മരണസര്ട്ടിഫിക്കറ്റ്: പഞ്ചായത്തില് ആത്മഹത്യാശ്രമം
അപേക്ഷിച്ച് ഒന്നരവര്ഷമായിട്ടും മരണ സര്ട്ടിഫിക്കറ്റ് ലഭിക്കാത്തതിനെത്തുടര്ന്ന് കൊടുങ്ങല്ലൂര് സ്വദേശി ഉണ്ണിക്കൃഷ്ണ(45)നാണ് പഞ്ചായത്ത് ഓഫിസില് ആത്മഹത്യാശ്രമം നടത്തിയത്.
വ്യാഴാഴ്ച ഉച്ചയോടെയായിരുന്നു സംഭവം. ഉണ്ണിക്കൃഷ്ണനെ പൊലീസ് ആശുപത്രിയിലാക്കി. അമ്മാവന്റെ മരണസര്ട്ടിഫിക്കറ്റിന് വേണ്ടി് ഒരു വര്ഷമായി ഇദ്ദേഹം പഞ്ചായത്ത് ഓഫീസ് കയറിയിറങ്ങാന് തുടങ്ങിയിട്ട്.
അമ്മാവനോടൊപ്പമായിരുന്നു ഉണ്ണികൃഷ്ണന് താമസിച്ചിരുന്നത്. അദ്ദേഹത്തിന്റെ മരണശേഷം അതേ പുരയിടത്തില് വീടുവയ്ക്കാന് ശ്രമം നടത്തിയപ്പോഴാണ് ഉടമസ്ഥാവകാശത്തിനു മരണ സര്ട്ടിഫിക്കറ്റ് ആവശ്യമാണെന്ന് അധികൃതര് അറിയിച്ചു.
തുടര്ന്ന് അപേക്ഷയും പഞ്ചായത്ത് ആവശ്യപ്പെട്ടതനുസരിച്ചു മുദ്രപത്രവും വാങ്ങി നല്കി. എന്നാല്, മാസങ്ങള് കഴിഞ്ഞിട്ടും സര്ട്ടിഫിക്കറ്റ് ലഭിച്ചില്ല.
അപേക്ഷ നല്കാന് വൈകിയതിനാല് ആര്ഡിഒയുടെ അനുമതിയോടെ മാത്രമേ സര്ട്ടിഫിക്കറ്റ് ലഭിക്കുകയുള്ളൂവെന്നും തൃശൂരില് പോകണമെന്നും ഉണ്ണിക്കൃഷ്ണനോട് പഞ്ചായത്ത് അധികൃതര് നിര്ദേശിച്ചു.
തൃശൂര് കലക്ടറേറ്റില് അന്വേഷിച്ചെങ്കിലും പഞ്ചായത്തില്നിന്ന് അപേക്ഷ വന്നിട്ടില്ലെന്നാണ് അറിഞ്ഞത്. ഇതിനിടയില് വീടുവയ്ക്കാന് ഹരിജന് വെല്ഫെയര് ബോര്ഡില്നിന്ന് 75,000 രൂപ ഉണ്ണിക്കൃഷ്ണന് അനുവദിച്ചു.
വീടിന്റെ രേഖകള് ശരിയാക്കിയിട്ടില്ലാത്തതിനാല് ആനുകൂല്യം ലഭിക്കാനിടയില്ലെന്ന് അറിഞ്ഞതോടെ ഉണ്ണിക്കൃഷ്ണന് വീണ്ടും പഞ്ചായത്തിലെത്തി വിവരം തിരക്കി. അപ്പോള് പുതിയ അപേക്ഷ നല്കാനാണ് അധികൃതര് ആവശ്യപ്പെട്ടത്. ഇതേ കേട്ട് മനംനൊന്ത് ഉണ്ണിക്കൃഷ്ണന് ഞരമ്പ് മുറിക്കുകയായിരുന്നു.
സര്ട്ടിഫിക്കറ്റിനായി ഉണ്ണിക്കൃഷ്ണന് അപേക്ഷ നല്കിയിട്ടില്ലെന്നാണ് പഞ്ചായത്ത് അധികൃതര് പറയുന്നത്.