ഭൂമിയെ തേടി വരുന്നു ഭീമാകാരന്‍, ഇടിച്ചുതെറിപ്പിക്കുമോ? അതിവേഗം, നാസ കണ്ടെത്തിയത് എന്തെല്ലാം

Updated: Tuesday, September 3, 2024, 6:58 [IST]

വാഷിംഗ്ടണ്‍: ഭൂമിയെ തേടി വീണ്ടുമെത്തി ഛിന്നഗ്രഹങ്ങള്‍. തുടരെ രണ്ട് ഛിന്നഗ്രഹങ്ങളാണ് ഭൂമിയെ ലക്ഷ്യമിട്ട് വരുന്നത്. തുടര്‍ച്ചയായുള്ള ഛിന്നഗ്രങ്ങളുടെ വരവ് നാസയെ അമ്പരപ്പിച്ചിരിക്കുകയാണ്. സൂര്യനില്‍ വിസ്‌ഫോടനങ്ങളും അതുപോലെ ഛിന്നഗ്രഹങ്ങളും തുടരെ വരുന്നത് ഭൂമിക്കുള്ള അപകടസാധ്യത വര്‍ധിപ്പിക്കുന്നതാണ്.

സൂര്യവിസ്‌ഫോടനങ്ങളെ ഭൂമി അതിന്റെ കാന്തിക മണ്ഡലം ഉപയോഗിച്ചാണ് പ്രതിരോധിക്കാറുള്ളത്. എന്നാല്‍ ഛിന്നഗ്രഹങ്ങള്‍ അങ്ങനെയല്ല. പലതും വലിയ ദൂരത്തിലൂടെയാണ് കടന്നുപോകാറുള്ളത്. പക്ഷേ ഏറ്റവും അപ്രവചനീയമായ കാര്യമാണ് ഛിന്നഗ്രഹങ്ങള്‍. ഇവയുടെ വേഗതയും വലിപ്പവും ഒരുപോലെ ഭീഷണി ഉയര്‍ത്തുന്നതാണ്.

ഛിന്നഗ്രഹങ്ങള്‍ സഞ്ചാരപദം മാറ്റാന്‍ സാധ്യതയുണ്ട്. അത് ഭൂമിയുടെ ഗുരുത്വാകര്‍ഷണ ബലത്താലും സംഭവിക്കും. നാസ നേരത്തെ തന്നെ ഒരു ഛിന്നഗ്രഹത്തിന്റെ സഞ്ചാരപദം മനസ്സിലാക്കി വെക്കാറുണ്ട്. ഭാവിയില്‍ ശാസ്ത്രജ്ഞരുടെ സംഘത്തെ ഇത്തരം ഛിന്നഗ്രഹങ്ങളിലേക്ക് അയച്ച് അവയില്‍ വിസ്‌ഫോടനം നടത്തി ഛിന്നഭിന്നമാക്കുന്ന പ്രക്രിയ നാസയുടെ മനസ്സിലുണ്ട്.

അപ്പോഫിസ് എന്ന ഭീമാകാരനായ ഛിന്നഗ്രഹത്തെ ഇങ്ങനെ നേരിടേണ്ടി വരുമെന്നാണ് നാസ പറയുന്നത്. അതേസമയം ഹോളിവുഡ് ചിത്രങ്ങളില്‍ ഇത്തരം കാര്യങ്ങള്‍ മുമ്പ് കാണിച്ചിട്ടുണ്ട്. അതും നാസ പ്രചോദനമായി എടുത്തിട്ടുണ്ട്.

അപ്പോഫിസിന് മുമ്പ് നിരവധി ഛിന്നഗ്രഹങ്ങള്‍ ഭൂമിയുടെ സമീപത്ത് കൂടി കന്നടുപോകുന്നുണ്ട്. അതിലൊന്നാണ് ഇപ്പോള്‍ എത്തുന്നത്. 2007 ആര്‍എക്‌സ്8 എന്നാണ് ഇതിന്റെ പേര്. 140 അടിയാണ് ഇതിന്റെ വ്യാസം. ഒരു വിമാനത്തിനേക്കാള്‍ ഏറെ വലിപ്പമുണ്ടാവും ഇതിന്. ഇവയുടെ വേഗത കാരണം ഭൂമിയില്‍ ഇടിച്ചാല്‍ നമ്മുടെ ഗ്രഹം ഛിന്നഭിന്നമായി പോകും.

ജീവജാലങ്ങള്‍ പലതും വംശനാശം വന്ന് പോകും. മനുഷ്യര്‍ പോലും ബഹുഭൂരിഭാഗവും നശിച്ചുപോകും. അഗ്നി നമ്മുടെ ഗ്രഹത്തിലാകെ പടര്‍ന്നുപിടിക്കും. ഒരുപക്ഷേ അത് അഗ്നിപര്‍വ വിസ്‌ഫോടനങ്ങള്‍ക്ക് വഴിയൊരുക്കും. അതുപോലെ കടലില്‍ നിന്ന് സുനാമികള്‍ വരെ പെട്ടെന്നുള്ള ഈ ആഘാതത്തില്‍ നിന്ന് ഉണ്ടായേക്കാം.

അതേസമയം 2007ആര്‍എക്‌സ്8 ഇത്തരമൊരു ഭീഷണി ഭൂമിക്ക് ഉയര്‍ത്തുന്നില്ലെന്ന് നാസ പറയുന്നു. 4.4 മില്യണ്‍ കിലോമീറ്റര്‍ അപ്പുറത്ത് കൂടെ ഇത് കടന്നുപോകും. അതിന് ശേഷം വരുന്നത് 2021 ആര്‍ബി 16 ആണ്. ഇവ കുറച്ച് ചെറുതാണ്. 47 അടിയാണ് നീളമുണ്ടാവുക. ഇതും തല്‍ക്കാലം ഭീഷണിയൊന്നും ഉയര്‍ത്തുന്നില്ല. 2.93 മില്യണ്‍ കിലോമീറ്റര്‍ ദൂരത്തിലൂടെ ഇവ കടന്നുപോകും.

ആശങ്കയൊന്നുമില്ലെന്ന് പറയുന്നുണ്ടെങ്കിലും നാസ ഇവയെ കൃത്യമായി നിരീക്ഷിക്കുന്നുണ്ട്. ഛിന്നഗ്രഹ സമൂഹത്തെ തന്നെ ഇത്തരത്തില്‍ നിരീക്ഷണ വിധേയമാക്കുന്നുണ്ട്. ചില പോക്കിരി ഛിന്നഗ്രഹങ്ങള്‍ ഗതിമാറി വരാന്‍ സാധ്യതയുള്ളത് ഇത്തരം സമൂഹങ്ങളില്‍ നിന്നാണ്.