ലിഫ്റ്റില്‍ കുടുങ്ങി യുവാവ്, പുറത്തെത്താന്‍ സഹായിച്ച സെക്യൂരിറ്റി ഗാര്‍ഡിനോട് ചെയ്തത് ഞെട്ടിക്കും

Updated: Tuesday, August 30, 2022, 10:25 [IST]

ദില്ലി: നമ്മള്‍ എവിടെയെങ്കിലും കുരുങ്ങി പോയാല്‍ എന്ത് ചെയ്യും. പരമാവധി രക്ഷപ്പെടാന്‍ നോക്കും അല്ലേ. ഇനി ആരെങ്കിലും രക്ഷപ്പെടാന്‍ സഹായിച്ചാല്‍ അവരോട് എക്കാലത്തും കടപ്പാടുള്ളവരായിരിക്കും. എന്നാല്‍ ഹരിയാനയിലെ ഗുരുഗ്രാമില്‍ സംഭവിച്ച കാര്യങ്ങള്‍ ഇപ്പോള്‍ സോഷ്യല്‍ മീഡിയയില്‍ വൈറലായിരിക്കുകയാണ്. ലിഫ്റ്റില്‍ കുടുങ്ങിപോയ ഒരു യുവാവ് രക്ഷപ്പെടുത്തിയവരോട് കാണിച്ച സംഭവമാണ് ഇതിന് കാരണം.

യുവാവിന്റെ ചെയ്ത കാര്യങ്ങളുടെ വീഡിയോ പുറത്തുവന്നതിന് പിന്നാലെയാണ് ഇത് വൈറലായത്. യുവാവിനെതിരെ കടുത്ത നടപടി വേണമെന്ന ആവശ്യം ഇതോടെ ഉയര്‍ന്നിരിക്കുകയാണ്. വിശദമായ വിവരങ്ങളിലേക്ക്....

അഞ്ച് മിനുട്ടോളം യുവാവ് ലിഫ്റ്റില്‍ കുടുങ്ങിയിരുന്നു. പുറത്തിറക്കാനായി സെക്യൂരിറ്റി ഗാര്‍ഡുകള്‍ ഓടിയെത്തുന്നതും വീഡിയോയില്‍ കാണാം. എന്നാല്‍ പുറത്തിറങ്ങിയ ഇയാള്‍ സെകര്യൂരിറ്റി ഗാര്‍ഡുകളെ തല്ലുകയായിരുന്നു. ഇവരുടെ മുഖത്തടിക്കുന്ന വീഡിയോയാണ് വൈറലായിരിക്കുന്നത്. രക്ഷിച്ചവരോട് യുവാവ് കാണിച്ച മര്യാദക്കേട് പൊറുക്കാനാവില്ലെന്ന് സോഷ്യല്‍ മീഡിയ പറയുന്നു. ഗുരുഗ്രാമിലെ നിര്‍വാന കണ്‍ട്രിയിലാണ് സംഭവം നടക്കുന്നത്. ഗാര്‍ഡുകള്‍ കാര്യം പറഞ്ഞ് മനസ്സിലാക്കാന്‍ ശ്രമിക്കുന്നുണ്ടെങ്കിലും, ഇയാള്‍ കേള്‍ക്കാന്‍ തയ്യാറാവുന്നില്ല.

ഫ്‌ളാറ്റിലെ സിസിടിവി ക്യാമറയില്‍ യുവാവിന്റെ മുഖത്തടി പൂര്‍ണമായും പതിഞ്ഞിട്ടുണ്ട്. ക്ലോസ് നോര്‍ത്ത് സൊസൈറ്റിയെന്ന ഈ ഫ്‌ളാറ്റിലെ താമസക്കാരനായ വരുണ്‍ നാഥ് എന്നയാളാണ് സുരക്ഷാ ഗാര്‍ഡിന്റെ മുഖത്തടിച്ചതെന്ന് കണ്ടെത്തിയിട്ടുണ്ട്. ഇയാള്‍ ലിഫ്റ്റില്‍ ഫ്‌ളാറ്റിന്റെ പതിനാലാം നിലയില്‍ നിന്ന് താഴേക്ക് വരികയായിരുന്നു. ഇതിനിടെയാണ് ലിഫ്റ്റ് പ്രവര്‍ത്തനരഹിതമായി നിന്ന് പോയത്. ഇതോടെ ലിഫ്റ്റില്‍ ഇയാള്‍ കുടുങ്ങുകയും ചെയ്തു. രക്ഷിക്കാനായി അലറി വിളിച്ച വരുണ്‍, സഹായത്തിനായി സെകര്യൂറ്റി ഗാര്‍ഡ് അശോകിനെ വിളിച്ച് വരുത്തുകയായിരുന്നു.

ലിഫ്റ്റില്‍ സ്ഥാപിച്ചിട്ടുള്ള ഇന്റര്‍കോം വഴിയായിരുന്നു സുരക്ഷാ ഗാര്‍ഡിനെ വരുണ്‍ വിളിച്ചത്. കൂടെ ലിഫ്റ്റ്മാനെയും വിളിച്ചാണ് സെക്യൂരിറ്റി ഗാര്‍ഡായ അശോക് എത്തിയത്. അഞ്ച് മിനുട്ട് കൊണ്ട് വരുണിനെ ഇവര്‍ ലിഫ്റ്റിന് പുറത്തെത്തിക്കുകയും ചെയ്തു. എന്നാല്‍ ഇതിന് ശേഷമാണ് വരുണിന്റെ സ്വഭാവം മാറിയത്. ദേഷ്യത്തോടെ ഇയാള്‍ സുരക്ഷാ ഗാര്‍ഡുകളെ മര്‍ദിക്കാന്‍ തുടങ്ങുകയായിരുന്നു. പലതവണ ഗാര്‍ഡിന്റെ മുഖത്ത് ഇയാള്‍ അടിക്കുന്ന വീഡിയോയാണ് പുറത്തുവന്നത്. കൊടുംക്രൂരതയാണ് ഇയാള്‍ കാണിച്ചത് എന്നതില്‍ ആര്‍ക്കും തര്‍ക്കമില്ല.

അതേസമയം വരുണ്‍ നാഥിന്റെ വീഡിയോ പുറത്തുവന്നതോടെ ഇവിടെയാകെ പ്രതിഷേധമാണ്. എല്ലാ സുരക്ഷാ ഗാര്‍ഡുകളും സമരത്തിലാണ്. ഇയാള്‍ക്കെതിരെ കടുത്ത നടപടി വേണമെന്നാണ് ആവശ്യം. വരുണ്‍ കടുത്ത ദേഷ്യത്തിലാണ് ഗാര്‍ഡുമാരെ തല്ലിയതെന്ന് ദൃശ്യങ്ങളില്‍ നിന്ന് വ്യക്തമാണ്. സുരക്ഷാ ഗാര്‍ഡുമാരെല്ലാം ജോലി നിര്‍ത്തിയിരിക്കുകയാണ്. ഫ്‌ളാറ്റിലെ ജീവനക്കാര്‍ക്ക് ആവശ്യമായ കാര്യങ്ങള്‍ക്കായി രാപകലില്ലാതെ അധ്വാനിക്കുന്നവരാണ് ഞങ്ങളെന്ന് സുരക്ഷാ ജീവനക്കാരന്‍ പറയുന്നു.

ഇതൊക്കെ എത്ര കണ്ടതാ; ഹര്‍ദിക് പാണ്ഡ്യയുടെ ആ എക്‌സ്പ്രഷന്‍ വൈറല്‍, കോണ്‍ഫിഡന്‍സെന്ന് ആരാധകര്‍

ചില താമസക്കാര്‍ തങ്ങളെ അടിമകളെ പോലെയാണ് കാണുന്നതെന്നും സുരക്ഷാ ജീവനക്കാരന്‍ വ്യക്തമാക്കി. മൂന്നോ നാലോ മിനുട്ടിനുള്ളില്‍ വരുണിനെ പുറത്തിറങ്ങാന്‍ ഞാന്‍ സഹായിച്ചിരുന്നു. എന്നാല്‍ പുറത്തിറങ്ങിയ ഉടനെ അയാള്‍ എന്നെ അടിക്കാന്‍ തുടങ്ങിയെന്നും അശോക് കുമാര്‍ പറയുന്നു. വരുണിനെതിരെ പോലീസ് കേസെടുത്തിട്ടുണ്ട്. ഗുരുഗ്രാം പോലീസിലാണ് പരാതി ലഭിച്ചത്. മാധ്യമപ്രവര്‍ത്തകനായ ശിവ് അരൂരും ഇയാള്‍ക്കെതിരെ കടുത്ത നടപടി ആവശ്യപ്പെട്ടിട്ടുണ്ട്. സുരക്ഷാ ഗാര്‍ഡിന് കിട്ടിയ അടിപോലെ വരുണിനും കിട്ടണമെന്നും അരൂര്‍ പറഞ്ഞു.