സാംപ്രസ് പുറത്ത്; ഹെവിറ്റിന് ജയം
റൊളാങ് ഗാരോസ്: ഫ്രഞ്ച് ഓപ്പണ് ടെന്നീസില് ആദ്യറൗണ്ടില് തന്നെ അമേരിക്കന് ടെന്നീസ് താരം പീറ്റ് സാംപ്രസ് പുറത്തായി. അതേസമയം പുരഷന്മാരുടെ വിഭാഗത്തിലെ ഒന്നാം സീഡ് ഹെവിറ്റും വനിതാവിഭാഗത്തിലെ രണ്ടാം സീഡ് വീനസ് വില്യംസും രണ്ടാം റൗണ്ടില് കടന്നു.
ഇറ്റലിക്കാരന് ആന്ഡ്രിയ ഗോഡെന്സിയാണ് പീറ്റ് സാംപ്രസിന്റെ ഫ്രഞ്ച് ഓപ്പണ് കിരീടമോഹം തകര്ത്തത്. ഒന്നിനെതിരെ നാല് സെറ്റുകള്ക്കാണ് ആന്ഡ്രിയ ഗോഡെന്സി സാംപ്രസിനെ തോല്പിച്ചത്(സ്കോര്: 3-6, 6-4, 6-2, 7-6). മൂന്നു മണിക്കൂര് നീണ്ട പോരാട്ടത്തിനൊടുവിലാണ് സാംപ്രസ് കീഴടങ്ങിയത്.
ഹെവിറ്റ് ബ്രസീലിന്റെ ആന്ഡ്രെ സായെ നേരിട്ടുള്ള സെറ്റുകള്ക്ക് തോല്പിച്ചു.(സ്കോര്: 7-5, 6-4, 7-5). പക്ഷെ ആസ്തേലിയന് താരം ഹെവിറ്റിന് വിജയം നേടാന് നന്നേ അധ്വാനിക്കേണ്ടി വന്നു. വീനസ് വില്യംസ് വെറും 65 മിനിറ്റുകള്ക്കുള്ളില് ജര്മ്മനിയുടെ ബിയാങ്ക ലമാഡയെ തോല്പിച്ചു.(സ്കോര്: 6-3, 6-3).