എസ്എംഇ പീഡനം: വനിതാ ഡോക്ടര് കൂറുമാറി
കോട്ടയം: എസ്എംഇ പീഡനക്കേസിലെ 22ാം സാക്ഷി വനിതാ ഡോക്ടര് കൂറുമാറി. കോട്ടയം മെഡിക്കല് കോളെജ് സൈക്യാട്രി വിഭാഗത്തിലെ പോസ്റ്റ് ഗ്രാജ്വേറ്റ് വിദ്യാര്ത്ഥിനി ഡോക്ടര് ഡയാനയാണ് കൂറുമാറിയത്.
ബുധനാഴ്ച നടന്ന വിസ്താരവേളയില് പ്രത്യേക കോടതിയാണ് ഡയാന കൂറുമാറിയതായി പ്രഖ്യാപിച്ചത്. കേസുമായി ബന്ധപ്പെട്ട് ആദ്യം പൊലീസ് നല്കിയ മൊഴിയില് നിന്നും വ്യത്യസ്തമായ കാര്യങ്ങളാണ് ഡയാന കോടതിയില് പറഞ്ഞത്.
ഇതേത്തുടര്ന്നാണ് ഇവര് കൂറുമാറിയെന്ന് പ്രോസിക്യൂഷന്റെ ആവശ്യപ്രകാരം കോടതി പ്രഖ്യാപിച്ചത്. പ്രത്യേക കോടതി ജഡ്ജി കെ ശശിധരന് നായര് മുമ്പാകെയായിരുന്നു വിസ്താരം. അവരെ ഡിസംബര് 23ന് തുടര്ന്ന് വിസ്തരിക്കും.
കോട്ടയം മെഡിക്കല് കോളെജിനോട് അനുബന്ധിച്ചുള്ള സ്കൂള് ഓഫ് മെഡിക്കല് എജ്യുക്കേഷനിലെ ഒന്നാം വര്ഷ വിദ്യാര്ത്ഥിനിയെ മൂന്നാം വര്ഷ വിദ്യാര്ത്ഥികള് റാഗ് ചെയ്യുകയും ലാബ് മുറിയില് വച്ച് പീഡിപ്പിക്കുകയും ചെയ്തുവെന്നാണ് കേസ്. 2005 ഒക്ടോബര് 21നാണ് സംഭവം നടന്നത്.