Click it and Unblock the Notifications
Just In
Don't Miss
-
'നിർഭാഗ്യം കൊണ്ട് ഇതെല്ലാം സംഭവിച്ചു... എനിക്ക് പ്രധാനം നിന്റെ ആരോഗ്യമാണ്, നീ ഇതിനോടകം വിജയിയായി കഴിഞ്ഞു' -
T20 World Cup 2024: ഹാര്ദിക് വേണ്ട! പകരം ദുബെ, സഞ്ജു ടീമില്; ഇതാ ഭാജിയുടെ 15 അംഗ സ്ക്വാഡ് -
മറന്ന WIFI പാസ്സ്വേഡ് ഇവിടെ തപ്പിയാൽ മതി! ഈ വിദ്യ ഒന്ന് പരീക്ഷിച്ച് നോക്കൂ -
ബജറ്റ് ഇവി പ്ലാനുകൾക്ക് തുടക്കം കുറിച്ച് ഹ്യുണ്ടായി; മെയ്ഡ് ഇൻ ഇന്ത്യ ക്രെറ്റ ഇവി ഉടൻ -
പഞ്ചസാര വില്ലനല്ല, അമിതവണ്ണമുണ്ടാകുന്നത് പഞ്ചസാര ഇങ്ങനെ ഉപയോഗിക്കുമ്പോഴാണ് -
കീശ ചോരില്ല, ഈ രണ്ട് ഓഹരികൾ വാങ്ങാമെന്ന് ബ്രോക്കറേജ്, നേട്ടം എത്രയാണെന്ന് നോക്കാം -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
രാഹുല്‍ ഗാന്ധിയുടെ ഓഫീസ് ആക്രമിച്ച പ്രതികള്‍ വീണ്ടും എസ്എഫ്‌ഐ ഭാരവാഹികള്‍
കല്‍പ്പറ്റ: രാഹുല്‍ ഗാന്ധിയുടെ വയനാട്ടിലുള്ള ഓഫീസ് അടിച്ചുപൊളിച്ച കേസിലെ പ്രതികള്‍ വീണ്ടും എസ്എഫ്‌ഐയുടെ നേതൃനിരയില്‍. ഇവരെ വയനാട് ജില്ലാ ഭാരവാഹികളായി തിരഞ്ഞെടുത്തു. ജിഷ്ണു ഷാജിയാണ് പുതിയ സെക്രട്ടറി. അതേസമയം ജോയല്‍ ജോസഫിനെ പ്രസിഡന്റായിട്ടാണ് തിരഞ്ഞെടുത്തത്.
നേരത്തെ രാഹുലിന്റെ ഓഫീസ് ആക്രമണം ദേശീയ തലത്തില്‍ അടക്കം ചര്‍ച്ചയായതോടെ ജില്ലാ കമ്മിറ്റി എസ്എഫ്‌ഐ ജില്ലാ നേതൃത്വം പിരിച്ചുവിട്ടിരുന്നു. പകരം അഡ്‌ഹോക്ക് കമ്മിറ്റിക്ക് ചുമതല നല്‍കിയിരുന്നു.
അതേസമയം പിരിച്ചുവിട്ടെങ്കിലും പുതിയ നിയമനത്തോടെ വിവാദം തിരിച്ചെത്തുമെന്ന് ഉറപ്പാണ്. അന്ന് ഭാരവാഹികളായവര്‍ തന്നെയാണ് പുനസംഘടനയുടെ സംഘടനയുടെ ജില്ലാ നേതൃത്വത്തിന്റെ തലപ്പത്തെത്തിയത്. സിപിഎമ്മിന് ഈ സംഭവം ദേശീയ തലത്തില്‍ തന്നെ നാണക്കേടുണ്ടാക്കിയിരുന്നു.
മുഖ്യമന്ത്രി പിണറായി വിജയന്‍ അടക്കം രാഹുലിന്റെ ഓഫീസ് ആക്രമണത്തെ തള്ളിപ്പറഞ്ഞിരുന്നു. ഇതോടെയാണ് സംസ്ഥാന സമിതിക്ക് എസ്എഫ്‌ഐ ജില്ലാ നേതൃത്വത്തിനെതിരെ നടപടിയെടുക്കേണ്ടി വന്നത്. നേതൃനിരയില്‍ കാര്യമായ മാറ്റങ്ങളൊന്നും പുനസംഘടനയില്‍ ഉണ്ടായിട്ടില്ല.
നേരത്തെ കേസില്‍ ജാമ്യം ലഭിച്ച് പുറത്തിറങ്ങിയവര്‍ക്ക് ജയില്‍ പരിസരത്ത് തന്നെ എസ്എഫ്‌ഐ നേതൃത്വം സ്വീകരണമൊരുക്കിയിരുന്നു. നടപടി കണ്ണില്‍ പൊടിയിടാനുള്ള തന്ത്രം മാത്രമായിരുന്നു എന്നാണ് ഇതോടെ വ്യക്തമായിരിക്കുന്നത്. ജൂണ്‍ 24നാണ് രാഹുലിന്റെ എംപി ഓഫീസ് എസ്എഫ്‌ഐ പ്രവര്‍ത്തകര്‍ തല്ലി തകര്‍ത്തത്.
രാഹുല്‍ ഗാന്ധി ബഫര്‍സോണ്‍ വിഷയത്തില്‍ ഇടപെടുന്നില്ലെന്നായിരുന്നു എസ്എഫ്‌ഐ ജില്ലാ നേതൃത്വം ഇതിന് കാരണമായി പറഞ്ഞത്. രാഹുലിന്റെ ഓഫീസിലേക്ക് മാര്‍ച്ച് നടത്തുകയും, അതിന് ശേഷം ഓഫീസ് തല്ലിത്തകര്‍ക്കുകയുമായിരുന്നു.
ഓഫീസിലെ ഫര്‍ണിച്ചറുകളെല്ലാം എസ്എഫ്‌ഐ പ്രവര്‍ത്തകര്‍ അടിച്ച് തകര്‍ത്തിരുന്നു. രാഹുല്‍ ഗാന്ധിയുടെ കസേരയില്‍ വാഴ നടുകയും ചെയ്തു. അതേസമയം ഓഫീസിലെ ഗാന്ധി ചിത്രം തകര്‍ത്ത സംഭവത്തില്‍ വലിയ വാഗ്വാദങ്ങളും നടന്നിരുന്നു. ഇതില്‍ രാഹുലിന്റെ പിഎ അടക്കം നാല് കോണ്‍ഗ്രസ് പ്രവര്‍ത്തകരെയാണ് അറസ്റ്റ് ചെയ്തത്.
എസ്പിയുടെ റിപ്പോര്‍ട്ട് കോണ്‍ഗ്രസ് പ്രവര്‍ത്തകര്‍ക്കെതിരായിരുന്നു എസ്എഫ്‌ഐ പ്രവര്‍ത്തകര്‍ ഗാന്ധി ചിത്രം തകര്‍ത്തിട്ടില്ലെന്നും എസ്പി പറഞ്ഞിരുന്നു. ഇതിന് തെളിവായി ഫോട്ടോകളും ഹാജരാക്കിയിരുന്നു. എസ്എഫ്‌ഐ പ്രവര്‍ത്തകര്‍ കസേരയില്‍ വാഴ വെക്കുന്ന സമയത്ത് ഗാന്ധി ചിത്രം ചുമരിലുണ്ടായിരുന്നു. അതിന് ശേഷമാണ് ചിത്രം തറയില്‍ എത്തിയത്.
