കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

വെളിയം സ്ഥാനമൊഴിയുമെന്ന് സൂചന

  • By Lakshmi
Google Oneindia Malayalam News

Veliyam
തിരുവനന്തപുരം: സിപിഐ സംസ്ഥാന സെക്രട്ടറി വെളിയം ഭാര്‍ഗവന്‍ സ്ഥാനം ഒഴിയുമെന്ന അഭ്യൂഹങ്ങള്‍ക്കിടയില്‍, നാലു ദിവസത്തെ സിപിഐ നേതൃയോഗങ്ങള്‍ തുടങ്ങുന്നു.

ശനിയാഴ്ച എക്‌സിക്യൂട്ടീവും ഞായറും തിങ്കളും സംസ്ഥാന കൌണ്‍സിലുമാണു ചേരുന്നത്. ജനറല്‍ സെക്രട്ടറി എ.ബി. ബര്‍ദന്‍, ഡപ്യൂട്ടി ജനറല്‍ സെക്രട്ടറി എസ്. സുധാകര്‍ റാവു എന്നിവര്‍ എക്‌സിക്യൂട്ടിവിലും കൌണ്‍സിലിലും പങ്കെടുക്കുന്നുണ്ട്. ഇതുകൊണ്ടുതന്നെ നേതൃമാറ്റമുള്‍പ്പെടെയുള്ള നിര്‍ണായക കാര്യങ്ങളില്‍ തീരുമാനമുണ്ടാകുമെന്നാണ് സൂചന.

തദ്ദേശ ഭരണ തിരഞ്ഞെടുപ്പിലെ പ്രകടനം വിലയിരുത്താനാണു കമ്മിറ്റികള്‍ ചേരുന്നതെങ്കിലും നേതൃമാറ്റ ചര്‍ച്ചയ്ക്കു തിരഞ്ഞെടുപ്പു വിലയിരുത്തലിനെക്കാള്‍ പ്രാമുഖ്യം ലഭിക്കുന്നാണ് കരുതുന്നത്.

ആരോഗ്യപരമായ പ്രശ്‌നങ്ങളാല്‍ വെളിയം സ്ഥാനമൊഴിയുമെന്ന സൂചന മുന്‍പേ ഉണ്ടായിരുന്നെങ്കിലും നേതൃമാറ്റം ഉണ്ടായിക്കൂടെന്നില്ലെന്ന് വ്യാഴാഴ്ച എബി ബര്‍ദന്‍ വ്യക്തമാക്കിയിരുന്നു. എന്നാല്‍ പിന്നീട് ബര്‍ദന്‍ അദ്ദേഹത്തിന്റെ പ്രസ്താവന തിരുത്തി.

എന്നാല്‍ വെളിയത്തിനു പകരം പുതിയ സെക്രട്ടറിയെ നിയോഗിക്കുന്നതിനെക്കുറിച്ചു പാര്‍ട്ടി കേന്ദ്ര നേതൃത്വം തങ്ങളുമായി ഒരു ചര്‍ച്ചയും നടത്തിയിട്ടില്ലെന്നു സംസ്ഥാന നേതാക്കള്‍ അറിയിച്ചു. ഇതു സംബന്ധിച്ചു കേന്ദ്ര നേതൃത്വം എന്തെങ്കിലും തീരുമാനമെടുത്തതായി അറിവില്ലെന്നും അവര്‍ പറഞ്ഞു.

വെളിയത്തെപ്പോലെയുള്ള ഒരു നേതാവിനെ സ്ഥാനത്തുനിന്നും ഏകപക്ഷീയമായി മാറ്റുക അസാധ്യമാണ്. സ്ഥാനമൊഴിയുകയാണെന്നു വെളിയം സ്വമേധയാ പ്രഖ്യാപിച്ചാലേ പുതിയ സെക്രട്ടറിയെ തിരഞ്ഞെടുക്കൂ.

സംസ്ഥാന സമ്മേളനം തിരഞ്ഞെടുത്ത സ്‌റ്റേറ്റ് കൌണ്‍സിലിനാണ് ഇതിനുള്ള അധികാരം. സിപിഐ ഭരണഘടന പ്രകാരം ആക്ടിങ് സെക്രട്ടറിയെ നിയോഗിക്കാന്‍ വകുപ്പില്ല.

കണ്ണൂരില്‍ 1996ല്‍ നടന്ന സമ്മേളനത്തിലാണു വെളിയത്തെ സംസ്ഥാന സെക്രട്ടറിയായി തിരഞ്ഞെടുത്തത്. പി.കെ. വാസുദേവന്‍ നായര്‍ക്കു പകരമായിരുന്നു ഇത്. തുടര്‍ന്നു പാലക്കാട്, കോട്ടയം, തൃശൂര്‍ സമ്മേളനങ്ങളിലും വെളിയം തന്നെ തിരഞ്ഞെടുക്കപ്പെട്ടു.

സെക്രട്ടറി സ്ഥാനത്തു നിന്നു തന്നെ ഒഴിവാക്കണമെന്നു തൃശൂര്‍ സമ്മേളനത്തില്‍ വെളിയം ആവശ്യപ്പെട്ടിരുന്നെങ്കിലും അവസാനം തുടരാന്‍ നിര്‍ബന്ധിതനാകുകയായിരുന്നു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X