പ്രായപൂർത്തിയായ പുരുഷനും സ്ത്രീയും; മണിക്കുട്ടനോട് തോന്നിയത് അഫക്ഷന്‍, സൂര്യ മനസ്സ് തുറക്കുന്നു

ബിഗ് ബോസ് മലയാളം സീസണ്‍ 3 ലെ ഏറ്റവും പ്രധാനപ്പെട്ട മത്സരാർത്ഥികളിലൊരാളായിരുന്നു സൂര്യ. തന്റേതായ മത്സര രീതിയിലൂടെ മുന്നേറിയ താരത്തിന് ഗ്രാന്‍ഡ് ഫിനാലയ്ക്ക് തൊട്ടടുത്ത് വരെ എത്താന്‍ സാധിച്ചു. മണിക്കുട്ടനോടുള്ള വണ്‍വേ പ്രണയത്തിന്റെ പേരില്‍ ഒട്ടനവധി വിമർശനങ്ങളും താരത്തിന് നേരിടേണ്ടി വന്നിരുന്നു. താരത്തിനെ അനുകൂലിക്കുന്നവരെ എണ്ണത്തിനും ഒട്ടും കുറവുണ്ടായിരുന്നില്ല.

ഇപ്പോഴിതാ തന്റെ ബിഗ് ബോസ് വിശേഷങ്ങളുമായി വീണ്ടും രംഗത്ത് എത്തിയിരിക്കുകയാണ് താരം. ബിഗ് ബോസില്‍ നിന്നും പുറത്ത് വന്നപ്പോള്‍ ആദ്യം കാണുന്നത് ചില ട്രോളുകളാണ്. അത് കണ്ടപ്പോള്‍ വലിയ വിഷമം തോന്നിയെന്നാണ് ബിഗ് ബോസ് മല്ലു ടോക്ക്സ് എന്ന യൂട്യൂബ് ചാനലിന് നല്‍കിയ അഭിമുഖത്തില്‍ സൂര്യ പറയുന്നത്.

മണിക്കുട്ടനുമായുള്ള കോമ്പോയെക്കുറിച്ചും അഭിമുഖത്തില്‍ താരം തുറുന്ന് പറയുന്നുണ്ട്. ഒരു കോമ്പോ പിടിക്കുകയെന്ന ഉദ്ദേശത്തോട് കൂടിയൊന്നും ആയിരുന്നില്ല ഞാന്‍ പ്രവർത്തിച്ചത്. തുടക്കം മുതല്‍ തന്നെ എനിക്ക് നല്ല പിന്തുണ നല്‍കിയിരുന്ന ആളായിരുന്നു. ഞങ്ങള്‍ പ്രായപൂർത്തിയായ പുരുഷനും സ്ത്രീയുമാണ്. അപ്പോള്‍ തോന്നിയ ഒരു അഫക്ഷനാണ്. അങ്ങനെ തോന്നിയ കാര്യമാണ് ആ ബന്ധപ്പെന്നും താരം പറയുന്നു.

ഇക്കാര്യം പുറത്ത് നെഗറ്റീവായി വരുമെന്ന് എനിക്ക് അറിയാമായിരുന്നു. നമ്മള്‍ എത്ര സ്ത്രീ-പുരുഷ സമത്വമെന്ന് പറഞ്ഞാലും ഒരു പെണ്‍കുട്ടി ഒരു ആണ്‍കുട്ടിയോട് പ്രപ്പോസ് ചെയ്യുക എന്ന് പറയുന്നത് അത്രത്തോളം അംഗീകരിക്കില്ല. നേരെ തിരിച്ചാണെങ്കില്‍ അത് വലിയ മാസൊക്കെയാവും. സ്ത്രീകള്‍ പറഞ്ഞാല്‍ അത് അംഗീകരിക്കില്ല. എങ്കിലും എനിക്ക് എന്റെ കാര്യം മറച്ച് വെക്കാന്‍ തോന്നിയില്ല. എന്റെ കാര്യം ഞാന്‍ പറഞ്ഞു.

സീസണ്‍ 3 യില്‍ ടോം ആന്‍ഡ് ജെറി കോംമ്പോ എന്ന് പറയാവുന്ന രണ്ടുപേരായിരുന്നു ഞാനും രമ്യയും. ഇന്ന് എന്റെ ഏറ്റവും അടുത്ത സുഹൃത്ത് രമ്യയാണ്. ബിഗ് ബോസ് കഴിഞ്ഞ പുറത്തേക്ക് ഇറങ്ങിയപ്പോള്‍ അവള്‍ ഗെയിം വിട്ടു. അത്രയേയുള്ള കാര്യം. ഡിംപല്‍ ഉള്‍പ്പടെ എല്ലാവരുമായി നല്ല സഹൃദമാണ്. സ്ഥിരമായി വിളിക്കാറില്ലെങ്കിലും എല്ലാവരുമായി ബന്ധമുണ്ടെന്നും സൂര്യ വ്യക്തമാക്കുന്നു.

സൈബർ അറ്റാക്ക് ശക്തമായിരുന്നു. എനിക്ക് നേരെ ഉണ്ടായതില്‍ അത്ര വിഷമം ഉണ്ടായിരുന്നില്ല. എന്നാല്‍ അമ്മയേയും അച്ഛനേയുമൊക്കെ ഒരുപാട് പറഞ്ഞു. അവർ ഇതൊന്നും കേള്‍ക്കാന്‍ അർഹത ഇല്ലാത്തവരാണ്. എന്നിട്ട് പോലും എന്തൊക്കെയോ അനാവശ്യം പറഞ്ഞുണ്ടാക്കി. അപ്പോഴാണ് എന്റെ മരണമാണോ നിങ്ങള്‍ കാണാന്‍ ആഗ്രഹിക്കുന്നത് ഡിയർ ആർമീസ് എന്ന് ചോദിച്ചുകൊണ്ട് ഒരു സ്റ്റാറ്റസ് ഇട്ടത്.

ഉടന്‍ വന്ന, ഏത് ആർമിയെയാണ് ഉദ്ദേശിച്ചതെന്നും ചോദിച്ച് അടുത്ത അറ്റാക്ക്. ഞാന്‍ ഇരവാദം കളിക്കുകയാണോയെന്നായിരുന്നു അവരുടെ ചോദ്യം. എന്നെ എന്തും പറഞ്ഞോട്ടെ, പക്ഷെ കുടുംബത്തേക്കൂടി ഇതിലേക്ക് ഉള്‍പ്പെടുത്തുന്നത് എന്തിനാണ്. അച്ഛനും അമ്മയും വയസ്സായ രണ്ട് പേരാണ്. പറഞ്ഞ് വരുന്നത് സൈബർ അറ്റാക്ക് എന്ന് പറയുന്നത് ഇതിന്റെ ഭാഗമാണ്. ഇപ്പോഴും അതുണ്ടാവുന്നുണ്ട്.

കൊച്ചു കൊച്ചു കാര്യങ്ങളില്‍ പോരും സങ്കടം വരുന്ന ആളാണ് ഞാന്‍. അതുപോലെ ആളുകളുമായി സൌഹൃദം ഉണ്ടാക്കിയെടുക്കാനും വലിയ താല്‍പര്യമുണ്ട്. എന്നാല്‍ നമ്മള്‍ പറയുന്ന കാര്യങ്ങളും അവർ മനസ്സിലാക്കിയെടുക്കുന്ന കാര്യങ്ങളും തമ്മില്‍ വ്യത്യാസമുണ്ട്. അതുകൊണ്ട് തന്നെ പലപ്പോഴും ഒറ്റപ്പെടുന്ന ഒരു അവസ്ഥയുണ്ടായെന്നും അഭിമുഖത്തില്‍ സൂര്യ അഭിപ്രായപ്പെടുന്നു

English summary

Bigg Boss Malayalam season 3 fame soorya says she felt for Manikuttan was affection