ഉദ്യോഗസ്ഥ തന്നെ അടിമയാക്കിയെന്ന് യുവതി
ദില്ലി: ഇന്ത്യന് വിദേശകാര്യ ഉദ്യോഗസ്ഥ മൂന്നിലേറെ വര്ഷം അടിമയാക്കിവച്ചുവെന്ന് യുവതിയുടെ പരാതി.
ഇരുപത്തിയൊന്നുകാരിയായ ശാന്തി ഗുരുങ് ആണ് അമേരിക്കയിലെ ഇന്ത്യന് വിദേശകാര്യ ഉദ്യോഗസ്ഥയായ നീന മല്ഹോത്രയ്ക്കും ഭര്ത്താവിനുമെതിരെ പരാതി ഫയല് ചെയ്തിരിക്കുന്നത്.
അടിമയാക്കിവച്ച് പ്യൂണിന്റെ പണിവരെ ചെയ്യിച്ചുവെന്നാണ് പരാതി. ന്യൂയോര്ക്കിലായിരുന്ന നീന ഒരു വര്ഷം മുമ്പാണ് ഇന്ത്യയിലേയ്ക്ക തിരിച്ചുവന്നത്.
ഇപ്പോള് ഇവര് വിദേശകാര്യമന്ത്രാലയത്തിന്റെ സതേണ് ഡിവിഷണില് ഡയറക്ടറായി ജോലി നോക്കുകയാണ്. 2006 മാര്ച്ചില് നീനയും ഭര്ത്താവും മാസം അയ്യായിരം രൂപ വാഗ്ദാനം ചെയ്ത് ശാന്തിയെ അമേരിക്കയിലേയ്ക്ക് കൊണ്ടുപോവുകയായിരുന്നുവത്രേ.
ആറുമാസം കൂടുമ്പോള് ശംബളം കൂ്ട്ടി നല്കുമെന്നും ഇവര് വാഗ്ദാനം ചെയ്തിരുന്നുവെന്ന് ശാന്ത് പറയുന്നു.
എന്നാല് യുഎസിലെത്തിയശേഷം തനിക്ക് ഒരു തവണ 5,500 രൂപ നല്കിയതല്ലാതെ പിന്നീട് പണമൊന്നും തന്നില്ലെന്നും ജോലി ഉപേക്ഷിച്ച് പോകാന് ശ്രമിച്ചാല് പൊലീസിനെക്കൊണ്ട് അറസ്റ്റ് ചെയ്യിക്കുമെന്ന് ഭീഷണിപ്പെടുത്തിയിരുന്നുവെന്നും ശാന്തി ആരോപിക്കുന്നു.
എന്നാല് ഇതുസംബന്ധിച്ച് നീന മല്ഹോത്ര പ്രതികരിക്കാന് തയ്യാറായില്ലെന്ന് റിപ്പോര്ട്ടുകള് സൂചിപ്പിക്കുന്നു. ഇവരുമായി ഫോണില് ബന്ധപ്പെട്ട് ഇക്കാര്യം ചോദിച്ചപ്പോള് ശാന്തിയുടെ പേരുകേട്ട ഉടന് അവര് ഫോണ് ഡിസ്കണക്ട് ചെയ്യുകയായിരുന്നുവത്രേ.