യുഎഇയിലെ അതിസമ്പന്നരില്‍ ഒന്നാമന്‍, ടെലഗ്രാം ആപ്പ് ക്രിയേറ്റര്‍, ആരാണ് പാവേല്‍ ദുറോവ്? ആസ്തി ഇത്ര

Updated: Wednesday, August 23, 2023, 5:52 [IST]

ദുബായ്: ഫേസ്ബുക്ക് സ്ഥാപകനായ മാര്‍ക്ക് സക്കര്‍ബര്‍ഗ് അറിയപ്പെടുന്ന കോടീശ്വരനാണ്. ലോക കോടീശ്വരന്മരുടെ പട്ടികയില്‍ ആദ്യ പത്തില്‍ അദ്ദേഹമുണ്ട്. എന്നാല്‍ യംഗ് സക്കര്‍ബര്‍ഗ് എന്ന് അറിയപ്പെടുന്ന ഒരാള്‍ പശ്ചിമേഷ്യയിലുണ്ട്. സമ്പത്തില്‍ ആരെയും ഞെട്ടിക്കും ഈ യുവാവ്. പറഞ്ഞുവരുന്നത് ചില്ലറക്കാരനല്ല. ടെലഗ്രാം ആപ്പിന്റെ ക്രിയേറ്ററാണ് പാവേല്‍ വലേറിയേവിച്ച് ദുറോവ് എന്ന യുവാവ്.

ലോകത്താകെയുള്ള വ്യാപാര സംബന്ധമായ ആളുകള്‍ക്ക് ഒരു ഹബ്ബ് തന്നെ വികസിപ്പിച്ചെടുത്തയാളാണ് ദുറോവ്. ലോകത്തെ അതിസമ്പന്നരുടെ കേന്ദ്രമായി ദുബായിയെ മാറ്റികൊണ്ടിരിക്കുന്നതും ദുറോവ് അടക്കമുള്ളവരുടെ സംഭാവനകളാണ്. റഷ്യന്‍ മാര്‍ക്ക് സക്കര്‍ബര്‍ഗ് എന്നാണ് അദ്ദേഹം അറിയപ്പെടുന്നത്. എന്നാല്‍ അദ്ദേഹം യുഎഇയിലാണ് താമസിക്കുന്നത്.

ഫോബ്‌സ് മാഗസിന്‍ റിപ്പോര്‍ട്ട് പ്രകാരം യുഎഇയിലെ താമസക്കാരില്‍ ഏറ്റവും വലിയ ധനികനാണ് ദുറോവ്. ഫോബ്‌സിന്റെ പട്ടികയില്‍ 150ാം സ്ഥാനമാണ് അദ്ദേഹത്തിനുള്ളില്‍. ഫോബ്‌സ് റിയല്‍ ടൈം ബില്യണേഴ്‌സ് പട്ടികയില്‍ 11.5 ബില്യണാണ് ദുറോവിന് ആസ്തിയുള്ളതായി പറയുന്നത്. ഇന്ത്യന്‍ രൂപയിലാണെങ്കില്‍ ഇത് 95000 കോടി വരും.

പ്രധാനമായും ടെലഗ്രാമിന്റെ സ്ഥാപകന്‍ എന്ന നിലയിലാണ് അദ്ദേഹത്തെ തേടി വരുമാനമെത്തുന്നത്. ഇന്ന് ലോകത്തെ തന്നെ മുന്‍നിരയിലുള്ള മെസേജിങ്ങ് ആപ്പാണ് ടെലഗ്രാം. 38കാരനായ ദുറോ 2006ല്‍ സെന്റ് പീറ്റേഴ്‌സ്ബര്‍ഗ് യൂണിവേഴ്‌സിറ്റിയില്‍ നിന്നാണ് ബിരുദമെടുത്തത്. പിന്നീട് സോഷ്യല്‍ മീഡിയ പ്ലാറ്റ്‌ഫോമായ വികോണ്ടക്ടെ അതിന് ശേഷമാണ് അദ്ദേഹം സ്ഥാപിക്കുന്നത്.

വികോണ്ടക്ടെ അതിവേഗമാണ് വിജയത്തിലെത്തിയത്. നൂറ് മില്യണ്‍ യൂസര്‍മാരാണ് ഇവര്‍ അതിവേഗത്തില്‍ സ്വന്തമാക്കിയത്. ദുറോവിന്റെ നേതൃത്വം തന്നെയായിരുന്നു ഇതിന് പിന്നിലെ പ്രധാന കാരണം. അതേസമയം ഒരുപാട് സ്ഥലത്തേക്ക് പിന്നീട് ദുറോവ് മാറി താമസിക്കുന്നതാണ് കണ്ടത്. അതും ചെറിയ കാലയളവിലായിരുന്നു മാറ്റങ്ങള്‍. ഇതിനിടയിലാണ് ടെലഗ്രാം ആപ്പ് ദുറോവ് പുറത്തിറക്കുന്നത്.

2017ല്‍ പക്ഷേ തന്റെ സ്ഥിരം താമസ സ്ഥലമായി ദുബായ് തിരഞ്ഞെടുക്കുകയായിരുന്നു. അതിന് പ്രധാന കാരണം യുഎഇയിലെ നികുതി നിയമങ്ങളായിരുന്നു. കോടീശ്വരന്മാര്‍ക്ക് അടക്കം നികുതിയില്‍ വലിയ ഇളവുകള്‍ യുഎഇ നല്‍കുന്നത്.ദുറോവിലെ വീട് ദുബായിലെ ജുമൈറ ദ്വീപുകളിലാണ്. അത്യാഢംബര ജീവിതമാണ് അദ്ദേഹം നയിക്കുന്നത്. ജുമൈറ ആഡംബരമായ വീടുകള്‍ക്കും, ആര്‍ക്കിടെക്ച്ചറുകള്‍ക്കും പേരുകേട്ട സ്ഥലമാണ്.

ദുബായിലെ തന്നെ ഏറ്റവും ധനികരമായവര്‍ താമസിക്കുന്ന സ്ഥലമെന്ന പേരും ജുമൈറ ദ്വീപുകള്‍ക്കുണ്ട്. അഞ്ച് ബെഡ്‌റൂമുകളുള്ള ഒരു വില്ലയാണ് അദ്ദേഹത്തിന് ഇവിടെയുള്ളത്. 15000 ചതുരശ്രയടിയിലാണ് ഈ വീടുള്ളത്. മാസം ഒരു മില്യണാണ് ഇതിന് വാടകയായി അദ്ദേഹം നല്‍കുന്നത്. കാഴ്ച്ചയില്‍ തന്നെ റോയല്‍ ലുക്കുള്ള വീടാണിത്.