2 ജി സ്പെക്ട്രം: സൊളിസിറ്റര് ജനറലിനെ മാറ്റി
ടെലികോം വകുപ്പിലെ അഴിമതി സംബന്ധിച്ച് മൗനം പാലിച്ച പ്രധാനമന്ത്രിയുടെ നടപടി സുപ്രീം കോടതി രൂക്ഷമായി വിമര്ശിച്ചിരുന്നു. ഇതിനിടെയാണ് സൊളിസിറ്റര് ജനറലിനെ മാറ്റി അറ്റോര്ണി ജനറലിനെ തന്നെ സര്ക്കാരിനുവേണ്ടി ഹാജരാകുന്നതിന് നിയമിച്ചത്.
ഇതോടെ സൊളിസിറ്റര് ജനറല് ടെലികോം വകുപ്പിനു വേണ്ടി വാദിക്കും. സര്ക്കാരിനെ ഫലപ്രദമായി പ്രതിനിധീകരിക്കുന്നതിനാണ് അറ്റോര്ണി ജനറലിനെത്തന്നെ നിയമിച്ചത്. ഇതോടെ സുപ്രീം കോടതിയില് വെള്ളിയാഴ്ച സര്ക്കാര് സമര്പ്പിക്കുന്ന സത്യവാങ്മൂലത്തില് അറ്റോര്ണി ജനറലിന്റെ അഭിപ്രായങ്ങളും നിര്ണായകമാകും.
രാജയുടെ പ്രോസിക്യൂഷന് നടപടിയില് സര്ക്കാര് തീരുമാനമെടുക്കാന് വൈകിയതിനെക്കുറിച്ചു വിശദീകരിക്കണമെന്നും സുപ്രീം കോടതി ആവശ്യപ്പെട്ടിട്ടുണ്ട്.
പ്രധാനമന്ത്രിക്കെതിരെ സുപ്രീം കോടതി കുറ്റപ്പെടുത്തല് നടത്തിയിട്ടില്ലെന്നും സര്ക്കാരിനു വേണ്ടി വാദിക്കുന്നതില് അഭിഭാഷകര്ക്കിടെ ആശയവിനിമയ തകരാര് നടന്നിട്ടില്ലെന്നും സൊളിസിറ്റര് ജനറല് വ്യാഴാഴ്ച വ്യക്തമാക്കിയിരുന്നു