എന്തിനാണ് ആളുകള്‍ മതം മാറുന്നത്?

പലരും പല കാരണങ്ങള്‍ കൊണ്ടാകും മതം മാറുന്നത്. ചിലര്‍ പ്രത്യേക മതത്തിനോടുള്ള താത്പര്യം കൊണ്ടായിരിക്കും. ചിലര്‍ക്ക് വേറെ എന്തെങ്കിലും സ്വകാര്യ താത്പര്യം ഉണ്ടായിരിക്കാം....

എന്നാല്‍ ഇപ്പോഴത്തെ മത പരിവര്‍ത്തനങ്ങള്‍ ഇതിന്റെ പരിധിയില്‍ നില്‍ക്കുന്നില്ല എന്നതാണ് പ്രശ്‌നം. മതങ്ങള്‍ തമ്മിലുള്ള യുദ്ധത്തിന്റെ ഭാഗമാവുകയാണ് അടുത്ത കാലത്തെ പല മത പരിവര്‍ത്തന സംഭവങ്ങളും. ഇന്ത്യയുടെ സമാധാനാന്തരീക്ഷത്തിന് തന്നെ ഇത്തരം നീക്കങ്ങള്‍ പ്രതിസന്ധി സൃഷ്ടിച്ചേക്കാം.

മത പ്രചാകരകര്‍ മതം വില്‍ക്കുന്ന കച്ചവടക്കാരായി മാറിക്കൊണ്ടിരിക്കുകയാണെന്ന് നിരവധി പരാതികള്‍ ഉയരുന്നുണ്ട്. പലപ്പോഴും കാരുണ്യ പ്രവര്‍ത്തനങ്ങളും ഇത്തരക്കാര്‍ മതപരിവര്‍ത്തനത്തിനായി ഉപയോഗിക്കുന്നു. ചിലപ്പോള്‍ പണമാകും ഉപയോഗിക്കുക.

മറ്റ് ചിലര്‍ വ്യക്തിഗത ആനുകൂല്യങ്ങള്‍ ലഭിക്കുന്നതിനാണ് മതം മാറുന്നത്. സംവരണം ലഭിക്കാനോ, കൂടുതല്‍ വിവാഹങ്ങള്‍ കഴിക്കാനോ, വിവാഹ മോചനം നേടാനോ മതം മാറുന്നവരും ഉണ്ട്. പലപ്പോഴും പ്രമുഖരുടെ മതം മാറ്റങ്ങള്‍ ആഘോഷിക്കപ്പെടുകയും മറ്റുള്ളവരെ മതത്തിലേക്ക് ആകര്‍ഷിക്കാനുള്ള മാര്‍ഗ്ഗമാക്കി മാറ്റുകയും ചെയ്യുന്നുണ്ട് പലരും.

English summary

Explained: The law on religious conversions in India