ഐഎന്എല് വര്ഗീയകക്ഷിയല്ല: നായനാര്
തിരുവനന്തപുരം: ഇന്ത്യന് നാഷണല് ലീഗ് വര്ഗീയകക്ഷിയല്ലെന്ന് മുഖ്യമന്ത്രി ഇ.കെ.നായനാര് അഭിപ്രായപ്പെട്ടു. സിപിഎമ്മിന്റെ തീരുമാനപ്രകാരമാണ് നിയമസഭാ തിരഞ്ഞെടുപ്പില് ഐഎന്എല്ലുമായി ധാരണയുണ്ടാക്കിയിരിക്കുന്നതെന്നും അദ്ദേഹം പറഞ്ഞു.
ഏപ്രില് 18 ബുധനാഴ്ച മന്ത്രിസഭായോഗത്തിനു ശേഷം വാര്ത്താ സമ്മേളനത്തില് സംസാരിക്കുകയായിരുന്നു അദ്ദേഹം. ഐഎന്എല് വര്ഗീയകക്ഷിയാണെന്ന് വി.എസ്.അച്ചുതാനന്ദന് പറഞ്ഞതു ചൂണ്ടിക്കാട്ടിയപ്പോള് അത് അയാളോടു ചോദിക്കണമെന്നായിരുന്നു മറുപടി.
ഐഎന്എല്ലിനെയും ചെറിയാന് ഫിലിപ്പിനെയും പിന്തുണക്കുന്നത് പാര്ട്ടിനയത്തെ അടിസ്ഥാനമാക്കിയാണ്. ബിജെപിയെയും കോണ്ഗ്രസിനെയും എതിര്ക്കുന്ന ഗ്രൂപ്പുകളുമായും വ്യക്തികളുമായും സഹകരിക്കണമെന്ന് പാര്ട്ടി പ്രമേയം പാസാക്കിയിട്ടുണ്ട്.
ഐഎന്എല് മത്സരിക്കുന്ന മണ്ഡലങ്ങളില് പ്രചാരണത്തിനിറങ്ങുമോ എന്നു ചോദിച്ചപ്പോള് കണ്ണൂരില് ഐഎന്എല് സ്ഥാനാര്ഥിക്കു വേണ്ടി താനും പിണറായി വിജയനും പ്രസംഗിച്ചിട്ടുണ്ടെന്ന് നായനാര് പറഞ്ഞു. എന്നാല് ഐഎന്എല്ലിനെ ഘടകക്ഷിയാക്കില്ല.
വിഎസ് അച്ചുതാനന്ദന് മത്സരിക്കുന്ന മലമ്പുഴയില് പോകുമോ എന്ന് ചോദിച്ചപ്പോള് നായനാര് വ്യക്തമായി മറുപടി നല്കിയില്ല.
ബിജെപി-കോണ്ഗ്രസ് ബന്ധത്തെ കുറിച്ച് ആന്റണിയും കരുണാകരനും നിലപാട് വ്യക്തമാക്കണമെന്ന് നായനാര് ആവര്ത്തിച്ചു. ഫലത്തില് യുഡിഎഫ് ഇല്ലാത്ത അവസ്ഥയാണ്. മാര്ക്സിസ്റ് വിരുദ്ധരുടെ ഒരു കൂട്ടം മാത്രമാണത്.