സോഫ്റ്റ് ഡ്രിങ്ക് വാങ്ങാന് കടയില് കയറിയപ്പോള് ലോട്ടറിയെടുത്തു; യുവാവിന് അടിച്ചത് 8 കോടി
ന്യൂയോര്ക്ക്: ഭാഗ്യം നമ്മുടെ ജീവിതത്തില് എപ്പോഴും അത്ഭുതം കാണിക്കും. തീര്ത്തും അപ്രതീക്ഷിതമായിട്ടായിരിക്കും പലപ്പോഴും ഭാഗ്യം നമ്മളെ തേടിയെത്തുക. അത്തരത്തില് ഭാഗ്യത്തിന്റെ അനുഗ്രഹത്തോടെ വലിയ കോടീശ്വരനായിരിക്കുകയാണ് അമേരിക്കയില് നിക്കോളാസ് ഫോക്സ് എന്ന യുവാവ്. യുഎസ്സിലെ റോനോക് സ്വദേശിയാണ് ഫോക്സ്.
കോടികളാണ് ഇപ്പോള് ഫോക്സിന് സമ്മാനമായി അടിച്ചിരിക്കുന്നത്. ഒട്ടും വിചാരിക്കാതെ ഒരു കടയില് കയറിയതാണ് ഫോക്സിന്റെ ജീവിതത്തിലെ ഏറ്റവും വലിയ ഭാഗ്യമായി മാറിയത്. കുടുംബത്തെ കാണാന് പോവുമ്പോഴാണ് യുവാവിന്റെ ജീവിതത്തിലെ വലിയ വഴിത്തിരിവ് സംഭവിച്ചിരിക്കുന്നത്.
കുടുംബത്തെ കാണാനുള്ള യാത്രയില് വിര്ജീനിയയിലെ അല്ട്ടാവിസ്റ്റയിലുള്ള എ1 മിനി മാര്ട്ടില് നിര്ത്തി ഒരു സോഫ്റ്റ് ഡ്രിങ്ക് വാങ്ങാനായിരുന്നു ഫോക്സിന്റെ പ്ലാന്. എന്നാല് ലോട്ടറി കണ്ടതോടെ താരം ഭാഗ്യം പരീക്ഷിക്കുകയായിരുന്നു. വിര്ജീനിയ ലോട്ടറിയുടെ സ്ക്രാച്ച് ഓഫ് ടിക്കറ്റുകളാണ് ഫോക്സ് വാങ്ങിയത്. 20എക്സ് മണി ഗെയിം എന്ന ടിക്കറ്റുകളും ഇതിലുണ്ടായിരുന്നു. അതിലാണ് വമ്പന് സമ്മാനമടിച്ചത്.
ഒരു മില്യണ് യുഎസ് ഡോളറാണ് യുവാവിന് സമ്മാനമായി അടിച്ചത്. എട്ട് കോടി 36 ലക്ഷം രൂപയില് അധികം വരുമിത്. യുവാവിന് സമ്മാനം അടിച്ച കാര്യം ഇപ്പോഴും വിശ്വസിക്കാനായിട്ടില്ല. എല്ലാം ഒരു സ്വപ്നം പോലെയാണ് തോന്നുന്നതെന്ന് ഫോക്സ് പറഞ്ഞു.
ആദ്യം ലോട്ടറി നമ്പര് നോക്കിയപ്പോല് ഞാന് തെറ്റായിട്ടാണ് വായിക്കുന്നതെന്നാണ് തോന്നിയത്. കാരണം ലോട്ടറി അടിച്ചുവെന്ന് ഞാന് ഒരിക്കലും കരുതിയിരുന്നില്ല. അതുകൊണ്ട് നമ്പര് മാറി എന്നാണ് തോന്നിയത്. അത്ര വലിയ ലോട്ടറി അടിച്ച ആരെയും എനിക്ക് പരിചയമുണ്ടായിരുന്നില്ല. അതുകൊണ്ട് ഇത് സമ്മാനമടിച്ചതാണോ എന്നൊന്നും എനിക്ക് മനസ്സിലായില്ലെന്നും ഫോക്സ് ലോട്ടറി അധികൃതരോട് പറഞ്ഞു.
ഒറ്റത്തവണയായിട്ടാണ് യുവാവ് തുക കൈപറ്റിയത്. 6,25000 ഡോളറാണ് ഇതോടെ ഫോക്സിന് ലഭിക്കുക. മുഴുവന് തുക ലഭിക്കണമെങ്കില് ഘഡുക്കളായിട്ട് മാത്രമാണ് ലഭിക്കുക. പക്ഷേ അതിന് മുപ്പത് വര്ഷമെടുക്കും. ഈ കാരണത്താലാണ് ഒറ്റത്തവണ പേമെന്റായി വാങ്ങിയത്.
അതേസമയം എ1 മിനി മാര്ട്ടിനും ഈ ലോട്ടറി ഭാഗ്യം കൊണ്ട് നേട്ടമുണ്ടാവും. കാരണം ടിക്കറ്റ് വിറ്റവര്ക്ക് ബോണസ് നല്കുന്നത് വിര്ജീനിയ ലോട്ടറിയുടെ ഭാഗമാണ്. പതിനായിരം ഡോളറാണ് ഇവര്ക്ക് ബോണസായി ലഭിക്കുക. 20എക്സ് മണി ഗെയിം നാല് ടോപ് പ്രൈസുകളാണ് ഉള്ളത്. ഇതില് രണ്ടെണ്ണം അടിച്ചത് ആര്ക്കാണെന്ന് വ്യക്തമല്ല. ആരും സമ്മാനം വാങ്ങാന് എത്തിയിട്ടില്ലെന്ന് അധികൃതര് പറയുന്നു.
നേരത്തെ കെന്റക്കിയിലെ ഒരു ദമ്പതിമാര്ക്കും ഇതുപോലെ വന് തുക സമ്മാനം അടിച്ചിരുന്നു. ഇവര് വാരാന്ത്യത്തില് അവധിയാഘോഷിക്കാന് പോയതായിരുന്നു. എന്നാല് പാതി വഴിയില് ഇവര് മടങ്ങിയതാണ് ഭാഗ്യമായി മാറിയത്. ഫുട്ബോള് കാണാന് വേണ്ടിയായിരുന്നു മടങ്ങിയത്. തിരികെ വരുമ്പോഴാണ് ഇവര് ലൂയിസ് വില്ലയില് നിന്ന് ടിക്കറ്റെടുത്തത്. അതില് 50000 യുഎസ് ഡോളറാണ് സമ്മാനമായി അടിച്ചത്.
-
ഖത്തര് പറഞ്ഞത് സംഭവിച്ചാല് ഇന്ത്യ വെട്ടിലാകും; പെട്രോളിന് 200 രൂപ, കുവൈത്ത് എണ്ണ ഉല്പ്പാദനം നിര്ത്തി -
പുതിയ ജോലി കിട്ടും, നല്ല വിവാഹാലോചനകൾ വരും, സാമ്പത്തിക പ്രയാസങ്ങള് തീരും, നാൾഫലം -
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദിലീപ് വേണമെന്ന് ലാലിൻ്റെ ഡിമാൻ്റ്..പൊയ്മുഖങ്ങളെ തിരിച്ചറിയാൻ സിദ്ധിഖിന് ആയില്ല';ആലപ്പി അഷ്റഫ് -
സ്വര്ണം, സില്ക്ക് സാരി, 2500 രൂപ സഹായം; വമ്പന് പ്രഖ്യാപനവുമായി വിജയ്, വാഗ്ദാനപ്പെരുമഴ -
ബെംഗളൂരുവില് എയര്ബസിന്റെ വമ്പന് ടെക്നോളജി സെന്റര്; 5,000 ജീവനക്കാരെ ഉള്ക്കൊള്ളുന്ന ക്യാമ്പസ് -
ഗള്ഫില് സന്തോഷം; ഇറാന് ആക്രമണം നിര്ത്തി, ഒരു നിബന്ധന, മുന് സംഭവങ്ങളില് മാപ്പ് പറഞ്ഞ് പ്രസിഡന്റ് -
വിദേശയാത്രയും തൊഴിലും ആഗ്രഹിച്ചിരിക്കുന്നവര്ക്ക് സാധിക്കും, അപ്രതീക്ഷിതമായി വലിയ സൗഭാഗ്യം, വാരഫലം -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
Women's Day Malayalam Wishes: വീണ്ടുമൊരു വനിതാദിനം കൂടി, ആശംസകള് അറിയിക്കാം -
ബെംഗളൂരു യെമലൂർ-ഔട്ടർ റിംഗ് റോഡ്; വടിയെടുത്ത് ഈസ്റ്റ് സിറ്റി കോർപറേഷൻ,മാർച്ച് 15 നകം പൂർത്തിയാക്കണം
Click it and Unblock the Notifications
Sign in with Google