഥ: പ്രതിഷേധം ഫലം കണ്ടു; അറ്റകുറ്റപണികള്‍ രണ്ടാഴ്ചകകം പൂര്‍ത്തിയാക്കാന്‍ നിര്‍ദേശം
കല്‍പ്പറ്റ: വയനാട്ടിലെ തകര്‍ന്ന റോഡുകള്‍ നന്നാക്കണമെന്നാവശ്യപ്പെട്ടുകൊണ്ട് ജില്ലയിലുടനീളം പ്രതിഷേധം ശക്തമാകുന്നതിനിടെ നടപടിയുമായി ജില്ലാവികസനസമിതി. ജില്ലയിലെ തകര്‍ന്ന റോഡുകളുടെ അറ്റകുറ്റപ്പണികള്‍ രണ്ടാഴ്ചക്കകം പൂര്‍ത്തിയാക്കാന്‍ പി ഡബ്ല്യു ഡി റോഡ്‌സ് വിഭാഗത്തിന് ജില്ലാവികസനസമിതി നിര്‍ദേശം നല്‍കി. ജില്ലയിലെ പ്രധാന റോഡുകളെല്ലാം തകര്‍ന്ന് തരിപ്പണമായിരിക്കുകയാണ്.
കല്‍പ്പറ്റ-പടിഞ്ഞാറത്തറ അടക്കമുള്ള സുപ്രധാന റോഡുകളാണ് ഭൂരിഭാഗം സ്ഥലങ്ങളിലും റോഡില്ലാത്തവിധത്തില്‍ തകര്‍ന്നിരിക്കുന്നത്. പൊതുജനങ്ങള്‍ രാഷ്ട്രീയത്തിന്റെ പിന്‍ബലമില്ലാതെ തന്നെ സംഘടിച്ചെത്തി സമരം നടത്തുന്നതിന്റെ ഭാഗമായാണ് ഈ നിര്‍ദേശം. പതിനഞ്ച് ദിവസത്തിന് ശേഷം റോഡ്‌സ് വിഭാഗത്തിന്റെ പ്രവര്‍ത്തനപുരോഗതി അവലോകനം ചെയ്യാന്‍ ജില്ലാകലക്ടറുടെ അധ്യക്ഷതയില്‍ വീണ്ടും യോഗം ചേരും.
പുനരുദ്ധാരണപ്രവര്‍ത്തികളുടെ ടെണ്ടര്‍ നടപടികള്‍ 95 ശതമാനം പൂര്‍ത്തീകരിച്ചതായി പൊതുമരാമത്ത് എക്സിക്യൂട്ടീവ് എഞ്ചിനിയര്‍ വ്യക്തമാക്കിയിട്ടുണ്ട്. വയനാട് കലക്‌ട്രേറ്റിലാണ് ജില്ലാവികസന സമിതി യോഗം ചേര്‍ന്നത്. കഴിഞ്ഞ ദിവസം ആസ്പരിഷേണല്‍ ഡിസ്ട്രിക്ട് പദ്ധതിയുടെ ഭാഗമായി ചേര്‍ന്ന യോഗത്തില്‍ ആരോഗ്യമേഖലയില്‍ ജില്ല പിന്നിലാകാനുള്ള കാരണമായി കണ്ടെത്തിയിരുന്നത് ആദിവാസി ഊരുകളിലെ കുട്ടികളുടെ പോഷകാഹാരകുറവായിരുന്നു. നിലവില്‍ ആസ്പരിഷേണല്‍ ഡിസ്ട്രിക്ട് പദ്ധതിയില്‍ ജില്ല നാല്‍പതാം സ്ഥാനത്താണ്. ഇതിന് പരിഹാരമെന്നോണം ജില്ലാവികസനസമിതിയോഗത്തില്‍ നിര്‍ദേശമുണ്ടായി.
ആദിവാസി മേഖലയിലെ കുട്ടികളില്‍ അനീമിയ, പോഷകാഹാര കുറവ് എന്നിവ റിപ്പോര്‍ട്ട് ചെയ്ത സാഹചര്യത്തില്‍ ആരോഗ്യ വകുപ്പിന്റെ നേതൃത്വത്തില്‍ വിവിധ വകുപ്പുകളുമായി ചേര്‍ന്ന് പരിഹാര നടപടികള്‍ സ്വീകരിക്കണമെന്നാണ് ജില്ലാവികസനസമിതി ആവശ്യപ്പെട്ടത്. ആദിവാസികള്‍ തിങ്ങിപ്പാര്‍ക്കുന്ന ജില്ലയിലെ വിവിധ മേഖലകള്‍ അഭിമുഖീകരിക്കുന്നത് നിരവധി പ്രതിസന്ധികളാണ്. നൂല്‍പ്പുഴ കുടുംബാരോഗ്യ കേന്ദ്രത്തില്‍ ഞാറാഴ്ചകളില്‍ ആവശ്യത്തിന് ഡോക്ടര്‍മാരെ നിയോഗിക്കണം. ആദിവാസി വിഭാഗങ്ങള്‍ക്കിടയില്‍ ആത്മഹത്യ പ്രവണത കൂടിവരുന്നതായി ശ്രദ്ധയില്‍പ്പെട്ടിട്ടുണ്ട്. ഇക്കാര്യത്തില്‍ ആവശ്യമായ കൗണ്‍സിലിംഗ് നല്‍കണം. എന്നിങ്ങനെ നിരവധി നിര്‍ദേശങ്ങളാണ് ഉയര്‍ന്നുവന്നത്.
