പണം ചെലവാക്കിയെന്ന വാദം ശാസ്ത്രീയമല്ല
15000 കോടി ചെലവാക്കിയതുകൊണ്ട് പദ്ധതി നടപ്പിലാക്കണമെന്ന വാദം ശാസ്ത്രീയമല്ല. ഇതിനേക്കാള് കൂടുതല് നഷ്ടം സഹിച്ചും ഒട്ടേറെ ആണവ പദ്ധതികള് ഉപേക്ഷിച്ച ചരിത്രമുണ്ട്. അമേരിക്കയിലെ ഷോര്ഹാമില് 600കോടി ഡോളര്(30000കോടി രൂപ) മുടക്കി പണിതീര്ത്ത ആണവനിലയം ജനങ്ങളുടെ സുരക്ഷാഭീതിയെ തുടര്ന്ന് വേണ്ടെന്നു വെച്ചു.
ഇതുപോലെ അനേകം ആണവനിലയങ്ങള് അമേരിക്കയില് തന്നെ ഉപേക്ഷിച്ചിട്ടുണ്ട്. അവയില് പലതും ഗ്യാസ് കത്തിക്കുന്ന പദ്ധതികളായി പരിവര്ത്തനം നടത്തി. മറ്റു ചിലത് മ്യൂസിയങ്ങളാക്കി മാറ്റി. 1986ല് ഫിലിപ്പീന്സില് പണിതീര്ത്ത ആണവ നിലയവും ഹുകുഷിമ ദുരന്തത്തെ തുടര്ന്ന് ഉപേക്ഷിച്ചു.
ജര്മനിയാകട്ടെ അവരുടെ എല്ലാ ആണവനിലയങ്ങളും ക്രമേണ അടച്ചുപൂട്ടി ആണവവിമുക്ത ഊര്ജ്ജ വ്യവസ്ഥയിലേക്ക് മാറാന് തീരുമാനിച്ചു. ജപ്പാന് 35 ആണവനിലയങ്ങള് അടച്ചുപൂട്ടി. 2030ഓടെ ജപ്പാനെ പൂര്ണമായും ആണവവിമുക്തമാക്കുമെന്നാണ് ഭരണാധികാരികളുടെ പ്രഖ്യാപനം.
ലോകത്താസകലം ഈ വിധത്തിലുള്ള സമീപനങ്ങള് ആണവനിലയങ്ങള്ക്കെതിരേ വരുമ്പോഴാണ് ഊര്ജ്ജ പ്രതിസന്ധിക്ക് ഏകപരിഹാരം ആണവനിലയങ്ങള് മാത്രമാണെന്ന് ചില ശാസ്ത്രകാരന്മാരും ഭരണാധികാരികളും ആവര്ത്തിച്ചു പറയുന്നതും നിസ്സഹായരായ ജനങ്ങള്ക്കു മേല് അടിച്ചേല്പ്പിക്കുന്നതും.
മുന് പേജില് വായിക്കുക
ആണവനിലയങ്ങളല്ല, ബദലുകളാണ് പരിഹാരം
അടുത്ത പേജില് വായിക്കുക