Click it and Unblock the Notifications
Just In
Don't Miss
-
2024 ജീപ്പ് റാങ്ലർ ഫെയ്സ്ലിഫ്റ്റിൻ്റെ വീഡിയോ റിവ്യൂ കാണാം -
സിജോ തന്നെ ഊച്ചാളിയെന്ന് വിളിച്ചെന്ന പരാതിയുമായി ശ്രീതു, ഊച്ചാളിയുടെ അർത്ഥം പറഞ്ഞ് കൊടുക്കാൻ പാടുപെട്ട് അർജുൻ -
IPL 2024: മുംബൈ ശക്തരായ ടീം, പക്ഷെ ഇത് പേപ്പറില് മാത്രമാണ്! പരിഹസിച്ച് എബിഡി -
ഏത് വിലയിലും കിടിലൻ സ്മാർട്ട്ഫോൺ റെഡി! 11 വിലകളിൽ ഫോണുമായി ഐക്യൂ Z9 സീരീസ് ലോഞ്ച് ചെയ്തു -
260 ശതമാനം ലാഭം, നിക്ഷേപകരുടെ ഹൃദയം കവർന്ന കെമിക്കൽ ഓഹരി, നിങ്ങളുടെ കയ്യിലുണ്ടോ..? -
മേയ് 2024: ഭാഗ്യ സംഖ്യകളില് ജീവിതം രക്ഷപ്പെടുന്നവര് -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
അഭയ സിബിഐയുടെ ഹര്‍ജി പരിഗണിക്കുന്നു
ദില്ലി: അഭയ കൊലക്കേസിലെ പ്രതികളായ ഫാദര്‍ കോട്ടൂര്‍, ഫാദര്‍ പൂതൃക്കയില്‍, സിസ്റ്റര്‍ സെഫി എന്നിവര്‍ക്ക്‌ ജാമ്യം അനുവദിച്ച ഹൈക്കോടതി വിധിയെ ചോദ്യം ചെയ്‌ത്‌ സിബിഐ നല്‍കിയ ഹര്‍ജി സുപ്രീം കോടതി വെള്ളിയാഴ്‌ച പരിഗണിക്കും. പ്രതികള്‍ക്ക്‌ ജാമ്യം അനുവദിച്ച്‌ കൊണ്ട്‌ ജസ്റ്റിസ്‌ ഹേമ നടത്തിയ പരാമര്‍ശങ്ങള്‍ സിബിഐയുടെ വിശ്വാസ്യതയെ ചോദ്യം ചെയ്യുന്നതാണെന്നും ചൂണ്ടിക്കാട്ടിയാണ്‌ സിബിഐ സുപ്രീം കോടതിയില്‍ ഹര്‍ജി സമര്‍പ്പിച്ചിരിയ്‌ക്കുന്നത്‌.
കേസിന്റെ അന്വേഷണം സിബിഐയുടെ ദില്ലി ഘടകത്തില്‍ നിന്ന്‌ കേരളാ ഘടകത്തിലേക്ക്‌ മാറ്റാന്‍ ജസ്റ്റിസ്‌ രാംകുമാര്‍ നല്‍കിയ ഉത്തരവിനെതിരെ സിബിഐ സമര്‍പ്പിച്ച ഹര്‍ജിയും സുപ്രീം കോടതി വെള്ളിയാഴ്‌ച പരിഗണിക്കും.
കഴിഞ്ഞയാഴ്‌ച കേസ് വാദത്തിനെടുത്തപ്പോള്‍ സിബിഐയ്‌ക്ക്‌ വേണ്ടി ഹാജരാവേണ്ടിയിരുന്ന അഡീഷണല്‍ സോളിസിറ്റര്‍ ജനറല്‍ ഹിരണ്‍ സി റാവല്‍ ഹാജരാവാത്തതിനെ തുര്‍ന്ന്‌ മാറ്റിവെച്ച ഹര്‍ജിയാണ്‌ വെള്ളിയാഴ്‌ച പരിഗണിക്കുന്നത്‌.
ഹിരണ്‍ സി റാവലിന്‌ പകരം സിബിഐക്ക്‌ വേണ്ടി ഹാജരായ സുഭാഷ്‌ കൗശിക്കിന്‌ കേസിന്റെ വിശദാംശങ്ങള്‍ അറിയില്ലെന്ന്‌ കോടതി വിമര്‍ശിച്ചിരുന്നു. അഭിഭാഷകര്‍ കേസ് പഠിച്ചിട്ടുവേണം കോടതിയില്‍ ഹാജരാവാനെന്നും കോടതി നിര്‍ദ്ദേശിച്ചിരുന്നു. ഈ സാഹചര്യത്തില്‍ വെള്ളിയാഴ്‌ച മുതിര്‍ന്ന അഭിഭാഷകര്‍ തന്നെ ഹാജരാവുമെന്നാണ്‌ കരുതപ്പെടുന്നത്‌. കഴിഞ്ഞ ദിവസം കേസിലെ മൂന്ന്‌ സാക്ഷികളുടെ നാര്‍ക്കോ പരിശോധന സുപ്രീം കോടതി സ്‌റ്റേ ചെയ്‌തിരുന്നു.
