പുരുളിയ ആയുധകേസിലെ പ്രതികളായ റഷ്യക്കാരെ വിട്ടയച്ചു

കല്‍ക്കത്ത: പുരുളിയയില്‍ ആയുധമിറക്കിയ കേസില്‍ ജീവപര്യന്തം തടവിന് ശിക്ഷിക്കപ്പെട്ട് ജയിലില്‍ കഴിയുകയായിരുന്ന അഞ്ച് റഷ്യക്കാരെ ജൂലൈ 22 ശനിയാഴ്ച്ച മോചിപ്പിച്ചു.

ഇന്ത്യന്‍ വിദേശകാര്യ വകുപ്പും റഷ്യന്‍ പ്രധാനമന്ത്രി വ്ലാദിമിര്‍ പുട്ടിനും തമ്മിലുള്ള ധാരണ പ്രകാരമാണ് റഷ്യക്കാരായ പ്രതികളെ മോചിപ്പിച്ചത്.

അലക്സാണ്ടര്‍ ക്ലിച്ചിനെ, ഒലെഗ് ഗയിദാഷ്, ഇഗോര്‍ മോസ്ക്വിറ്റിന്‍, ഇഗോര്‍ ടിമ്മര്‍മാന്‍, ആന്റിമെങ്കോ ഇയുഗുനി എന്നിവരെയാണ് മോചിപ്പിച്ചത്. ബ്രിട്ടീഷുകാരനായ പീറ്റര്‍ ബ്ലീച്ച് ആണ് ശിക്ഷിക്കപ്പെട്ട മറ്റൊരാള്‍. ബ്ലീച്ചിനെമോചിപ്പിച്ചിട്ടില്ല. 95 മുതല്‍ ഇവര്‍ ജയിലിലാണ്.

റഷ്യക്കാരെ കല്‍ക്കത്ത സെഷന്‍സ് കോടതിയില്‍ ഹാജരാക്കിയതിനുശേഷം റഷ്യന്‍ എംബസി ഉദ്യോഗസ്ഥര്‍ക്ക് കൈമാറി. രണ്ടു കാറിലായി ഇവരെ എംബസി ഉദ്യോഗസ്ഥര്‍ കൊണ്ടുപോയി. തിങ്കളാഴ്ച്ച ഇവരെ റഷ്യയിലേക്ക് കൊണ്ടുപോകും.

1995 ഡിസംബര്‍ 17ന് രാത്രിയില്‍ പുരുളിയയില്‍ ആയുധമിറക്കിയ വിമാനത്തിലെ ജീവനക്കാരായിരുന്നു ഇവര്‍. പശ്ചിമ ബംഗാള്‍ സര്‍ക്കാരിനെതിരെ യുദ്ധത്തിന് ഗൂഢാലോചന നടത്തിയെന്നായിരുന്നു ഇവര്‍ക്കെതിരായ കേസ്.