ഇന്ദുവിനെ കൊലപ്പെടുത്തിയതെന്ന് ജോത്സ്യന്‍

തിരുവനന്തപുരം: തീവണ്ടി യാത്രക്കിടെ ഗവേഷണ വിദ്യാര്‍ഥിനി ഇന്ദുവിന്റെ മരണം ആത്മഹത്യയെന്ന് ക്രൈംബ്രാഞ്ച് ഉറപ്പിയ്ക്കുന്നു. ഔദ്യോഗികമായി വെളിപ്പെടുത്തിയില്ലെങ്കിലും സഹയാത്രികനും അധ്യാപകനുമായ സുഭാഷ് ഇന്ദുവിനെ കൊലപ്പെടുത്തില്ലെന്ന നിഗമനത്തിലാണ് അന്വേഷണ ഉദ്യോഗസ്ഥര്‍.

വിവിധ അന്വേഷണ സംഘങ്ങളുടെ ചോദ്യം ചെയ്യലിലും സുഭാഷിന്റെ മൊഴിയില്‍ വലിയ വ്യത്യാസമില്ല. ഇന്ദുവിനെ സ്‌നേഹിക്കുകയും ഒരുമിച്ചു താമസിക്കുകയും ചെയ്‌തെന്നല്ലാതെ കൊലപ്പെടുത്തിയിട്ടില്ലെന്നാണു സുഭാഷ് വെളിപ്പെടുത്തിയത്.

അതേ സമയം ഇത് വിശ്വസിയ്ക്കാന്‍ ഇന്ദുവിന്റെ മാതാപിതാക്കള്‍ തയാറായിട്ടില്ല. എന്നാല്‍ ജോത്സ്യന്‍മാരില്‍ നിന്ന് ലഭിയ്ക്കുന്ന ഉപദേശമനുസരിച്ചാണ് ഇന്ദുവിന്റെ മാതാപിതാക്കള്‍ ഇത് കൊലപാതകമെന്ന് വിശ്വസിയ്ക്കുന്നതെന്ന് സൂചനകളുണ്ട്. ഇത് സംബന്ധിച്ച് പൊലീസിന് വിവരം ലഭിച്ചിട്ടുണ്ടെന്നും അറിയുന്നു.

ഇന്ദുവും സുഭാഷുമായുള്ള അടുപ്പം വീട്ടുകാരറിഞ്ഞിരുന്നില്ല. ഇതറിഞ്ഞപ്പോള്‍ സുഭാഷ്തന്നെ കൊലപാതകിയെന്നു മാതാപിതാക്കള്‍ കരുതി. ജ്യോത്സ്യന്‍മാരുടെ പ്രവചനവും സുഭാഷിനെതിരെ നീങ്ങാന്‍ അവരെ പ്രേരിപ്പിച്ചു. ഇന്ദുവിന്റെ മൊബൈലില്‍ നിന്നും ഡിലീറ്റ് ചെയത സന്ദേശങ്ങളും ക്രൈംബ്രാഞ്ചിന് ലഭിച്ചിട്ടുണ്ട്.

ഇന്ദു കടുത്ത മാനസിക സമ്മര്‍ദ്ദത്തിലായിരുന്നുവെന്നാണ് ഇതും സൂചിപ്പിയ്ക്കുന്നത്. ബാല്യകാലസുഹൃത്തും പ്രതിശ്രുതവരനുമായ അഭിഷേകിനെയും കാമുകന്‍ സുഭാഷിനെയും ഒഴിവാക്കാനാവാത്ത മാനസികസംഘര്‍ഷം ഇന്ദു നേരിട്ടിരുന്നുവെന്നാണ് സന്ദേശങ്ങളില്‍ നിന്നും വ്യക്തമാവുന്നത്. സുഭാഷ് സ്വമേധയാ സമ്മതിച്ച പോളിഗ്രാഫ് പരിശോധനയുടെ ഫലവും ഫോറന്‍സിക് റിപ്പോര്‍ട്ടും ലഭിച്ചാലേ കേസില്‍ തുടര്‍നടപടികള്‍ ഉണ്ടാകുവെന്നും അറിയുന്നു.

English summary

Police Investigators have come with the conclusion that Indu OK's death was due to Triangle Love.