മുംബൈ ആക്രമണത്തില് പങ്കില്ലെന്ന് റാണ
അഭിഭാഷകന് മുഖേനയാണ് റാണ ഇക്കാര്യം അറിയിച്ചത്. യുഎസ് പൌരന് ഡേവിഡ് കോള്മാന് ഹെഡ്ലിക്കൊപ്പം എഫ്ബിഐ യുടെ പിടിയിലായതിനു ശേഷമുള്ള റാണയുടെ ആദ്യ പ്രതികരണമാണിത്.
മുംബൈ ഭീകരാക്രമണവുമായി ബന്ധപ്പെട്ട് ചോദ്യം ചെയ്തു വരുന്നതിനിടെയാണ് റാണ അതില് തനിക്ക് പങ്കില്ലെന്ന് വ്യക്തമാക്കിയിരിക്കുന്നത്.
ഇന്ത്യക്കാര്ക്ക് എതിരെ പ്രവര്ത്തിക്കണമെന്ന ലക്ഷ്യങ്ങളൊന്നും റാണയ്ക്ക് ഉണ്ടായിരുന്നില്ലെന്നും ഇന്ത്യയുമായി നല്ല ബന്ധം തുടരാന് അയാള് ആഗ്രഹിക്കുന്നുണ്ടെന്നും റാണയുടെ അഭിഭാഷകന് ബ്ളെഗന് പറഞ്ഞു.
ബിസിനസ് വളര്ത്തുവാനായി റാണ ഒരുപാടു യാത്ര ചെയ്യുകയും കഠിന പരിശ്രമം നടത്തുകയും ചെയ്തിട്ടുണ്ട്. അതേക്കുറിച്ചു അമേരിക്കയിലെ ഇന്ത്യന് സമൂഹത്തിനു വ്യക്തമായി അറിയാമെന്നും അഭിഭാഷകന് പറഞ്ഞു.
ഡിസംബര് 2 നാണ് റാണയുടെ ജാമ്യ ഹര്ജി അമേരിക്കന് കോടതി പരിഗണിക്കുന്നത്. ഹെഡ്ലി -റാണ കേസിന്റെ വിവരങ്ങള് ഇന്ത്യയുമായി പങ്കുവെക്കാനായി എഫ്ബിഐ സംഘത്തെ ഇൌയാഴ്ച തന്നെ ഇന്ത്യയിലേയ്ക്കെത്തുന്നുണ്ട്.