യുവാവിന്റെ കൈയ്യില്‍ ചുറ്റിവരിഞ്ഞ് അനാക്കോണ്ട, പലതവണ കടിച്ചു; സംഭവിച്ചത് ഇങ്ങനെ, വീഡിയോ വൈറല്‍

Updated: Friday, November 11, 2022, 4:43 [IST]

വാഷിംഗ്ടണ്‍: അനാക്കോണ്ട എന്ന് കേള്‍ക്കുമ്പോള്‍ തന്നെ നമുക്ക് എല്ലാവര്‍ക്കും ഭയമാണ്. ഒന്നാമത് ചെറുപ്പത്തിലെ സിനിമയ്ക്ക് അത്രയേറെ സ്വാധീനം നമ്മളില്‍ ഉണ്ടാക്കാന്‍ സാധിച്ചതാണ്. അതുകൊണ്ട് വലിയ പാമ്പുകളെ എവിടെ കണ്ടാലും അനാക്കോണ്ടയെന്ന് നമ്മള്‍ വിളിക്കും. എന്നാല്‍ അനാക്കോണ്ട മനുഷ്യരെ ആക്രമിക്കുമോ? ആര്‍ക്കും അക്കാര്യം കൃത്യമായി അറിയില്ല.

ആമസോണ്‍ കാടുകളിലാണ് ഇവയെ ധാരാളമായി കണ്ടുവരുന്നത്. ഇവ മനുഷ്യരെ ആക്രമിച്ചേക്കാം. എന്നാല്‍ സിനിമയില്‍ കാണുന്നത് പോലുള്ള കാര്യങ്ങള്‍ക്ക് സാധ്യതയില്ല. ഒരു യുവാവിനെ അനാക്കോണ്ട ആക്രമിക്കുന്ന ദൃശ്യങ്ങളാണ് ഇപ്പോള്‍ സോഷ്യല്‍ മീഡിയയില്‍ വൈറലായിരിക്കുന്നത്. വിശദമായ വിവരങ്ങളിലേക്ക്.....

image credit:nickthewrangler instagram

ഭീമാകാരനായ ഒരു അനാക്കോണ്ടയാണ് ഇതെന്ന് വീഡിയോയില്‍ നിന്ന് കാണാം. പലരെയും ഈ വീഡിയോ ഭയപ്പെടുത്തിയിരിക്കുകയാണ്. അങ്ങനെയുള്ള കമന്റുകളുമാണ് വീഡിയോയ്ക്ക് ലഭിക്കുന്നത്. നിക്ക് എന്നയാളാണ് ഈ വീഡിയോ ഇന്‍സ്റ്റഗ്രാമില്‍ ഷെയര്‍ ചെയ്തിരിക്കുന്നത്. ഇയാളുടെ കൈയ്യില്‍ ചുറ്റിവരിഞ്ഞ് നില്‍ക്കുകയാണ് ഈ അനാക്കോണ്ട. ഇയാള്‍ ഈ അനാക്കോണ്ടയെയും പിടിച്ച് നില്‍ക്കുന്നതായി കാണാം.

image credit:nickthewrangler instagram

മൃഗങ്ങളുടെയും ഇഴജന്തുകളുടെയും അഡിക്ടാണെന്ന് നിക് ദ റാങ്ക്‌ളര്‍ എന്ന ഇന്‍സ്റ്റഗ്രാം പേജില്‍ ഇയാള്‍ അവകാശപ്പെടുന്നുണ്ട്. എല്ലാ വന്യമൃഗങ്ങളുടെ ശബ്ദമാകും താനെന്നാണ് ഇയാള്‍ അവകാശപ്പെടുന്നത്. പാമ്പുകള്‍ ഇയാളുടെ ഇഷ്ട വിനോദങ്ങളിലൊന്നാണ്. അവയുടെ സ്വഭാവ സവിശേഷതകളാണ് ഇയാള്‍ പഠിക്കുന്നത്. അതിന് ശേഷം ഇണക്കാനാണ് ശ്രമിക്കുന്നത്. അത്തരമൊരു ശ്രമമാണ് വീഡിയോയില്‍ കണ്ടത്.

image credit:nickthewrangler instagram

എന്നാല്‍ ഇയാളുടെ എല്ലാ കണക്കുകൂട്ടലും തെറ്റിച്ച് കൈയ്യില്‍ നിന്ന് ഇത് മുകളിലേക്ക് കയറി വരിഞ്ഞ് മുറുക്കുകയായിരുന്നു. അത് മാത്രമല്ല നല്ല കടിയും കിട്ടുന്നുണ്ട്. കൈക്കും, വയറിനും നെഞ്ചിനുമെല്ലാം ഈ പാമ്പ് കടിക്കുന്നുണ്ട്. കുസൃതിയായ അനാക്കോണ്ടതയ്‌ക്കൊപ്പം ഒരു കൗബോയിംഗ് എന്നാണ് ഈ വീഡിയോയ്ക്ക് യുവാവ് ക്യാപ്ഷന്‍ നല്‍കിയിരിക്കുന്നത്. കടിയേറ്റ യുവാവ് ഓ മൈ ഗോഡ് എന്ന് പറയുന്നതും വീഡിയോയില്‍ കാണാം.

image credit:nickthewrangler instagram

വീഡിയോ ഇതിനോടകം 45 മില്യണ്‍ ആളുകള്‍ കണ്ടിട്ടുണ്ട്. നിരവധി പേരാണ് കമന്റുകളുമായി എത്തിയിരിക്കുന്നത്. പലരും വീഡിയോ കണ്ട് ഞെട്ടിപ്പോയെന്ന് കമന്റിട്ടിരിക്കുകയാണ്. ഇത്രയും അപകടം പിടിച്ചൊരു കാര്യം ചെയ്യാന്‍ മാത്രം സമനില തെറ്റിപ്പോയോ നിങ്ങളുടെ എന്നാണ് പലരും ചോദിക്കുന്നത്. അതിനെ ആമസോണ്‍ കാടുകളിലേക്ക് തന്നെ അയക്കൂ, ആ അനാക്കോണ്ട നിങ്ങളുടെ കളിപ്പാട്ടമല്ലെന്നും ഒരാള്‍ കുറിച്ചിട്ടുണ്ട്.

HAIR: നീട്ടി വളര്‍ത്തിയ മുടി, ഒരിക്കലും പൊട്ടിപ്പോവില്ല, ഈ ടിപ്പ്‌സ് പരീക്ഷിച്ചാല്‍ മുടി വേറെ ലെവലാകും

എന്തുകൊണ്ടാണ് ആ പാമ്പ് നിങ്ങളെ ഇങ്ങനെ കടിക്കുന്നതെന്നും, അതിനെ ഇങ്ങനെ കൈകാര്യം ചെയ്യാന്‍ ഒരുപക്ഷേ ആഗ്രഹിക്കുന്നുണ്ടാവില്ല. എങ്ങനെയാണ് അനാക്കോണ്ടയെ തടയാന്‍ പോകുന്നതെന്നും മറ്റൊരാള്‍ ചോദിക്കുന്നു. അതിനെ നിലത്തിട്ടാലും കടിക്കുമെന്ന് ഉറപ്പാണെന്നും കമന്റുണ്ട്. പലരും ഈ യുവാവിനെ വിമര്‍ശിക്കുന്നുണ്ട്. എത്രയും വേഗം ഈ പാമ്പിനെ മറ്റൊരിടത്തേക്ക് മാറ്റണമെന്നാണ് പലരും ആവശ്യപ്പെടുന്നത്.